خاض جيش المشاعر معركة واشتباك مثل ما تشتبك سحب المطر بالنفيض صوبتني وانا غافل .. سهوم الهلاك قامت الحرب والقاسي ذبحه الغضيض رحلتن تجمع الاضداد عطني وهااك ماتعرف النقيض الا بفعل النقيض

في ضحكتي فـ الصور فـ عيون جلاسي في وحدتي في السفر في كل مافيني آلمني الوقت بعدك يا بعد ناسي والمؤلم اني ذكرتك وانت ناسيني فاضي ومن ذكرياتك ممتلي راسي ياخذني الشوق .. والطاري يوديني فقدت ذاك الشعور وحبسة انفاسي في اللحظه اللي تضم ايدينك ايديني

يا ثقل الطواري كل ما مرت المرتاح تورّد مسامعها على بير هوباله تجيب الظنون و تشعف الدالِه المزّاح ولا يعجبك شكله ، ولا تسرّك أحواله مشاريه ذاكرة الليالي على اللي راح مشاريه عودٍ روحوّا خيرة عياله .

يا روح روحي وجرح القلب وعلاجه ألطف بـ حال عليك الهمّ ساهجها قلبٍ يناجيك بأسلوب الهوى ناجه يشكي لك الحال داخلها وخارجها اما التفت له وتم الواصل بأمواجه ولا بلا عشرةً هاذي نتايجها وش ينفعك من حنين القلب وخلاجه وجروحٍ اسبابها انت ولا تعالجها

لاتحسب إني على فرقاك متباهي ياللي طواريك ما يقطع مسيّرها تبقى محبتك في قلبي على ماهي لو كثرت أصدوف بقعا ما تغيّرها ")

على شعور المحبّه.. يحسن الله عزاي ماعاد أبي من طيوفك شي غير الخلاص لو أنّي أنسى الفراق اللي مبّيح خفاي مانيب ناسي كلامٍ مثل ضرب الرصاص أحاول أقسى على ماضيك .. لكن وفاي يقول مالك عن الرجعه مفر ومناص أنا ما جيت أختبر حبّي وأجربّ غلاي جيت أتطمنّ عليك إنّك بخير وخلاص (:

ياصاحبي خذ الهدوء من ناحيه ومن ناحيه أخرى خذ الشيء الأصح مالك و مال العالم .... المتناحيه اللي علينا بالكلام ...... أتلح لح حنا بلشنا ..... بالعقول الصاحيه ماهوب عاد اللي عليها قل صح

يامرحبا بالرقم في ذمتي والسناب عقب الغياب الطويل وعقب البطى تذكر يوم اقول لك روح مراح السحاب وتقول لي يا عشيري رح مراح القطى شف تاليها حبيبي غلقه واكتئاب والشوق عندك سطى وعندي سطى على العموم الله الله فيّ وخل الغياب ترااااني احبك ولكن ماحب الخطى

ليت الشوارع تجمع اثنين صدفـه لا صار شباك المواعيد مجفـي   الحب واجد مير الأقـدار صلفـه والارض واجد لكن العزم منفـي

معاك الظّنون أكبر، معاك الحقوق كْثار يا حي الدروب اللي تجيبك ويا حيّك على يمتك وش لي من الناس، والزوّار تغرّبت ما كنّ أكثر عيونك شويّك! أنا وش علي إن طاح دون الكلام سْتار؟ أحبك وأفضّل شمسك إن ما حصل فيّك تعبت أتطوى وأنت ما لك سماء وأخبار وأنا ما أعرف إلّا اِسمك، وعمرك، وحيّك .

أنا الحضور .. اللي ما يشبه للغياب وأنا الغياب اللي شعر به من حضر لا جيت مثل المزن في عرض السحاب و غيري سحابٍ .. ما يجي منّه مطر

محبتك ، بس من مده ، إلى مده والوصل دايم على كيفك ومشهاتك دامك نويت الجفى والبعد والصده مافيه ، داعي تراجع عن قرارتك ! وان كان جو الملل حدك على الرده ما الله خلقني عشان املي فراغاتك

والله لخونك واجرحك واتناساك وابيع حبك واصرخ اليوم مابيك منت بكفو قلبن يحبك و يرعاك ياجاحد المعروف خاب الرجا فيك مغرور و متكبر و شــاانت حلاياك واعنادك اللي فيك خـله يسلــــيك

عوّدت نفسي ماتحسّف على شي لأن العمر ما يحتمل للحسايف بعيش لحظات الفرح دامني حي وبزرع الضحكه بجرد الشفايف ولا ألحق الهقوات شيٍ ماهو لي ولاعدت اجزع من فراق الولايف إن غاب غالي فـ الحزن باخذ شوّي أيام . . و تروّح علومه طرايف موصيٍ قلبي لاشفت الخطا عيّ امّا تعدلها . . أو تصد عايف

مجلسٍ في وسطه البن الأشقر يستدير من كثر ما يدهلونه ؟ يحذفون الغتر ㅤㅤ كبّره راعيه بـ الفعل . . لو ما هو كبير كل ما قال أرحبوا : كنّه يزيده متر

اعرف ان الطواري ما تمّر إلا تجيب احباب يجي طاريك كن البال في جدول مواعيده َ ادوّر لك عذر ياللي تدوّر للغياب اسباب يا شبه الكلمه اللي بعدها غصّه وتنهيده َ من آداب الفراق إنّك تصون العهد للغيّاب اخاف الجرح يهدى وانت تلقى عذر وتزيده "

الصبر محمود وإن الله مـع الصابرين يالله بحظٍ مثل نور الصبح لا شـرق العمر لحظات ياللي تحسب إنـه سنين أسرع من الرمح وأصدق منه لامن زرق والوقت لو يعتذر عذره ماهو بالسمين إيمان فرعون ما فاده عقب مـا غـرق " عطوني صدوركم ( لله يا محسنين) " ابسرق الشطر هـذا .. يـوم كلٍ سـرق

أحنّه من الأعذار وأحنّه من النوح يعرف إني أعذْره ولو ما قبل عذري لو إن الكلام المر يبنى عليه صروح لقيتوا نصيبي ما يظلّل ولا يِذري سيوف العتب لو تملي الذكريات جروح ولا الصاحب اللي يجرح الروح ما يدري تخافون من الأقدار واللي كِتِب في اللوح و أنا أخاف يذبحني كلامٍ ملى صدري

يا طارق على باب الفرج لا يجيك اليأس بيفتح .. مثل ماقد فتح الأندلس طـارق

والليل لو تلبسينه ستر فوق الشعاع شعاع طلتك ، مـا بيني وبينه ستـر