عز الله ان الزمن ماهو على مايرام من يوم قلّو زحوول الوقت و اكابره بعض الرياجيل مشغولٍ بطرد الكلام عساه واللي سواته ينقطع دابره دايم على نفسه يضوي الفشل والملام مدري وش اللي على درب الردى جابره جعله فدا اللي لو اخذ عنه ٢٠ عام اجيه والقاااه نفسه يوم انا خابره :)

تمادوا على سجادة الوتر بالتكبير عشان الذنوب تخف مع جوّها الهادي حياة الرجل عرضه للالام والتقصير.. ماهي فيضةٍ فوّاحها الشيح والكادي ما دام الخطاء يكبر ..اكيد الحقيقه غير ترى الذنب مثل الكلمة الي من الغادي.. ليا خذتها عن محمل الصدق والتفكير.. تجيك التوافه سيلها حادر الوادي..

ترى عازة الدنيا تمر البشر بـ احراج ولابـه صميدع راس ما مر في عازه ابـو مرحبا مع باب طيبه لقى مخراج وابو ويش اسوي ينظر البـاب ماهازه ليا رزت اهداف الظفر فـ حجا منعاج وكــل على مذخــور يمنـاه معنـازه بعيد الهقـاوي وقـع شـرفـاً ًعليها تاج وقريـب الهقاوي هقوته وقع خرازه

أنا غريب الديار اللي طموحه طموح لا تحسبون الفراق اللي أعيشه سهل

كثرة الشرهات توديعة مقفي عجز يرفع لك يده وارخى لسانه

الزمن له فحص شامل والمواقف منخّل وللظفر وجـه طليق وللفعـول موشر كلمة ابشـر لابدا وقـت اللوازم تشخل لا عبس وجه الزمـان من الظروف وكشر اترك الـي لانصيـته لـو بـجاهـه يبخل رفقتـه مدخالها باب يـودي للشر وابشــر ان دورتهـا ماله عليـها مدخل مالقيته فـ ابشر الا يوم سجّل فـ ابشر

كنت ابغي اقابله وانشد عن اموره واثاري الموت لمقابله كان اقرب سواة من برمضان في يده قاروره واذن اذان الفجر قدام لا يشرب ): عبدالله بن مناحي .

ياللي تَعرضت الوقوف المحرج تراك من صعب المواقف معفي اليا ابتدا جوّ السوالف .. فاهرج واليا ابتدا جو المواقف .. مكفي . عبدالله بن مناحي

ياطيب القصيد الي تلافت له الاعناق عن الفكرة المستهــلكه طايلً شبره ترى نظرة المبدع مثل بنـدق التفاق نهار التحدي وقعـها يلقـط الابره

ظـروف الزمان الصلف ومصارع الايام يداحم غثاها كـل منعور ومعّرب تحده على الانـكاف مير الـنظر قدام عزومه حـزام وهقّوته رمحً مذرّب وبعد حكته وارهت وجعها وطاح وقام طلع من مغن احداثها كفو ومجرّب وعطته التجارب كرّت خبره عليه وسام وتعيًن بـ ميدان الحياه اكبر مدرّب

الضعيف اللي يعيش لسانه اطول من يدينه ليت من قصر يدينه .. كمّل وقصر لسانه.

🇸🇦🤍 عشنا على العز .. ثلاثه وتسعين عام والحمد لله تعالى .. والثنى والشكر #اليوم_الوطني93

🎙️✍🏻 الحلقة السابعة من برنامج #واهس بضيفه الشاعر / #عبدالله_بن_مناحي عبدالله بن مناحي. - سنابي الرسمي 🤩🤎 - t.snapchat.com/tzybT3dC

القلوب البيض من صكات بقعاء ما تغير ما تجيب الا البياض اللي تعود به لاهلها . لو خذلها اللي كلامه زين وذراعه قصيّر اعرف ان اللي يعلم الغيب كله ما خذلها . الوفاء خيّر وجحاد الوفاء ملعون خيّر سق على الجهال سايرها وتسلم من جهلها . فالمقالب لا تطيح وفالمخارج لا تحيّر واعرف ان

ازعجتنا عند العرب .. بنوقاتك ياحليلهااا .. وانته بعد ياحليلك لكن قلي .. وش تبى من حياتك لا صرت تتبع شيء ماينتمي لك اخبارنا مبى انشدك كيف جاتك خلك وراها واتعب وشد حيلك ياصبر الارض اللي عليها سواتك تشيلك ولا ادري متى الله يشيلك. عبدالله بن مناحي

#شعر #مجاراه البدع / محمد بن تركي البقمي عبر وحبر العلم صحي ماهو سام والصح غايه والتمعن وسيله ———— الرد / عبدالله بن مناحي البقمي انت تعرفني مااسرف بطلقة حزام الا لقرب الزند خشم الفتيله ———— #ذائقة

مضى لي ثلاث سنين مدري ثلاث اعمار وانا احاول ابعث .. روح الاماال في جثه. عبدالله بن مناحي.

احب الصراحه وابدي الرفض والتأييد ولا اكذّب الصادق ولااصدّق الكذاب لو ان الهقاوي ..كل هقوه على صنديد ماشفنا ثلاث ارباعها [ فصّ ملح و ذاب ] تهقوى .. و لكن هقوتك لاتروح بعيد قبل تنصدم في بعض الاصحاب والاقراب تبى تكثر الاصحاب حولك لاجاك العيد لكن لو تجيب العيد .. رح دوّر الاصحاب !

انا ليا منه انفهق بشت .. الرخى عن منكبيه وقامت تلد الي العيون وسارح الشده ضوى اقبلت للعلم الجميل اقبال .. مرضي والديه وعرضت مايخلف بي الهقوه على صفق الهوا. عبدالله بن مناحي

تجدوني الليلة على شاشة قناة #الواقع في مسابقة #شاعر_القلطه أسال الله لي ولجميع المتسابقين التوفيق ..