بس هم عقولهم كامله بنقطع انا وبنت عمي الشارع وسياره وقفت لنا ومشينا ووراها كانت فيه سياره جا مسرع وتقدّم على السياره الي موقفه وكذا لف علينا وانا وبنت عمي ترددنا من الخرشه وركضنا وهو يضحك يعني استظرف لو قدر ربي وجت سياره من وراه كان طيرتنا على حركته الغبيه القذره

اكتشفت اني الاخت المتزوجه الي يحشون فيها الناس بترنداتهم دايم 😔

والله ما ادري ياعبد الله لكن دايم نصيحتي للبنات اهربي من الي يكتب كلام مرتب وحكيم بسطور طويله ماعمرهم خيبوا ظني السيئ فيهم

بنتي تسوي هالحركه بس مو بالطياره بالسياره تحط رجلها على ظهر مقعد السائق والله اني مليون مره انبهها تقول ياماما رجلي اذا نزلتها كثير تصير ثقيله تقصد تنمّل 😩💔 فا تقوم كذا تخلي رجلها واحيان تنزلها رغم اعلمها اقول حركي رجلك وهي تحت بس كذا الا ترفعه اذا ما انتبهت

سويت عمليه بتخدير كامل وكانت افضل نومه نمتها بحياتي الا ان الدكتور صحاني بكفوف وصراخ ورجعت نمت ورجع صارخ علي 💔 وهو مفجوع وانا اقوله ليش كذا ؟ مو عشان عاجبتني النومه ومو راضيه اقوم خلاص تصارخ في اسلوب

هي لحمه ويشويها ابغى اعرف ليه ضيوفه يتفلسفون الي يسووي مو عاجبه والي يتغصب اذا ماتحب اللحم والا مرره انت انتقائي اعتذر من ابن قاسم ولاتجي وربي كانه مسوي كبسه والا وش لو اقول ذاق الي بالصوص كان قلت يمكن

ماعندي طلب ما احب ينطلب مني عندي اشخاص ما احب يطلبون مني لو اتفه طلب

قرفانه مره من الضيف الي قال له الستيك حقك مو قد المدح الي جاه ويقول ماهو شين ولذيذ لكن مو قد المبالغه دامه في منظورك ( لذيذ) قول لذيذ واسكت ما احد طلب منك تقييم اذواق غيرك غيرك شايفه واااو وانت شايفه لذيذ تكلم عن ذوقك فقط

ماشاء الله تبارك الله وربي الخيل هو ملك الغابه ويويل الي يعترض

لذيييذ وحلاه موزون 😔💛

وحده تقول لي شفيك صايره حاده بالكلام ودفاعيه طول الوقت وهي كل كلامها زي اختنا الفاضله وحتى مزحها زي كذا اذا كانت مروقه تقول ليه صايره كذا تزبدين وتردين الصاع بصاعين وناقده علي مره

سواليف اخواني مع زوجي بعد الزواج مباشره : قالوله شفت اصبع رجلها الكبير ؟ هذا مهما ركضنا كان يوصل لنا ونطير من شوشتتها لنا

للاسف الشديد انه صادق وربي بالصيف كلما زهقت تروشت وخلاص البرد لا احد يقول شغلي دفايه البسي مدري ايش اتحداكم مهما لبست ماتقدر تتمشى براحه كذا من دون ترجف غير ان كل شي صعب الوضوء اشغال البيت كل شي اييش يففهم شعري الدهني ان ماعندي الان رفاهية الترواش مرتين باليوم !!!!!!

عندي الكفير نفسه اخوي جابه لي بس كسلانه اصنعه لنفسي وهو يبغاله طريقه خاصه مره مع العلم اني احب طعمه مرره حطيته بالفريزر الين يرجع الشغف

سبب فوبيا القطط عندي اني اذا ناظرتها بس .. احسها راح تسوي هالحركه فيني وانا اخاف تنقز علي و هي تخاف اني الحقها نجلس نناظر ببعض خايفين الين نعدي بسلام انا وكل القطط كذا وضعنا مع بعض 😔💔

رفقاً بقولوني ياناس الي يقول ملزوم ومو ملزوم تراك ملزوم بفقراء المسلمين الي ماتعرفهم انك تطلع من مالك زكاه وفطر فا كيف بعيال اختك لو عندك استطاعه! فلوسك اذا ربي مغنيك فيها ماهي ملك لك هذي من خزائن ربي يحاسبك على ريال ريال منها

عرّفت اهلي على صديقة الطفوله من يوم احنا بالابتدائي حتى عمامي يسالون عنها ولا صار شي الحمدلله عسل بعسل صح اغار عليها احيان احسها صديقتي انا بس خير مصادقينها اهلي كلهم 😔 بس عوافي 🩷

انا مافيني السكر الحمدلله لكن مدري ليه كلما قسته بالمستشفى يكون منخفض ٦٧ كذا ليه مدري واسال الدكتور مايعطيني اجابه زينه يقول كلي حالي مدري يسلك لي