للوساع السود جيت أعلن ولائي الحكم حكم المظاليل الوسيعة يالجمال المستحيل اللا نهائي الغزل في حضرتك تجديد بيعة ثغرك الضاحك بلادي وانتمائي وضحكتك عن كل غلطاتك شفيعة

أخاف لا جيتني بعد " الغياب الطويل " أشوف قلبك بروده ؟ مثل برد الشتا حتى لو إن المواصل يعتبر مستحيل أحس عادك بـ ترجع . . بس مدري متى

ان بغيت المواصل أو نويت الـوداع باب قلبي مشرع وانت " راعي محل "

صبح ! ما أنت بـ فيه مظلم وفي نوره شحيح و شمس ! ماتشرق بزولك عساها للزوال

افخري بي والله اني من الساس العريب وفي ذراي امشي وفي مشيتك تغنجي لا رضيتي صار يرضيني الوقت الصعيب وان زعلتي صار يزعلني الصوت الشجي اسرقي قلبي وخليه في صدرك صويب والله ان اموت ماني مدوّر مخرجي والعيون اللي خذت صبر ابو عقلٍ لبيب والله اني من سببها مكثّر بالمجي - مبارك بن وافي

من دموع الوداع ومن جروح السنين يبحث الوقت خافي واحدً ما حكا ادري ان العرب ماتدري اني حزين اتعامل مع حزني بصبر و ذكا ممتلي ذكريات وضيقه ودمع عين وموجع صدري اللي للعرب ماشكى اسعفوني بقلب مايعرف الحنين واسعفوني بعين ما تعرف البكا

مانقدر نسوّي اللي تسوون " تردنا عن فعلكم تربيتنا "

عذرك معك ياللي تعذّر بالأشغال ياكثر ما دوّرتك ولا لقيتك الله معك والقلب لو إنه رجال! ماعاد عرّض بي على باب بيتك فرطت فيني مثل تفريط الاطفال بدموعهم وأبكيتني لابكيتك لاعاد يطري لك تجي غير فالبال والله ياخذ روحي إن عاد جيتك ماني بخايف من فراقك ولو طال أخاف ترجع لي وأنا قد نسيتك

والله مدري نحب الناس ولا نعيف ماعاد فينا على بعض الاوادم صبر - سعد بن جدلان

مريت في البال يا ملح الزمان .. القديم ليه أنت بالذات لا من ضاق صدري تمر ؟ - عبدالله البديري

قربك من الله يعلمك وش معنى الثبات ومسّت الحاجه تعلمك معنى " الطيبين "

كل شي يهون غير التجاهل والصدود ماقبله من غيرك شلون منك اقبله ㅤ لا تجاهلني وانا من عريبين الجدود كان عندك شي لاتستحي مني قله ㅤ ماتنسينا الخطايا مواثيق العهود الوفا منا وفينا وحنا من هله - سالم بن جخير

في كل حاجه صايره مالنا ذنب حنّا انتحاشاها وهي ، تعترضنا خل الزعل منّي ومنّك على جنب مهما حصل لا ننقطع من بعضنا - عويد النجود

لا تلوم الملتزم بالصمت لا شحّ بكلامه وش يقول الساكت اللي كلّ ما فيه يتكلّم - عبدالله السراهيد

طرّف الليل واللي طرّف دموع عيني موقفٍ كل دمعة فيه جملة مفيده   فيني احزان مدري وش وراها وفيني غصهٍ ودي اكبتها وتطلع قصيده

معي ضيقةٍ فـ الصدر " ماتقبل الإفصاح " هذا عامها الثالث . . تبيني وابي الفكّه

الوصال ؟ يرجّع الخاطر السامح شغوف و الفراق ؟ يجرّع العاشق السمّ الذحاح !

شريط الذكريات وكثرة الهوجاس والاوهام سبو مني تفاصيل الحياة و زهرة سنيني تعشّو من طرف كبدي " وشرياني غدا الإيدام " ولا بقّو من الإيدام ما يحييّ شراييني

بديتك محبه وأنتهيتك شقى لـ الروح ياصادق سنين الحب وأحلى ملذاته على شاشة أفكاري تجي صورتك وتروح وجريح الهوى ماله جدا / إلا تنهاته

قدرت احبك يوم شفتك على طول ولا قدرت انساك في عام كامل