يا أطهر من الطهر ومن الراقيات أرقا مايمسحك من خفوقي مسح جوالك تبغيني ابكيك شف لي دمعةٍ ترقا الدمع ينزل لغيرك وأنت يـرقا لك

تغيب عن عيني وتجيبك ذكريات أيامك ، وشرهاتي ، وبيوت الشعر بديت أكذب جملة (اللي فات مات) لليوم أشواقي معـك فيها عمـر !!

وجهي الذابل من غيابك يصب : ذكريات ، وشوق ، وآمال ، و قهرَ

اصعب شعورٍ يفوق الترجمه والحروف يعطيك معنى الأسى لا قلت معنى الأسى لا غاب شخصٍ تحبه واعتذر بالظروف ان حب يذكر ذكر و ان حب ينسى نسى

لجّ الخفوق و جرّ صوته من أقصاه ولجّت معه حدب الحنايا تنوحـي عليك ياللي كـل ماقلـت ابنسـاه عيـّـا خياله عن خيالـي يروحي

انا له اطوع من الشايب لرعبوبه وهو لي اعصى من العذرا على الشايب،،،

القلب عقبك على قول البدو كنّه عدٍ خلا مـنه بدوانه و ذيـدانه فاقدك والفقد في شرع الهوى سنه ديوانه الحزن ، والعـشاق ضيـفانه،،

مادامني بين المحاني " نحته " هو ليه من البين المحاني " محاني " ؟!

حبّه بقلبي أطهر من نوايا يتيمه ، وأبيض من "التوبه" على وجه تايب واجمّل من الطفله بـ عين العقيمه ، وأصدق من الدمعه على خد شايب

من حب غيري معي ماني بمحتاجه يلقي قلوب تموت به و يموت ابها اسمع بـ قطَة فلوس ونشتري حاجه لكن ( قطَة مشاعر ) ما سمعت بها،،

وعين ٍ بهآ .. لوعة الأشواق ملحوظه ! مآ كل من هبّ وألا دب يملآهآ،،،

يآ عيوني في مسرآت الحيآه ؟ أرتبطي لو عطيت الحزن وجهي مآ خلص موضوعي أحفظي لي من دموعي شيّ أنآ من مبطي ودي أضحك ضحكةٍ منهآ / تطيح دموعي

يا حيّ عاما ودار الوصل و الجمعا درات عليها الشهور وغاب غاليها جروحنا داميه ، وقلوبنا وَجعا وعيوننا هَبت النسناس تبكيها

لاخذاك البعد من دافع شكوك وغيره والله اني ماعشقت الا المراجل وانتي💗

يا مساء الخير ، يا غصنٍ تثنّى - ليت حظي ، مثل حظ الريح فيك ! ٰ ليت حظي حظ شعْرك لا تهنّى - أو تثنّى في نحرْك ، وبين يديك !

عسى الله يسمّح دربك اللي يضمّ اخطاك مع ان كل خطوه كل ما اقفيت توجعني ..

عسى لنا مع مقاديم العرب خانه ومن حظوة اهل التردّي مالنا حظوه ٰ احد ٍ نخلي مشاغلنا على شانه واحد ٍ مانجلس معه حتى على الفضوه ..