بحاول اقنع نفسي اني مش السبب في حاجات كتير عايزة ابطل اجلد في نفسي بجد بس ما يمكن أنا السبب فعلا؟!!

لسه معيطة لما اكتشفت ان مفيش حاجة عيطتني قد الناس/الحاجات اللي بحبها

كل الأحاسيس ال بحسها إن عاوزة اعيط بس معقول مفيش مشاعر تانية؟ كل حاجة تقيلة ع قلبي بطريقة صعبة بجد

شهر ٦ عدى شهر ٧ عدى شهر ٨ عدى

حرفيًا كنت خايفه من اللي انا فيه دلوقتي

غريب البني آدم قادر يطمن كل اللي حواليه إلا نفسه

وَاللَّهُ يُحِبُّ الصَّابِرِينَ

مؤمنة بالقدر، بس زعلانة راضية، بس زعلانة عارفة إن كُل اللي بيحصل في صالحي وخير، بس زعلانة محتاجين نقول للناس إن مش شرط الزعلان يكون ساخط على الوضع ومش مُتقبله.. الزعل حاجة والرضى حاجة تانية تمامًا

مش هبطل اطلبهم من ربنا يارب الانتظام في الصلاه يارب ابعد عن المعاصي يارب أزور الكعبه يارب أسافر يارب وظيفه بحبها يارب أصلحني يارب الجنة يارب احلامي تتحقق يارب اوصل للي نفسي فيه يارب حياتي تتحسن يارب قلبي يطمن يارب عقلي يهدا يارب بكره يبقى احسن.

قاعدة أستنكر كل مشاعري عشان ميجليش جلطة

صاحب الكل ديما لوحده فعلا .

ربنا مش رايد فخلاص..

جوايا حزن محدش قادر يشوفه غيري بجد، حزن وزعل على نفسي ومن نفسي.

{قَالَ قَدْ أُوتِيتَ سُؤْلَكَ يَا مُوسَىٰ}

مش عايزة افضل تايهة يارب مش عايزة اكمل باقي عمري تايهة وضايعة مش عارفه انا هوصل امتي ولا هكون كويسه امتي بس عشمي فيك انك ترشدني وتنورلي بصيرتي.

زعلانه اوي علي نفسي المفروض الفترة اللي اكون فيها كلي طاقة ونشاط وشغف انا عكسها تماما، روحي عجزت ف فترة صغيرة اوي بقيت ساكتة ومرسوم علي وشي ملامح الزعل حتي لو ببين عكس ده وبحاول اهرب من دوشة دماغي بس مش عارفة ، مش عارفة اعيش.

انا تمام وكل حاجه بس ( صعبان عليا نفسي وقلبي واجعني ) بس انا تمام الحمدلله.