خلو قليل الشان مع عالي الشان يشرح معاناته ،، ويرفع كفوفه ماهوب شاكي هم الإنسان لإنسان يشكي على رب الخلايق ضروفه من كثر ماقلبه بالأيمان مليان يطلب من المولى وكنه يشوفه #نايف_اباالعون

عزالله إني نمت نومه واناحاج الذّ نومه نمتها في حياتي حلمت بالجنة وانا لابس التاج والله مسامحني على سيئاتي لاحدٍ يصحيني قبل بعث الافواج في نومتي حققت كل امنياتي ماودي ارجع للمشاكل والازعاج ويصير حلمي شي من ذكرياتي روحو ونامو بالفنادق والأبراج وانا اتركوني نايم في حصاتي

أهنئكم بعيد الأضحى المبارك، أعاده الله علينا وعليكم بالخير والبركات. سائلين المولى سبحانه أن يتقبل من حجاج بيته نُسكهم وطاعتهم، وأن يديم الأمن والاستقرار على وطننا وشعبنا، وعلى أمتينا الإسلامية والعربية والعالم أجمع. وكل عام وأنتم بخير.

أمام سمو سيدي ولي العهد يحفظه الله، تشرفت بإلقاء هذه القصيدة اليوم في الديوان الملكي بقصر منى.

يومنا الوطني المجيد ذكرى عزيزة متجددة في صفحات الوطن الأبيّ، متجذرة في وجدان الشعب السعودي العظيم. اللهم أدم على بلادنا أمنها ورخاءها واستقرارها، واحفظها من كل سوء.

َ ياشين منهو عاش متهني وجـاره يحتريه محتاج ، لكنه يعف النفس خوف احراجها كم شي محتاجه وهو ماهو بقادر يشتريه ويشوف جاره يشتري حاجات مايحتاجها #عبدالله_الطلحي

#بس_اقول لو كنت قاضي ، معي تفويض واحكـم .. على بينة ، وشـهود لا اقول .. لبس الثياب البيض يحرم على اهل القلوب السود #عبدالله_الطلحي

يالله بدنيا ما تخسّرني الدين لا انصبّت الارزاق منا و منا

اول خطوات النجاح هي أن توقّف الدراما في حياتك اليومية، تبتعد بقدر المستطاع عن الحساسية تجاه الآخرين، اخلق لهم اعذار، تجاهل، تغاضى طنش وهمش كل حاجةٍ مالها تأثير على نفسيتك ومسيرتك، ثم كرم نفسك واختار لها من الصحبة أرقاها، ومن العشرة احنها، ومن صدور المجالس أوسعها، ومن الفعل أطيبه.

نعتز بذكرى تأسيس دولتنا المباركة قبل ثلاثة قرون على الأمن والعدل والعقيدة الخالصة، ولازال نهجها راسخاً منذ ذلك الحين، في وطن يتقدم إلى الريادة في مختلف المجالات.

ٓ كل بنتٍ (قطعة) من قلب ابوها دمعها يجرح ، وضحكتها تداوي ذي حقيقة وانشـد اللي جربوها قبل تقدِم للزواج إن كنت ناوي #عبدالله_الطلحي

مد انظرك وانشد هل العرف والبخص وتدري ان ابو سلمان ماحد ٍ بحوله حنا سمعنا دولة ٍ تشفع لشخص ومحمد اول شخص يشفع لدوله 🇸🇦 #محمد_بن_سلمان #سوريا

لولا مجننا كلتنا المجانين وتطمع بنا الجهال لولا جهلنا ولا يخوفنا هدير البعارين تخشى جمال القوم هدرة جملنا سعد بن جدلان رحمه الله🇸🇦❤️

شرّعت بيبـان المــوده للاقــراب والراي لن جاء فالصميم احترمته وانا علـّيه للسـنع بــذل الاسـباب وليا عـرض منهاج طيب اغتنمّتـه وإما حصلي فيه موقع ومضـراب عقّلت مذلـوق اللسان وحشمّتـه ومدام كثـر الهـرج يفتـح مية باب أعلى مراتب هيبت الرجل صمته #لاحق_العضياني لاحــق - العضيـاني

#السعودية_تعزل_اسرائيل #محمد_بن_سلمان_ينتصر_لفلسطين هذا الذي قوله يطابق فعوله واذا وعد له وعد ، لازم يوفيه مقفي ،، ولكن تعرف الناس زوله وغيره وهو مقبل مااحد يلتفت فيه

#اليوم_الوطني_عزنا_بطبعنا وحّد شتات المسلمين وتكّى عساه في خضر الجنان يتكّي #نايف_اباالعون

في ذكرى يومنا الوطني، نحمد الله على ما تحقق من إنجازات في بلادنا الغالية، ووحدة وطنية قامت على الشريعة الإسلامية والعدل.

تمنيت لو استطيع تمرير هذه التغريدة على جميع سكان الأرض والجميل انها وصلتني عن طريق قروب واتساب يتناقلونها الناس فيما بينهم شكراً كاتبنا المميّز محمد الرطيان 🤍🌹

أبشرك جانا مطر يا إبراهيم اللي تحبه يا إبراهيم جانا كانت عيونك تفرح إن شافت الغيم ليتك تشوف الغيم يملأ سمانا من كثر ما أنت بذاكرة عمري مْقيم أحس في صوتك يسولف معانا يارب ، يارحمن ، رب المقاسيم يقسم لك الجنة و يجبر عزانا _ إبراهيم، ولدي توفي في 5 /,4 / 2025 رحمه الله

#السعوديه وقادتها واهلها "خطٍ احمر" 🇸🇦🇸🇦🇸🇦