ياعاذلي ماني على النـاس شمات لكني انـصح واستمــع للنـصيحـه استنكــر المنكر واحجـه بالاثـبات واعاتب المخطي عسى الله يبيحه لـوكــل مــره نقبل الميل بسكـات رحنا ورى المترديـه والنـطيـحــه ان ماردعنا مـايـل الحـال بالـذات لا بـارك الله بــالشعـر والقــريحـه #عايد_بن_ضلعان

اليا أبليت بكملتن مالها علاج عوجا وجاتك من عوج صد منها دور لها يامحكم الشور مخراج ولا تنشد اللي جابها عن ثمنها مانته مكلف بين ناقل وهراج أرفع مقامك يابيض الوجه عنها #جري_حجاب

الكلمة اللي ما تحصن من اللوم وتحصينها بين الحا و الشوارب لابد ما يجري لها طارفة يوم وينهد مبناها مثل سد مارب #نادرمشخص

يكفيني من ( الهَمْ ) ما جاني و لا أقبل زياده و أصبحت لا أسأل طبيبٍ و لا أسأل مجرّب ( كنّي غريبٍ ) ماهو بـ ناويٍ يرجع بلاده من يوم مات اللي على شان مرضاته تغرّب #عبدالله_بن_سعد

الكلمه اللي جات تسحب رسنها اقيادها مفكـوك وعقالهـا طلق ما عنك ياصدر الشمالي وعنها مادامها ما وصلت الوجه والحلق #عبدالله_مقبل

هالشموخ اللي تسمينه شموخ عبرة ٍ في وسـط جوفـك حايمـه والرضوخ اللي تظنينـه رضـوخ غيمة احساس ولفت لـك غايمـه والرسوخ ان كان تبغين الرسـوخ حسرة الخافـق ونفـس ٍ شايمـه يوم كنتي بـس يابنـت الشيـوخ طفلة ٍ فـي قلـب خلِّـك نايمـه #نجم_السمرين

في روضة الشعر زملوقه وريحانه يميل فيها النسيم ان هب نسناسه يسـقـي وطــاهـا مـن الثجاج هتانه فواحة العطر روح الروض وانفاسه يقطر نـدا مـن ورقـهـا حـيـل ريانـه ولا داج في خـدهـا راعـي وعساسه #ماجد_نغيمش

الرفيق اللي يفيدك في لزومك لاتردى فيه حذرا ي رفيقي والرفيق اللي يهبّط من عزومك همله لو الليالي بك تضيقي #بندر_بن_مبارك

اشره على رجل يقول القصيد عنده بيوت عوج ومكسره واليا نصحته حطك انت البليد والا ذراعه للقسر فسره وبعض العرب جاله على ما يريد حتى على قل السنع جسره الشعر ما هو ضبط خيل بحيد يلعب به المغرور ويحسره لا صار لا فايد ولا مستفيد يرتاح والمجهود لا يخسره - #شعر// #خلف_بن_مريخان

ياكثرهم لا طاال صوت التراحيب وياقلّهم لاكاظمن ،،،، بالأعنّه هذا الكلام اللي منزّه من الريب ويدّمي كما تدّمي إحداد الأسنّه #فارس_بن_عوض_السحيمي

اضويـت ياهـاجسي شمعتك بين الضلوع ياليت ياهـاجـسي بالـصـدر مـ اضـويتهـا صحيت فيّ الهجوس العمي وقت الهجوع مـثـل الـحيايـا ليامـن دســت فـي بـيـتهـا اشعلت نارك وذوب الشـمـع قـطـر الدموع لـــيـن الـمـخــده بـدمـع الـعـيـن أرويـتـهـا #ماجد_نغيمش

الكاذب : أسوء عِباد الله و ألعنها لو ما إنلعن في كتاب الله و الـ سُنّه من كثر ما يجرح الـ شيمه و يغبنها من كل قلبك ما ودّك ( يدخل الـ جَنّه ) #عبدالله_بن_سعد

الوجيه اللي على الحشمه تربت من نواها بالردى يفدى لحاها ، والوجيه اللي على الفزعات لبت جعل منهو ينقل النمه فداها ، #بندر_بن_مبارك

اللـه يكــافينا الفــطـيـن السهاوي اللي علـى الغياب بالحـنك جــرار والـلــه يكافينا الشـمـيت الـزراوي ذاك الضحوك اللي مع الناس هذار واللـه يــجـنـبـا الــبــلاء والــبـلاوي ويكتب لنا الخيره وللـه مـاخــتـار #ماجد_نغيمش

ماني على بعض المواضيع مجبور للـدين شيـخ وللسيـاسه سياسـي ليه التـزم في واجبٍ منه معـذور والنفس ازيد حمولها من حماسي حملي يكفيني عسى الذنب مغفور واليا عسفت النفس ياطيب راسي اللي على وضـح النقا يكـره الزور واللي يجـامل يعُتبر دبلـومـاسي #عايد_بن_ضلعان

اخذت من دنياي درس وتجاريب لاتتبع المقفي لاراح بطريقه بعض البشر يحتاجك ايام ويغيب هذي حقيقه لابغيت الحقيقه #عبدالعزيز_بنيان

ماتعب قرار الـبيد بـكعوب الامـهار فـي وقت يُدفع بـه من الـشّر هـيّه إلّا شـغامـيـمٍ لـهم فــعــل وكــبــار فيـهم وصوف الـصّفوة الـهـاشمية واليوم ماضيهم تحت رمل الاقـفار أقـفى زمــانـن راح يــاسـرع طــيَـه #رباح_بن_عفاس

وجهٍ قسا لـو جـار ما نطلبه شـي عزيز نفس ورغم جرحه شَكـرتـه والله لاأعز النفس ما دامني حـي واللي ذكـرني في حياتي ذكـرتـه #ذكرى_قديمة

الله لا يبعد هـواك وغرامك عسى يجي للبعد مليون رادع تعرف مرامي زين واعرف مرامك حبي وحبك دون ضحك ومخادع ابدع بيوتي فيك واكتب كلامك في كل يوم اصيرر كاتب وبادع خايف من الدنيا تغير نظامك الخوف متقهوي بصدري وقادع اشك حتى يالغضي في سلامك مدري سلامك وصل ولا موادع ⁧#عمر_بن_بجاد⁩

اللـه اللـه يالليالي مع الـوقـت القضيف واللـه اللـه ياعـزوم الــرجــال الـوافـيه طبخة الايام ماهي كما طبخات شيف والشدايـد مـاتشابـه شـعـور الـعـافـيـه طبخة الايام تضربك بالحــد الرهـيـف وجــبـة الايــام بـاالعـمـر مـره كـافـيـه #ماجد_نغيمش