بيطلّ وجه الفرح لو غيّب وطوّل " مردّ الايام تاتي بالفرح كلّه ".

اضرمت في صدري الاحزان وانا جاحد " كل حزن يمرّني خلّا بصدري وقعه " اعتقيني يالظروف اللي : تهد الواحد ما بقى بين الضلوع العوج ولا رقعه .

الضلوع مشتته ، والعين لاحقها طواري يالله افزع للضلوع اللي بكتها العين حرّه المطر غيث الضلوع المجدبه والليل ساري ! وانا واحد لاسمع صوت المطر ينسى المضرّه .

انا واحدٍ لو يعبس الوقت ما صدّيت " كبيرٍ يواجه سود الأيام بمكابر ".

يا مرحبا وابرك الأيام واسعدها ترحيبةٍ ماهي من الباب للطاقة ♥️.

" انا لك حبيبي كل ليلة بلا تحديد " ليالي العمُر ما بين رمشك وشاماتك .

عالج ( جروح المُحب ) اللي يخاف الفرقا الشعور اللي عقب شوفتْك يصعب شرحه ! من يشوفك " تبتسم له " مستحيلٍ يشقا ومن يشوف " عيونك الثنتين " يبرا جرحه .

" كم ضريرٍ جابه الوقت بعماه " ما حسب لحساب دورات السنين فـ اكتب احلامك على صمّ الصفاه قبل يمحّيها مع الوقت الونين .

يا سفيران فعلك طيب ، وانت الاطيب فاض طيبك للنشاما والوفاء منك افيض شيختك ماهيب شيخة ختم ولا منصب شيخةٍ بالفعل الابيض وانت وجهك ابيض . بيض الله وجهك يابو سعيد بياض ينصب لك في رووس الجبال ، اشهد بالله انك الشيخ الحقيقي اللي يحتذى به وبفعوله ، جعل ربي يرحم عبدالله ويطوّل بعمر

اعبست في وجهي الدنيا وهدّتني ونالت كل ضحكه كنت اخبّيها من ظروفي وحزني .

مع الدروب الصعيبة جيت كلّي عشان : من لأجلها سال دمعي واستبحت العبر اي بالله احبها " والحب فيها ضمان " من الحياه الكئيبه ، والشقا ، والكدر مقرونه بـ كل ما يشفي جروح الزمان اشوفها في المطر واشوفها في السفر بنت الرجال العظيمة ما تعرف الهوان لين الكرامة خذت منها دروس وعبر ! يزين

الخوّه اللي مواريها على الحاجه انفاسها تنقطع عند اول معاتب ! به صاحب لا نصيته يضحك حجاجه وبه صاحبٍ لا نصيته عقّد الحاجب .

تغاضيت عن سود الليالي وانا مسرور مع ان الليالي واجهتني بقو اجحاف ! تقلّب حياتي بين : جنّبينها وتبور وانا المؤمن اللي صابرٍ ما عليه خلاف عزاي الوحيد ان النهاية بشوف النور ولابدّ ياتيني عقب رحلتي الانصاف .

يا رَحْمَن زاد الهم .. واستاسعت الأحزان واجاهد حزوني لاجل احافظ على طبوعي انا ماني "بآله" انا في النهايه "انسان" ادوّر فقط ما يجلي "همومي ، و روعي".

علموا اللي يحسب الليل ليلٍ من سنين " الليالي تبكي اللي نهاره ما بكى " واحدٍ لا طال ليله ، وغنّوا العاشقين قامت تحدّه همومه ولا عمره شكى يتسامر طول ليلة بدمعات و ونين الدموع انفّه على النفس من كثر الحكى .

ما ينفع الرديان فـ الامداح بمب ! مهما تضخ من الكلام ، وتمسحه يجون لـ امريكا لأجل مدحة ترمب وترمب يرجي من محمد يمدحه .

لا لقيت المطلق اللي ماهو بمتغاني لا تفرّط فيه جعل اتلى عهدكم قوّه والخويّ اللي ما يوقف لي بوقت احزاني خوته ما تنذكر .. ولا تسمّى خوّه .