المجهود للي كيدير البشر باش يبين الآخر غالط، كون دارو فـ حياتوا غيكون ناجح..

أكبر خسارة ممكن تخسرها هي تخسر المال، حيث التبعية ديال خسارة المال غتكون أقوى وأقود من أنك تخسر البشر، (البشر حسبوا مات شوية الوقت وتولف وتنسى)، أما المال مغديش تنسا اتبقى تحسر ومرة مرة تقول كانوا عندي..

فـ النقاش كيف ما كان نتا للي عليك هو تقدم النصيحة و بالتي هي أحسن تدوي ما أمكن زوين خصوصا من ناحية الدين، متعصبش و متلعبش فيها دور الملائكة نتا مغديش تدافع على دين بالسيف والقتل، ماشي غير للي مجاكش على الكانة تبدا تسب وتعرق فين هو الايمان والجدال بالتي هي أحسن..

من يحارب الوحوش عليه أن يحرص ألا يصبح وحشاً بدوره. فعندما تحدق لفترة طويلة في الهاوية فإن الهاوية ستحدق فيك ايضا.

فاش كيتعلق الأمر بالمرأة ماشي هو نفسوا فاش كيتعلق بالرجل، الرجل عطيه غير مسافة الأمان و ضبر راسك دوي و لا نتاحر، المرأة على العكس باغة ديك الدراما و التمثيل ودموع الحزن..

بنادم جاي للحياة باش يبني مستقبل، للي يقدر ميكونش فيه أصلا..

فاش كتكون وحدك و معري على الحقيقة ديالك ونتا وياها وجها لوجه، هاذيك هي أهم لحظة إلى مكنتيش كدير جلد للذات ديالك فراك عايش حياة خالية من الأخطاء..

الحياة مغديش تشوفك مقود واخة تبغي تبان مقود، هي للي صنعاتك كيف صنعات بزاف بحالك..

ميمكنش تصدق ليك شي لعيبة من الضربة اللولة، خصوصا إلى كنتي مركز عليها وباغيها غير ما كتزيد تصعاب والنسبة باش تصدق كتبقى واحد، هادشي إلى كانت شي لعيبة للي اتبغيها وتبدل مجهود عليها..

العائلة هي للي كتعاني فـ المقام الأول إلى كان عندهم شي شخص طلعات ليه الحياة فـ كرو، كيبقاو يتعاملو معاه بواحد الليونة و عنداك تقوليه شي كلمة يمشي ينتاحر جيبو ليه كاس الما وكلوه مسحو ليه كرو، مجهود مقود و دراما ديال الافلام.. ومنين يخرج للزنقة كيبغي كلشي يتعامل معاه بحال العائلة.

Azzedine Allouch بالعكس الى ما بغاوش يوصلو لهاد المرحلة من الاول يخليوه ليبر و في أي خطوة يشجعوه و حتى الى غلط يوقفو معه مرة اخرى و بلا ما يلوحو عليه ضغط ديال والو كأنه ما قادش براسه اولا يحسسوه انه ميؤوس من حاله بمعنى آخر خاصه يفهم كره آش باغي من هاد العيشة و لاياش باغي يوصل

واحد خويا نهار خرج لزنقة جاب لحبس من بعد لحبس تزوج دبا حاليا راه فلحبس فدارو 👍🤡

الرجل خاص يتعلم يتحكم فـ المشاعر ديالوا قبل ما يتعلم يتحكم فـ الغضب، المشاعر قادرة توصل الرجل لواقع مقود، و الغضب مغديش يوصلوا لنفس النتيجة، أو بواحد المعنى آخر الندم على الغضب كيكون أقل قوة مقارنة بـ المشاعر..

فـ هاذ الوقت تقدر ضيف واخد معندك ما ضيف..

الاسئلة الشخصية خاصها تدخل فـ الحرام

السطحية را نعمة ماشي كلشي يعرف يعيش بيها، تخيل تكون إنسان سطحي كتفهم غير الواضحة و مكتعرفش تعمق و تفهم بالهضرة بزاف "عايش بمبدأ القليل يكفي" والبشر عايش معذب بمحاولة فهم كلشي

مكاينش أسلوب الاقناع و الاقتناع هنا، زليجة و جلابية تلقا مليون تابعاك ومليون باغا تسقطك من فوق العرش..

الإنسان كيبدا رحلة الكلام باش يحصل على ما يريد، و كيسالي الرحلة بـ كلام باغي غير يتفك..

منين كنشوف كيفاش الشخص كيدير واحد المجهود باش يبان واعي ولا قاري ولا مقود، ويبغي يعطي العالم واحد صورة ماشي حقيقية، كنقول الحمد الله كاينة الموت البشر يتهنا من داك المجهود..

الفرق للي كاين هو البشر دبا خايف يخسر وتكون الخسارة محصورة غير فيه، في حين إلى كانت الخسارة غادا تشمل الكل (ماشي البعض) كيكون الوقع ديالها خفيف، هادشي علاش خاص يتم التضحية بالبعض من أجل الكل ماشي العكس..