اقدر على كل شي الا السكوت الطويل اللي يعيّشك مابين الهدو والقلق

مهاةٍ خلقها الله قصيدة بدون أشباه تمنّع عن الشاعر .. وتلعب بذايقته لها رمشٍ أمعن بالنظر للحشا و ادماه و صوتٍ تربى الغنج في باذخ أروقته -خلف الضيف

"مشهد حنون" جالسه ارتب شنطتي وماما عندي و كل ماطلعت فستان تسمي علي وتقول الله يكفيك شر العيون….احبها

يوم أشوفك تلبسين الثياب الباهيه شي من لون الخزاما ومن لون النفل تنشديني كيف طلتك وانتي ناهيه يا غزالٍ كل ما قلت أبي أصيده جفل أنتي اللي تجبر البدر ياخذ زاويه والسحابه تستحي منك والنجمه تفل

الجميله كلنا لعيونها قلب وقالب عين سمحات الخدود وعين منسوع الجديله ومن غدى لعيونها من يمنا ماله مطالب ما نضحي بالنفوس الا على شان الجميله ولا غدى لعيونها ياكود سادات التغالب نص لعيون البسوس ونص لعيون الجليله - سعد بن جدلان

انطلق جيده يماري في بهاه فوق مياسٍ تعزّل واعتدل بـ الرشاقه فيه من ظبي الفلا لى مشى كنّه على الريح انتقل

لو كان يرمي بي على النار مسرور فدوة حبيبٍ ماعشقنا بديله الناس واجد لكن القلب مأسور اللي شبكني شبكة الله وكيله ماهو حقود القلب نذلٍ ومسعور أبيض بياض الثلج كلن يخيله كفه عطا مغموسة المسك وعطور نفسه على عليا المكارم نزيله يالله ياربٍ خلق سبعة بحور تحفظ خليلٍ ميتٍ في خليله

واجهوني اذا لقيتو الذ من طعم قهوة السفر 🤍

تذهب ثمالة المخمور غفوة رقاد السكر من خمور الغيد وش يذهبه ؟ سيد القلب صمتي كان ترتيب ضاد في عيونك كثير من الحديث أسهبه عودك اللي تثنايه ضلال و رشاد مال من غي ولا مال من موهبه ! لمني بالبياض وفلني بالسواد حان مسرى جديل ودي اتوه به

قصيدة ياسر التويجري الاخيره فوق الوصف و مالها مثيّل واللي يقول غير هالحكي مايفههم

ميّل على بيت كساب السمان الهدي الدمث أبو مرحبا للضيف وأبو البقا اللي لي أحن من قلبي وقلب ولدي شقيقي اللي معوضني عن الاشققا 🤍

امنيتي مره اعتمر من غير ما انكتم و ادوخ :(

كـوب قهوة بعد شاور طويل يجدد انتعاشي بالحياة 👇🏻❣️

سمية قنا عذبة موارد عصيّة جال تباشر على ميلادها الريف واشجاره ربت مع بنات الريح والشعر والامثال عنود الريم وبنت شرهه وقهاره عشقها الدخيل وراعي الطير والوبال وغريب البلاد اللي طوى البعد مشواره - عساف ابو اثنين

عنـودٍ عنيـدٍ مـا يعـرف المحنيـه ذبحني وذبح الحـب كايـد وياهونـه الا يـا حلـي المهـا عنـق ريمـيـه اسهوم المنايا بيـن احجـاه وعيونـه ترا زلتـك يـا نـاب الارداف معفيـه افداك الحياة وعندك النفـس مرهونـه -🤍

هذا أنت ولا حمرة الشمس و اليّم ريح المطر .. ولا نسايم حنينك كنّ النهار اللي رسم للشفق فمّ ضحكة ثغرك اللي سماها جبينك

راعي جديلٍ ماشطه بالخضابي زوده على حد الردوف متدلّي والعين عين اللي يويق الهضابي حرٍ على كل الحرار متعلّي والخد بارق مستهل السحابي وكلامه أحلى من حليب المتلي والعود عود الخيزران الريابي والعنق عنق من المها المستضلي

أقربي مني مهو وقت القصايد الحياة اللي بليّا وصل ! مُره خالفي مع عاشقك بعض العوايد لا تغطي بدرك الوضاح غره أدفنيني في مداهيل القلايد في مكانٍ ما حد غيري يمره في دماثٍ فيه من لين الوسايد ما يخلي عيشتي عيشة مسره أن نزلت بواديٍ مسراه كايد واديٍ مال الخطاوي فيه جره —— بندر الدويش

على أبوه الملامة لو أبوه المنتج المشكور وكيل الغِنْج و الحور النجل و المبسم الماسي وهبه الله و أخذ حوريّة الدنيا و جابت حور جمالٍ -يا صلاة اللٓه- لا بصري و لا فاسي لو أقدر كان خلّيتك بصندوق الذهب مصرور عن وجيه الآوادم مالك إلا وجهي مواسي

كل كلمه تطلع من لسانه تقطّر عذوبه من حلا ريقه ؟ يحلّيها .. لو إنها عايديّه لـو تنسم فـ الرطوبة .. غيـر اجواء الرطوبة كن نسمه النسمه اللي من مساء نجد العذيه -تركي بن جويعد