اتمنى من كل قلبي اي مادة اضافية وزنها ساعتين تكون بدون اختبار ولا فاينل لانه صدق ما ابشعها من مادة،وإضاعة وقت على كيف كيفك ودكاترتها دايما شادينها

العنصرية بهالبلد اغرب شي شفته بحياتي عادي يحاسبونك على غلطة يهودي بنقلاديشي تخرج سنة ١٩٠١ ولا نيجيري مسيحي متربي في البرازيل. يحسبون كل الطلاب الوافدين مبرمجين بنفس الشريحة

السنغافوريين مايعجبهم العجب ولا الصيام في رجب،كل كلامهم حلطمة تعين لهم رئيس صيني شتموه بعده فازت مسلمة شتموها الحين هندي ومو عاجبهم وش ذا بدأت افهم ليش هم مكروهين في آسيا

على طاريهم تذكرت شي غريب الناس هنا ماتعترف بتايلند،يعني لمن اسولف مع اصدقائي الاسيويين محد يجيب طاري تايلند ابد. يسافرون للصين وسنغافورة وإندونيسيا والفلبين احيانًا وفيتنام ،بس تايلند إللي بينهم وبينها حدود برية ويقدرون يدخلونها بدون فيزا محد يروح لها

عندنا مادة صعبة ومن سوء الحظ انخسفت درجاتنا فيها بسبب انه السؤال إللي عليه نص الدرجات طلع خطأ وما اكتشفوا انه خطأ إلا بالبرنامج . الدكتور قال لنا"فيه صينيين بالشعبة الثانية جابوا فل مارك" غالبًا هذي التقنية إللي استخدموها الصينيين علشان يكتشفون انه السؤال غلط لانه مستحيل 👇🏾👇🏾

رحت البقالة العربية بشتري اندومي وكينزا يقلك بسترجع الذكريات،عيوني بغت تطلع من مكانها لمن شفت السعر ١٧

احب المناقشات بشدة بس للاسف مني قادر القى رفيق بهالبلد. احب اناقش كل القضايا من الكبيرة للصغيرة وبمختلف المواضيع،لدرجة افكر اسوي نادي بالجامعة لكن انا متردد جدًا

هالنوع من الصور النمطية يزعجني بشدة هو و"الاغنياء وقحين والفقراء ارق القلوب واطيبها" للحين مني فاهم ليش كل وسائل الإعلام من الروايات للكراتين تحاول تروجها للناس،ليش نحاول نعكس صورة نمطية خاطئة تشيطن فئة من المجتمع

اشتغلت كمرشد للمستجدين والمستجدات واقدر اقول لكم وبكل ثقة: وراء كل مهندسة برمجيات مكتئبة،ابن عمها إللي قال لها لو درستي ميكاترونكس بتداومين بالصناعية كل يوم ادخلي برمجيات الوظيفة مضمونة

سبحان الله كنت دايما اقول لو بشتري لابتوب خارق مابترك لعبة في حالها،الحين شريته ويادوبك اقدر الحق اتروش من الضغط

فاتح ليق بالكافيه وجنبي واحد يلعب قنشن مقهى الفشلة