Twitter Beğeni Hilesi

Rubyiruko, Bikira Mariya Nyina wa Jambo abarinde mu muhamagaro wanyu, mukomeze gutega amatwi Imana. Bikira Mariya akunda urubyiruko nibo yabonekeye i Kibeho. Ibyo mukora n'ibyo muteganya mu nzozi zanyu bibahire, muhore mukeye,muheshe Imana ikuzo. Imana ibahe umugisha.

Bavandimwe,musangire Noheli mu ngo zanyu,mubaturanyi banyu, mukomeze abihebye n’abafite ibibazo binyuranye,mubahumurize ko Kristu Umukiza yatuvukiye, mubasangize ku nkuru nziza y’amizero kuko Imana idukunda, Yo yaduhaye n’Umwana wayo ngo abane natwe ni iki kindi itadukorera.

Mbifurije ineza n'amahoro bituruka ku Mana,Umubyeyi wacu,no kuri Nyagasani Yezu Kristu. Dushimire Imana yadusenderejemo ingabire z'amoko yose muri We,cyane cyane iyo kumumenya,kumwakira no kumumenyesha abandi. Umwaka mushya muhire wa 2024.

Uyu munsi tariki ya 18.1.2024 dutangiye icyumweru cyo gusabira ubumwe bw'abemera Kristu.Turusheho gusaba Imana kugirango ibyo duhuriyeho nk'abemera Kristu dufatanye, ibyo tudahuriyeho twubahane, muri byose dukundane. Dukunde Imana kandi dukunde mugenzi wacu nk'uko twikunda.

Muri iki cyumweru dusabira ubumwe bw'abemera Kristu, tuzirikaneko amacakubiri ari ikimenyetso cyo kuba kure y'Imana kuko gusabana n'Imana bituma tuba abavandimwe. Ubwiza bw'indabyo bugaragarira mu mabara yazo anyuranye. Abemera Kristu duhuzwe n'Ijambo rye kandi ritumurikire.

Rubyiruko,abababeshya ko bishimye kuko ntacyo babuzwa, byose babyemerewe ndetse n' amahano usanga yamamazwa ngo niyo yaha umuntu ibyishimo ni ukwibeshya.Kwishima mu buryo buboneye, bwubaha Imana, mutsinda irari ry’umubiri ribagira imbata,nibyo bizatuma muba ingirakamaro.

Rubyiruko mugusoza ukwezi k'urubyiruko ndabasaba kurushaho kwishimira amizero mufite muri Kristu.Ijambo rya Yezu rifite ububasha kandi niryo soko y'amizero yacu. Yezu ati: "nimungane mwese abarushye n'abaremerewe,Jye nzabaruhura,muzamererwa neza mu mitima yanyu"(Mt 11,28-30).

Dear young , if God says yes to your life, who can say no? . The Word of God is powerful. Nothing can resist it. Listen carefully to his word, follow his will, and live in truth, because everything becomes possible for the one who loves God.

Rubyiruko,nimugire ukwizera. Ukwizera gutuma umuntu atuza,agatekereza neza,akamenya impano afite,akamenya ubukungu yifitemo nuko yabukoresha.Ukwizera gutuma ukorana ingoga n'imbaraga, Iyo nta kwizera,umuntu arigaya,akitinya,agahora ararikiye ahandi n'ibyabandi,bigatuma yiheba.

Kuri uyu munsi, dusoza icyumweru cyo gusabira ubumwe bw'Abemera Kristu, tuzirikane ko Imana itazatubaza amadini twasengeragamo ahubwo izatubaza ibyiza twagiriye abavandimwe bacu:"kuko nari nshonje mukamfungurira, nari mfite inyota mumpa icyo nywa,nari umushyitsi murancumbikira.

Igisibo ni igihe cyo gutsinda ukwikunda kugirango dushyire Imana imbere mu buzima bwacu, abe ariyo ihabwa ikuzo, aho kugirango abe aritwe twubahwa cyangwa tugaragara. Ni igihe cyo gutsinda ukwireba gutuma tutakira abandi

Abashakanye ni byiza kujya mugira isaha y'umuryango.Abagize urugo mukicara hamwe, mugasangira ubuzima,mugatega abana amatwi kugirango mumenye ibibazo bafite, mubagire inama. Muzirikaneko urugo rwiza arirwo rutegura ingo z'abana bazivukamo kuko arimwe bafatiraho urugero.

Bakristu,mujye musabire abasaseridoti kandi mubafashe kuba indahemuka mu masezerano yabo n'Imana mu butumwa bwabo.

Mbifurije Pasika nziza. Urumuri rwa Kristu wazutse rusakaze mu mitima yanyu amahoro n'ukwizera.

Roho Mutagatifu Yezu yatwoherereje ni Roho w'urukundo. Ururimi rw'Imana ni urukundo. Iyo abantu babuze urukundo ntibashobora kumvikana,barasobanya bikabyara amakimbirane.Uyobowe na Roho Mutagatifu arangwa n'urukundo ibyishimo,amahoro, kwihangana,kugira ubuntu no kuba indahemuka.

Ukaristiya ni isoko y'umubano mwiza wa kivandimwe.Abahawe Ukaristiya baba biyemeje kuba ibimenyetso n'abahamya b'urukundo rwa kivandimwe. Ni isangira rihuza abavandimwe rikabaha imbaraga zo kubaho mu rukundo.

Amaraso y'abamaritiri ni imbuto y'ukwemera. Abamaritiri b'i Bugande dufitanye isano ya hafi kuko turi imbuto y'ubuhamya bw'ukwemera kwabo gukomeye. Abamisiyoneri babonye ubwo buhamya bukomeye bw'ukwemera kwabo bamaritiri nibo bazanye Ivanjili mu Rwanda bavuye mu Bugande.

Rubyiruko, ni mwe benshi muri Kiliziya no mu gihugu, kandi ni namwe Kiliziya y’ejo n’u Rwanda rw’ejo. Hamwe namwe turashimira Imana kubera Yubile y’imyaka 2025 y’ubukristu, n’imyaka 125 Ivanjili igeze mu Rwanda. Mukomereze aho kuba ikimenyetso cy’amizero, muri Kristu.