شف حالتي فالغياب أشكيك منك وإليك همٍ برى الحال وعيونٍ طواها السهر وش يمنعك لا تواصلني وأنا أموت فيك ظروف ليلة ثلاث أسبوع ياخي شهر كمّلت ثالث وأنا كلّي شغلني عليك ثلثين قلبي يباس وثلث باقي خضر . - حمد السعيد حمد عبدالكريم السعيد

الله يهنيك ياهوى البال والروح دامك بعد فرقاي جدا مرتاح

حنا ال صالح لا غدا العلم الوكيد نسل الحرار اللي ينومس هدها من لابتن ترهي ليا الشتب الوقيد يوم العرب قسمين يقدح زندها حنا بني هاجر على الزايد نزيد اهل البيوتن ماحدن قد هدها 🔥

عند وقت النوم يطري عليّ علوم تجيني هواجيس ٍمالها اول ولا تالي .

ودي اصبح مثل خلق الله وانام مبكر مير عيني ما هقيت ان السهر يعتقها َ كل ما ناموا عباد الله . . قمت افكر لين ما تطلع عليّ الشمس من مشرقها :)

ابطيت عنّي لا رساله .. ولا علم وأنا انتظر عقب الغياب اتصالك

من سّبت اللي غرامه مثرً فيني بنيت قصر المحبه وانهدم قصره الله حسيب الفراق اللي يبكيني ويخلي الكون بـ عيوني مثل خصره

تغيرت دنياي . . بالشكل واللون لا الأرض مثل أرضي ولا الكون كوني مدري عقلت وكنت من قبل مجنون ولا قبل عاقل . . وجنّت جنوني مير الوكاد أني من الوقت مغبون ولا عاد تطربني . . جداد اللحوني ساهي ووقتي صار من دون في دون ما بين قهوتي والا في تلفوني :)

دامك ندمان يومك حبيتني ويش له لزوم يومك تحاكيني ودامك غديت تدور لفراقي ويش له لزوم يومك تغرد لي

بكاك الشجاع إللي دموعه على مركاه وهي ما تطيح الا من الحاجه الكبرى بعد ما فقدك وشاف وجهك بدون اشباه درى ان الجروح اللي لها قدر ما تبرى . .

خآيف يطول البعد وتسج مني ويآخذ مكآني شخص ..مآهوب يسوآك وش عآد أسوي يومك أقفيت عني لآ انآ أتبع المقفي ..ولآ أحب فرقآك

من نسنس الحزن واجتاح الضلوع وبكيت لين الوداعية اللي ماتخطيتها والدمعة اللي بغيت اهلها واستحيت صديت لحد يلاحظها وهليتها عز الله اني من الفرقا شبعت ورويت مافيه دلة فراق الا تقهويتها ايه أوجعتني وانا من جورها ماحكيت تعال اسمعك في صدري تناهيتها - صالح الـ مانعه

أرضيك لـو رضاك من غالي الجيب خلنا نتواجه والقلوب اتصافى حاولت اوصلك بشتّى الأساليب أبغاك من ضيم الشكوك اتعافى حرصي عليك أحيّان مايعتبر عيب العيب لا اغلينا بعض وانتجافى الله يجعلني من الحب مـا أطيب وكانك مرض يـا جعلني مـا أتشافى . - علي بن حمري

ادقّ عشرييين مره مايشيلونه يَ سعود ماكن وسط البيت عربااني ):

كل هاجري يالهواجر وكل مري يا ال مره ايتحمل ضيقتي عند الفجر ولا العصاري ):

أشتقت لك ياللي معك يقصر الليل دقايقي تمضي بلياك ساعات أشتقت لعناق الهواء والتعاليل وأهروجك اللي منهن الروح تقتات يطري علي تسلهمك بالمظاليل وأسبالتك بالرمش وأغضاك بسكات مشتاق لك كلك بليا تفاصيل نظرات حب وشوشه وأبتسامات🤍

بعيد عن المزح و الاستهبال بس ذي الأمور مافيها مزح يعني تدعي علي و أنا ماضريتك ماهو مزح ابد لكن اترك لكم التعليق و اكتفي ب حسبي الله ونعم الوكيل

قلبي اللي كنت أحسبنه ثقيل ولا عليه مع مرور الوقت معاد الأحظ له وزن والله إني قمت أحنه مابي شيءً يجيه يكفي اللي فيه من جرح وبعاد وحزن .

انا واحدٍ يضحك حجاجه وصدره غلق يبي ضحكته وظروف الايام ما نعته ㅤㅤ تحده على جور الليالي وبعض الخلق وهو يدري ان الناس ماهيب نافعته ㅤㅤ تدور الليالي بين ضيقه وعبرة حلق وانا الطيب اللي دورة الوقت موجعته ㅤㅤ اجامل وانا دمي حياوي ووجهي طلق وصبري بـ صدري لا شريته ولا بعته ..

يارب أنا طلبك يارب يارب تعينني على ماهو يحصلي