النفوس إللي عليها قِل شيمه لا تخاويها ولا تشرّه عليها

العمر وقفات والدنيا دروس وعبر والعاقل اللي عرف الايام وحمولها من جادل الجاهلين يضيع له في بحر فلا تخاطب الناس الا بمستوى عقولها ثنتين خذها معك يا من يهمك لامر وصى عليها الحكيم لطيب مفعولها لا تمدح العود لين يحط فوق الجمر ولا تمدح الناس حتى تظهر فعولها

راسٍ يبادلك الوفا حب خشمه حطه علي يمناك وارفع مقامه وراسٍ يقلل قيمتك لا تحشمه لو زان في وجهك لقاه وكلامه

الحاجة اللي دونها ذِلّ ودموع  تنعاف لو فيها الحياة ورغدها

اتعبوا لأهدافكم ياهل الحلم الشغوف عنفوان زهور الأعمار قافيها المراح الضعافة ويش ودت وجابت للضعوف غير صبرٍ ما يواجر وهمٍ ما يزاح الفشل لا تجعلونه ذريعة للوقوف هو تراه أول مراحل محطات النجاح ما يعديك المهونة ويلحقك الشفوف غير ممشاك بشجاعة وعزمٍ من كفاح

نبي نعلمك العطا والعطايا لوكان مافي جيوبنا غير دينار ياما سترنا في الجمايل عرايا من غير منة في وكالات الأخبار أرواحنا للخير دايم ظمايا لونشرب الما من عذيات الأنهار نقلط من الفزعة لحمر المنايا ولانجامل كل خاين وغدار خوينا نصبح لعزه ضحايا نقصر على شانه طويلات الأعمار

يقوّي عزوم الرجل عن مطيحه نظرات ناس معلّقين الرجا فيه

خلك وحيد بعض الأحيان ترتاح وأسلم من العالم وكثرة غثاها

لا زعل منك : واحد لا تدوّر وراه كلها أيام ، ويجيك " ويطيح العتب " دامه بْلا سبب يزعل تجاهل رضاه راح يرضى مع الأيام .. وبْلا سبب لا زعلهم غرٓقْك ولا رضاهم نجاه حاول تْعيش هالدنيا .. على ما تحب لا تفكّر وتتعب ، بـ اختصار .. الحياه ماهي الحاجة اللي .. تستحق التعب

ياحمود ريضان الجماعه مريفه واللي مع الاجنــاب كنّه على نار ٰ يمنى بلا يسـرى تراهـا ضعيفـه و رجلٍ بلا ربعٍ على الغبن صبّار ٰ الطير بالجنحـان م احـلى رفيفه واليا انكسر حدا الجناحين ماطار

ترفّعنا عن الدون وتسامينا عن المنقود  و تعلّينا لأجل تـبقى على العـزّة أسامينا

حملنا وشلنا والحمول الثقال خفاف ياويش الرجل من غير وقفة بني عمّه نقول ابرك الساعات في ساعة الميقاف ماندري من اول واحدٍ يارد الجمّه ترا اللي بني عمه معه ماعليه خلاف لو انّه عليه الفرس والروم ملتمّه

اللي ستر عيبه عن الناس بهدوم  وش يستره لا صار عيبه كلامه

ترى بعض الكلام رصاص لاصار اللسِان زناد ياليت الأدمي ما يهرج إليا ضاقت اخلاقه

﴿ وَآخِرُ دَعواهُم أَنِ الحَمْدُللهِ رَبِّ العالمين ﴾ ( اللهم لك الحمد حتى ترضى ) 🎓

عسى اللي يقوم بواجب المعسر المحتاج يعيش العمر ماجرب الضيق والحاجه

العقل ماهوب دايم صحيح الاتجاه الدروب أحيان ودّك تخالف سيرها

من كثر ما تضغط عليّ الدنيا وأقول عادي صرت أواجه وقتي الغلّاب وأصافح يمينه