مين طلال ذا ؟

توصيني تقول الوصل خله في رقبتك دين ترى الايام ماتترك رداها وانت عارفها وانا عاهدتها ما ابور فيها دامنا حيين لها وجهي لو تبور الولايف في ولايفها ترى بنت الحصان النادره ماتقبل التهجين وخيال مايملي عينها ماهوب عاسفها .

تحذرت منها مير مالي عن المقسوم معي عقل لكن كيف الومه وهو معها تمر الفطين المنتبه ويغدي منجوم ويروح الشقردي خاتمٍ بين اصابعها نسايم ثغرها تجرح الورد و اليشموم وهمسة شفاها لاحكت دوب تسمعها انا المنتصر فاللي جرا لي وانا المهزوم وانا اللي وضعت عمامتي فوق برقعها .

المال ماطيّب اعفون الرياجيل والقل مايـقصر براع المروّه

كل صبحٍ ما بدت شمسه، تعلّق في نحرها وكل ليلٍ، ما تلحّف عطرها تبرد هبوبه إن بكت، وش يمنع الدنيا تلقّينا ظهرها وإن رضت، وش يقنع السبع البحور من العذوبه .

لقى العاشقين يصير دايم على التوقيت وإذا قيل صدفه قلت صدفه وفيها إنّا عموماً تراني ماني بناقصٍ تشتيت ولا ودي اقضي باقي ايامي مجنّ …

في ليلتن فيها النظر شبه معدوم أسهبت في التفكير في كل غبّه شفت القمر ثابت ولا حوله نجوم ونحّرت راسي ل نسيم و مهبّه

مداهيل حبّك فالحشا غاية المرباع من الضلع الاصغر وامش للقلب وعلوّه تناما زماليقه وفيه الزهور انـواع عـلى كل ليله ماطره ناشيٍ نـوّه

دايرٍ في خدودك البلج يا الغض التروف هيةٍ من بين ناصع بياضك والشقاح .

البارحه مااادق فالصدر هوجاس ولا تضايق صدري من الطواري ليلة غريبة لا مشاعر ولا احساس ساري ولا ادري ليه بالضبط ساري مغير اجر الصوت .. واجر الانفاس واخذ و ادرج في فجوج الصحاري من شافني يوم ادرج قال : عساس ماكن هذي .. دار جدي وداري …!

عزّاي إني على قيد الأمل لو السنيّن تميل مثل شمسٍ تعدّاها المغيب وتنتظر بكره .

يانجمةٍ مرت من الليل ساعه فـ الثلث الاخر مع طلوع الثريا نظرت نظرة خوف مدري شجاعه واثره ماغير النور من صدر هيا غروٍ لعبي لعب طفل الرضاعه واليا طلبته بعض الأحوال عيا ياسرع طرقة رمشها وارتفاعه العين فيها النوم والقلب حيا ياليت أبوها من قريب الجماعه أظن يحصل لي من الشي شيا .

تعبنا من طواريق الغزل و معاتب الأحباب ما غير العذر مثل العذر و الغيبه ورى الغيبه ودلهنا مشاعيف البكار ونسع الارقاب وهذا دارن نضحي به وذا دارن نعشي به

كثر ما الله عطاها من حنان ومن قبول وزين كثر ما هي بتكبر في عيوني من مواقفها خذتني من محيط الحظ الأقشرّ والزمان الشينّ على أول شبتي .. لين أغدقتني من عواطفها على إيديها عرفت إن المحبه في غرام اثنين علاقة حبهم ما فيه غير الصدق .. ينصفها

يبقى شعار العِز مُشرق ماغرب 💚

جادلً ما الله خلق مثلها بين الملا جدّها يقدع شفا الجمع و يدك الحصون تفتخر و تقول من جدي القوم اقتلا كيف ما اقتل كل عاشق بـ سلهام العيون.

سعودي وافاخر يوم حكامنا ال سعود وياقف لنا التاريخ .. هجري وميلادي وطنا هواه .. يفوح بـ المسك والكمبود وطنا على العالم سطع نجمه البادي ..!

لا ترخص النفس والأيام ملحوقه أجمع من العز ما يروي مشاويرك .

مادريت ان لعبة الثقل جازت لـ العوب لين مكّنت اسهم الهجر بين جنوبها تدري اني صلف واتوب الي مايتوّب خل ينفعها دلعها وثقل اسلوبها .

لافاز الاهلي تنام الارض مبسوطه العشب سِر ابتسامتها وفرحتها!!