أنا في رجا اللي رد يوسف على يعقوب يردّك ولو " ريحة قميصك " تكفيني

الله يكفّينا صواديف الأقدار ونلقى السّعد في مقبلات الليالي

نقصر خطاوينا على الدرب المعيب والماقف اللي يبهج الخاطر .. نقف

معك ما شلت في صدري حزن مثقال من ذرّة معك حتى العُمر لا ضاق .. تفسح له تعاليلك

الكرامة غالية .. والنّفس حُرّة من تراخصها رخص عند الخليقة

يالله .. إني في ذرا وجهك الرّحب الرحوب من صواديف الزمان و صكاتها الموجعة

تصبّر لو إنّ الصبر مرٍ على راعيه مصير الزمان يقفّي بـ حلوه ومرّه

ديارٍ سكنها واحدٍ في الحشا موجود عسى صادق الوسمي يعانق مرابعها

على شباك ليلك ما لمحت إشراق مضى عمري سهر وتقول لي بدري

تعيش المواقف ما تحلل مع الاجساد "دفنا النشاما ،، ما دفنا جمايلها "

وأنا أحبك ومن قلبي أحب وماني بمحدود ولو إنّي ما أحبك .. كان ليه أزعل وأتشرّه ؟

والله إن القلب شفقٍ على بعض الأمور بس عندي عزّة النفس .. حاجة ثانية

رخيص الطبع مرساه الرخيص لو جاه من طيب الفعايل غمامه

يالله إني في ذراك من الخطا والهفوة ومن مقامٍ ما يوقّر صاحبه ويصونه

كل دربٍ تحسب إن ما فيه غيره فيه غيره لا تعلّقها على شورٍ .. عطاك الله بداله

من معطيات التجارب واختصار الكلام أنجح عقول الخلايق فالزّمن أربعه من فضّل الصمت لا زادت هروج الأنام ومن ينثر الطّيب لا شاف العرب تجمعه ومن شاف زلّة رفيقه في طريقه و شام ومن برّ في والدينه .. برّه بينفعه

لولا الخطا ما صار للصح قيمة و لولا وجود الصح كان الخطا دام والصاحب اللي له معزّة وشيمة نحذف خطاه خلاف ونقول قدام

ترانا على سود الليالي وساع صدور لو إنّها ما خلّت كل شيٍّ على حلّه ما نبلش ليا منّه حصل فالأمور أمور نعقد الحبل بوجيه الأيام و نحلّه

الخاطر اللي يلحقه في تالي الأيام جور يحتاج له عزله عن العالم وصبرٍ يسعفه