كل دول العالم ابتدت و بنت جيش الا ام الدنيا بناها جيشها 😍

كل العائلات في العالم فيها فروع فقيره و غنيه… صاحب الاصل الكريم فقط الذي لا يعاير الفقير بفقره و عندما يغتني الفقير لا ينسى فضل الغني عليه… تنظيم رائع للبطوله العربيه 😉

النهارده غيرت مبادئي و ابتديت اتعلم ChatGPT ما هو كمان مش معقول الجيل الجديد بكل امكانيته دي بيستغل الذكاء الصناعي وانا أفضل على امكانيات تضمحل بالساعه…

لاحظت انتشار محلات بيع الملابس المستعملة في المانيا …المشكلة ان الالمان لما بيفتقروا ما بيغيروش النظام الالماني فقط دول بيطربقوا النظام العالمي على ادمغه العالم كله 😱😱😱

اهالينا قالوها اللي ما بيشفش من الغربال يبقى أعمى… دور مصر الحضاري تقزم عندما سمحنا بأنتشار ثقافه العشوائيات ليس في الفن فقط بل في العمل و المعامله…

دور هيئه تنشيط السياحه كمؤسسه حكوميه دور شرفي لا يتعدى دور اي مسئول بيقص شريط الافتتاح لمشروع اقامه القطاع الخاص و هذا ليس تقليل بل توصيف لدورها الذي لا تستطيع القيام بأكثر منه نظرا لإمكانياتها المتاحه من ناحيه و لطبيعه سوق السياحه الدولي من ناحيه اخرى…

مصر أكبر مصنع للهري في العالم… لو نعرف بس نعلبه و نصدره كان زمنا أغنى دوله في العالم من زمان 🤣🤣🤣

الف مبروك انضمام مصر الي تحالف اقتصادي عالمي يتمتع بناتج محلي أجمالي اكبر من الاتحاد الاوروبي… ربنا يزيد ربنا يبارك 💪💪💪

في الاوله قدر الجيش ان الريس باع مقدرات مصر لما سمح للمحروس و شلته بالتحكم في مقدراتها و في الثانيه الريس خان مصر لما سمح لجماعته المشبوهه و مرشده بالسيطره على مؤسساتها. الان الكلام على ايه؟ غلاء الاسعار و هو ما يحدث في كل بلاد العالم. مشروعات قوميه مكنش وقتها أمال امتى وقتها؟

احب ابشركم ذي مكنا من اواخر الاجيال اللي بتعرف تحسب من غير Calculator حنكون من اواخرها اللي بتعرف تفكر من غير ChatGPT 😱😱😱

اثناء عزل الكورونا تخوفت من التغييرات النفسية للبشر نتيجه من الخوف من المجهول و تداعياته على المستقبل… حاله الاكتئاب الجماعي أخطر على البشريه من اي سلاح نووي…

ينتمي اغلب الصحفيين المنتمين لمؤسسات الاعلام العالميه لليسار و ذلك حفاظا على نسب التوزيع بين الشرائح الأكبر من الفقراء و عند كتابه مقالاتهم عن مصر يعتمدون في افكارهم على معلومات مغلوطه تأتي أغلبها من مصادرهم من اليساريين الذين يبحثون عن عداله و هم في الواقع يدمرون ماتبقى منها.

و السؤال ايه علاقه اليسار الثوري باليمين الديني المتطرف و الاجابه أن التاجر الشاطر مش بيبيع صنف واحد ...

فعلا بني آدم ما يملاش عنيه الا التراب … ده مافيش بلد استثمروا فيه الا لما لبسوا في الحيط مع عدى بلدهم المحروسه… اقول فيهم ايه و فيهم كل العبر 🤣🤣🤣

سوف ينتهي العدوان الغاشم على اخواتنا في فلسطين بالفشل… بس و النبي خليكم فاكرين المؤامره… بطلوا نشر البوستات و الكوميكس اللي بيعملها أعدائنا ضد مصر…

فلوس العرب مش أغلى من دمهم… أوقفوا تصدير البترول و اسحبوا استثماراتكم فورا من الدول الداعمه للإبادة الجماعية…

مش طايقين حالهم حيتحرقوا خلاص… مش كفايه عليهم الساحل الشرير كانوا حطين عنيهم على الحته الحلوه اللي فاضله يسرقوها بتراب الفلوس يعملوا عليها ساحل الشياطين…

اللي ما اتهرسش في المجمع ولا اتحشر في اتوبيس ولا شاف قريب ليه بيموت و الإسعاف مش عارفه توصل بيقول ايه لازمه العاصمه و المونوريل و الكباري… أنانيه مطلقه…

لو الانظمه العربيه صرفت الفلوس اللي بتصرفها على تلميع دورهم لحل القضيه الفلسطينيه على القضيه نفسها لكانت اتحلت من زمان…

مصر حاربت ٤ حروب مع الصهاينه دفعت تمنها من دم اولادها و اقتصاد لا شيء فيه يعلوا فوق صوت المعركه. مصر حاربت كفايه بالنيابه عن العرب و اللي عاوز يحارب اهلاً و سهلا