قبل لا تروح لـ دربك الضايع وتمشيه تجاهل هوى قلبك ونفسك وما تهوى دعيت الله بـ دعوه تقيٍ بكى ماضيه وجابك لي الله من دعائي وصرت اشوى قبل لـ اعرفك ماطيق عمري ولا ادانيه وبعد ما عرفتك صرت في عيني المأوى اشوف العمر غالي ويسوى احبك فيه مثل ما اشوف انه بلياك ما يسوى

﷽ ﴿إن الله وملائكته يصلون على النَّبِيِّ يا أيها الذين آَمَنُوا صَلُّوا عليه وَسَلِّمُوا تَسْلِيمًا﴾ اللَّهُــمَّ صَلِّ وَسَـــلِّمْ وَبَارِكْ على نَبِيِّنَـــا مُحمَّدﷺ 🤍 ..

الوقت لو غيّر مفاهيم وطبوع أبقى الذي ما غيّر الوقت طبعه يوم الليالي جفوة أحباب وربوع "ما بار بـ أحبابه ولا خان ربعه" يا اللي تشوف العمر تابع ومتبوع أنا أشوف العمر موقف وسمعه

فقدك المدى وَأوّل طريقي وصدر الدّار يا وجهٍ لو تْملّ الصور منه ما أملّه معك كني أخذ في فضَا ليلتي مشوار وأجاذبك صبحٍ يفهق العمر عن حلّه تعال إن بدأ لك في دروبي ضحى ، وديار هذا الصدر مرتع وأنت خابره ، وتدلّه وخذ أوّل شبابي عمر لاشحت الأعمار وإذا كان مايكفي — فداك العمر كلّه

" جازت له الغيبه وللحين غايب مايدري ان الشوق في خافقي حي من طول الغيبات عنده حبايب ماعاد فيها لا غنايم و لا شي "

كيف اصبحك بسلام وكيف امسيك بسلام وانت في مجرى وريدي مع سواقيه تغدي لك عيوني لك حياتي لك سنيني لك مقام لك حلالي لك فوادي لك ورودي وشهدي انت دانه وانت آيه وانت عشق المستهام انت نادر في عيوني يا عيوني وسعدي انت غاية مطلبي يا روح روحي والغرام انت شف البال والله وانت غاية مقصدي 🤍

يا ملح الحياة وشمس عمري وكل اشياي أنا من لقلبي غيرك .. ليا انطفأ ضيّك ؟ فداك الزمان اللي مضى و الزمان الجاي حسافه يا عمرٍ قبل أعْرفك ما أهتدى غيّك قليلك ، لا يهمك دام كله في سبيل رضاي تراني عن كثير الناس - يغني نفسي شويّك

رميت وجهي على كتفك شوي وغفيت والغفوة اللي ثواني فوق كتفك عُمر لو إنك من أول الدنيا معي ماشكيت مافاتنا نستحقّه بس ما الله أمر لو مرّ عمري معك برد وسلام اكتفيت هذا وجنبك ربيع العمر عيّا يمر دامك معي لايهمك لو ضحكت أو بكيت كتفك لحاله يكفّي لين يقضي العمر .

ضيقة فالصدر عيت حرارتها تروح كل ما قلنا هدت شب ساعرها علي ليش يادنيا العنى والمشاكل والجروح توقدين النار وضلوع صدري تصطلي لا متى والقلب ياوقت من نارك يفوح والعيون القشر قامت تفيض وتمتلي ياحمام الورق محد درابك لو تنوح وإن جفتك الدار منها تشد وترحلي

انا لا تباطيتك عليّ الولّه ينشاف يبّين على العاشق وينشاف فـ عيونه احبّك جعل حبٍ يجي من بعدك يْعاف وانا حالفٍ حبّك مع الوقت ما اخونه ليا شفت وجهك والله ان ماعلّي اخلاف فلا تنشد اللي شاف غايتّه وش لونه ؟ عيونك مثل مجدٍ قِصر دونه اللي خاف وانا اللي يحب المجد ويموت من دونه

له في وجيه العابرين وفـ الممر طيفٍ .. يعاملني مثل ما آعامله لو ما كمَل به نصف دين ولا عمر لا زلت آداري خاطره .. وآجامله في كل ليلة طاب لي فيها السمر كنّه « يشكّلها » بـ روس آنامله إن ما طغى نوره على نور القمر عطاني المشهد بـ صورة كاملة

عسى العمر و تفاصيله من أوّل حبه و تاليه فدا ضحكة محيّا وجهك و تنهيدة إحساسك ليا عاث الزمان بصبحك و نورك عجز يمليه أخذني عن ليالٍ مظلمه بالحيل مقباسك أحب اللي تحبه و أكره اللي يمكن تعاديه ولا باقي سوا أحارب عن ظنونك و وسواسك

اللّٰهم اكفني شر لطفاء المظهر خبثاء النوايا وابعد عني يالله المنافقين وذو الوجهين ومن يظهر لي حبه وفي باطنهِ خبث. اللّٰهم ابعد عني كيد الكائدين وحقد الحاقدين وشر الحاسدين اللّٰهم اكفني شر خلقك.

أهني بك حياتي يا قمرها وأهني بك عيوني يا ضياها .

يارب في خاطري ضيقه ولا لي سواك ضاقت علي البسيطه وأخلفت نظرتي ولي عبرة يوم تخنقني أطالع سماك وأترجم الخوف من رهبتك في عبرتي انا بدونك حياتي للفنى والهلاك من دون رحمتك يارحمـٰن وش حضرتي؟..

لا يموت ظالم حتى يري الله المظلوم حقه حتى يشفى قلبه.

" اللهُـمَّ في ليلة الجمعة اجعلنآ من الذين إزداو إليك قربآ وصرفت عنهم مصائب الدنيا ولا تصعب علينآ أمرآ وأرزقنآ حظ الدنيا ونعيمّ الأخرة"