والله مافيه احد محلل العيد كثر عيال اخواني للحين طراطيع وكل يوم يجونك بكشخه وكل شوي يبونك تشغل لهم شي عشان يرقصون .. ياحليلهم صفر هموم والله

قسم بالله متعتي اذا شفت مراهقين يسلمون ويعايدون والمجلس مليان رياجيل ابدا اكثر عليهم كلام واسالهم بصوت عالي وشلووونك طيييب ؟ كل عام وانت بخيييير ومن العايديييين ، عشان يبلشون ويتلعثمون ومايدرون وش يقولون احس بانتصار داخلي

-كل عام وانتم بخير ياجنودنا اللي على الحد
والله يحميكم وينصركم

-ومن العايدين لكل عسكري مداوم ويقوم بواجبه ومخلينا نعيد بكل امن وامان

-وعساكم من عواده يالموظفيين اللي ماقدرتو تعيدون مع اهلكم

وعيدكم مبارك جميعاً 💚💚💚

ثلاث أطباق سويتها للعيد يعني مايحتاج أمي تروح تتعب نفسها وتشتري حلويات العيد

تارت العيد
معمول العيد
شوكولاته العيد 🩷

قناعه .. كل عام وانت بخير ومن العايدين وعساك من عواده تنقال بعد صلاة العيد مو ليلة العيد 🤚🏼🤚🏼🤚🏼

والله للحين عجزت اتفهم واتصالح مع اللي يسافرون قبل العيد بيوم ويعيدون برا مدري وش اللي بيفرق يعني عيد بين اهلك وناسك واطلع بعد العيد عادي ترى

اكثر شي يخليني اعطي البزران فلوس بالاعياد هو لما اتذكر مشاعرنا وحنا بزران للي كان يعايد علينا بفلوس كيف كنا نموووت فيه ونحب العيييد معاااه … ايه انا اشتري مشاعر البزران بفلوس 🤍

🌧️🌧️🌧️🌧️🌧️

الموظفين عليكم باخوانكم العاطلين لاتنسونهم والله متأكد بعضهم محتاج فلوس بس تعز عليه نفسه انه يطلب وانتم اكيد ماتقصرون معهم، ولا تستهينون بالمبلغ اللي تحوله له تراه يفرق معهم كثير

حَرِيصٌ عَلَيْكُم بِالْمُؤْمِنِينَ رَءُوفٌ رَّحِيمٌ

مجيد قالَ رسُولُ اللَّه ﷺ: سَبْعَةٌ يُظِلُّهُمُ اللَّهُ في ظِلِّهِ يَوْمَ لا ظِلَّ إلَّا ظِلُّهُ: إِمامٌ عادِلٌ، وشابٌّ نَشَأَ فِي عِبَادَةِ اللَّه تَعالى.

لو يعرف ذا الحديث ذا راح يتغير تفكيره

المفروض يفرح وينبسط انه ما انجرف بهالعمر للمغريات، وش اللي يخليك تكتئب يعني ماتدري يمكن انت اقربهم الى الله او يمكن نتيجة حفاظك على نفسك بهالعمر ثمرته ان الله يرزقك ابناء صالحين، انا وانت وكلنا مانعرف وش مخبي لنا الله لكن انا واثق من شي واحد الشخص اللي يصون نفسه الله بيصونه

ياخي مدري بس والله شعور حلو يوم ادعي لناس كنت اعرفهم والحين انقطعت علاقتنا اما بسبب انشغال او شي يارب يذكروني زي ما اذكرهم

﴿ إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾

اللهم صلِ وسلم على نبينا محمد

اي والله اتفق وبقوة

مجيد زوجي ٢٢ الف صارت ١١ الف وعندي جمعية شهر ١٠ باذن الله اسددها له يستاهل والله فوق الفرحه فرحتين❤️❤️❤️❤️

مجيد بسددها عن اخوي كانت ٦٠٠ وصارت ٣٠٠ اول هديه عيد تم ☑️

اتوقع افضل عيديه تقدمها لأقرب شخص لك الحين انك تسدد مخالفاته بعد القرار الجديد حق خصم 50% من مخالفاته

اكثرر خبر مفرح وبيفرق مع ناس كثير... بشرو كم مخالفاتكم؟؟؟

مجيد قد مرة اشتكينا على نظافة الحارة والشجر مو مرتب يوم وهم منزلين عدد كبير من العمال وفوقها جايبين آلة تتظيف ارصفة وشوارع وزبايل وانت بكرامة.. وللمعلومية بلدية الرياض عندها هالخدمات من ١٥ سنة وكان رفع البلاغ على رقم البلدية نفسه ويسوون فوق المطلوب منك بوجود مشرف عليهم