لجل عين تكرم مدينة🤍

ربي استودعتك من هو أعز علي من نفسي، اللهُم إني استودعتك قلبه وصحته وعافيته يارب احفظه من كل شر و أعطه فرحه دائمه و صحه دون اكتفاء .

صدري وسيع وضحكتي في محيّاي لو إني من الضيقة أشعر بضيقة أصغر مشاريهي على أحلام دنياي وإن ما صفت لي جعلها في حريقه !

ضحكتي معتريها حزني الخافي باهته .. كنّها دمعه وتدنيقه أتستّر تحت ستر الله الضافي بـ الشِعر واتسلّى في طواريقه ودّي ان كل طيّب راس متعافي بس ذي دبرة الله في مخاليقه ماتعيش الهقاوي في كنف هافي نشوة الحلم ماهي مثل تحقيقه ضيقة الصدر مكتوبه على الوافي مرخص الناس مايدري عن الضيقه

لحدن يشره علي في ضحى ولاعصر لو نويت ادله لحالي وفضلت المسيّر لن صدري من همومي ومن جور الدهر صار مايملك صبر لاقليل ولاكثير

صبرنا على الدنيا ومسحنا دموع العين وجحدنا الوجع لو أن جوره قد أمرضنا !

اما عن الحَال : والله اني شبه منهَار وان قلبي حزيّن من ظرُوف جعل الايام تقطع صيبهَا . َ و أما عن الحظ : ان عطانيّ الوقت فرحه لمدة ساعتيّن جاتني صكات بقعا .. وقالت جيبهَا . َ يعني من الآخر : الليالي كنها الحيّره بوجه الفطين ما قدرت اعرف رداها ولا اعرف طيبهَا .

من حقي أبعد عن الزحمه وكثر العلوم و أفكاري ، اللي من الدنيا طفح كيلها .

لا الصمت نافعني ولا البوح نافع يعني من الصوبين عزي لحالي

سأحَميك دون علمك بـ كلمة ، أستودعتك الله كـل حَين وكل ثانـية ♥️.

ماعاد من در المدارى لا غبوق ولا صبوح شطبت قولة ويش علم المقفي وويش سنعه هي كلمتين اقولها لـ اللي يجي واللي يروح اللي يجي(يامرحبا)واللي يروح (الله معه) يعني كذا لا خاطر يكسر ولا سد يبوح ليش اتضايق وانفعل وانا من الله في سعه

بري حالي لانتهى العصر واعلن الانسحاب وخلت الشمس الصدارة ومالت للغروب اذن المغرب وساد الفضى مثل الضباب ونتهى والليل لبس الاماكن لبس ثوب وردت همومي على قلبي الصلب الخراب وردة احيام الضوامي على العد الجذوب كلها هانت ولا هنت ياهم الغياب من محبة صاحبك صرت ياهم محبوب

أنت أول إنسان يعطيني " شعور " الأمان وأنت أول إنسان ، صمته يستثير أسمعي ٰ ما بين ظرف الزمان .. وبين ظرف المكان إن جيت خلّك معي وإن رحت خلّك معي

تعال إن صارت الديره منافي والوجيه أشباح وعرَّى الوقت نيّات القلوب، وبان خافيها عيونٍ ما يواطنها النعاس، ولا رضَت ترتاح أنا كم لي وأنا أترجَّى السنين تسكّنك فيها .

أكابر واتظاهر بالصبر ، و اشره على التقصيّر وأنا في كل يوم يمر أشوف النقص فيَ حالي.

إني أكرهك أو أتمنى لك الشر هذي ملغيه من عندي أنا يا أحبك يا ماتعني لي شي .

أنا ما أكرهك أنا أشمئز منك ، وهذي أدهى وأمرّ

له مده قاطع عني مراسيله وضايق خاطري جدا ومشحني قولوله الحب لا صكت محابيله ماينفلت منها لا انس ولا جني

كبّروا ليبلغ تكبيركم عنان السماء : الله أكبر الله أكبر لا إله إلاَّ الله الله أكبر الله أكبر ولله الحمد .

"رضوض طفيفة في وجه العشم ، وطعون في قفا الوعد وهذا الإرث العظيم من إهدار العاطفة .