ما عاد فيني شي يحنّ ويرجاك إن جيت وإلا رحت ماهزّ بابك خذني من أيّامك وصارفت دنياك وأنا تركت الوصل وغيّبت غيابك ضحكت من قلبي يوم كنت أترجاك واليوم حتى الحلم ما عاد جابك تدري ترى ما فيني همٍ يرجاك جرحي بليّا طب لكن طبابك تدري تركت الحلم وأحلام دنياك واليوم ما أشكي ولا أطلب جوابك

يامن غدرت وكنت أظنك وفينك بانت حقيقتك وخانتك أعذارك ما همني غدرك ولا طعنة يدينك أنا جبل مايهتز من غدر أفكارك تضحك ورا ظهري وتخفي حنينك وأنا عرفتك زين وقريت أسرارك تبغى تلعب دور المظلوم بعيونك؟ اللي غدر مثلك يضيّع مشاويرك الأيام بتجلب لك جزء من سنينك واللي زرعته يوم تحصدّه بثمارك

علمني ليه انا غلبني السكات ليه سكّت من بعد ماكنت أتكلم انطلقت بالحديث الين ما مات في داخلي شيء و صار يتألم حتى لو أن جت كثير محاولات ما تـفيد دام الآه تمّت بصدري عجيبه الدنيا كيف تغيرت الأحوال وكيف اللي ظنيته غير خيّب الظن

مضت الأقدار والأقدار تجري ومن له في ردع الأقدار حيلة أنا صابر وصبري شق صدري وخلّي قد لقى غيري بديله ألا يا بدر طالع صبح بدري بلونٍ يختلف عن كل ليلة فما عذرك وعندك هان صدري وتلعب في مودتنا الأصيلة

السلام عليكم من وحشة الفرقى ورحمة الله من الحنين وطواريه بكتب من القصيد والعين غرقى أما بعد ، المشتحن لا تسأل شفيه طرالي ذيك الليالي جعل تسقى شتاء وجفاء وحنين بعيني أخبيه وصلنا إلى ختام العتب والمشاريه تراني على حطت ايدك اببقى والله يحقق اللي فالخاطر وأمانيه

هذي نهايتنا لا أنا حبيبك ولا أنت حبيبي مثل ما درب المحبة جمعنا .. فرقنا لو التقيت فيك بـ أناديك يا غريبي حتى بالفراق ببحر الحب غرقنا شكوى الله ويا جروحي طيبي ولهيب غلاه في وداعه حرقنا أنت كنت عابر وحبك كان تجريبي قول لي وش الأسوء .. الوهم سرقنا

بعد سواياك هذي مالي إلا الرحيل والله لو انها تمشي كان مشيتها قلبي هو اللي بكى والدمع عيا يسيل لو في عيوني دموع تهل ؟ هليتها جيت وكملت جروحك بجرح ثقيل وأنا الجروح القديمة ما تخطيتها طحت من عيوني الثنتين في ظرف ليل والله يا طيحتك هذي ما تمنيتها

يا سيد الأحزان والجرح والغيرة علمني الحرمان والصبر والحيرة لو عذبك إنسان دور أحد غيره ياحبي وش باقي اللي بقى النسيان أحزان .. أحزان و مرت

أوعدك بكابر لين يختفي هالشعور وتنسى مثل العابرين اللي مالهم ملامح أوعدك لو طال عذابي شهور اني ما أجيك مثل جيتي مبارح أستريح ياقلبي كم صار لك مقهور من عابرً ما وراه غير الكلام الجارح زرعت المحبه ولك بأعماق قلبي جذور ظنيتك مي عذبه للسقية وأثرك بحر مالح

مدري اذا تقرا شعري وتوحيه وتسمع ما بين ضلوعي صوتٍ ينادي قلبٍ يحبك ياعجب كيف تشقيه وانا أحسب انك بالمحبة ضمادي سويت ما أقدر وش اللي تبغيه متى على وصلي تمد الأيادي سرقت من عمري ولا قلت لك ليه وخذيت قلبي والعيون رقادي ارحم حبيبك ياحبيبي وراعيه دامك دواء جروحي وغاية مرادي

وأخاف .. لا منك بغيتي تنامين ما أحدٍ يمد لحافك ليا استويتي وأخاف ما أحد يقول لك يوم تدعين أبشرك .. زانت بعد ما دعيتي ! وأخاف .. لا قمتي وخاطرك شين ما أحدٍ يعرف من نظرتك وش بغيتي وأخاف واجد واجد إنك تروحين يا ويلي .. ان رحتي ولا عاد جيتي!

أبكي وداعك ولا ودي تشوف الدموع ياللي وداعك علي اقسى من أية وداع الله كتب تنتهي العشرة وتطفى الشموع مات الامل في رمال الياس والحلم ضاع خلاص معاد في قلب المقفي رجوع من يوم جرحك سطابه ساقها للضياع ودعتك الله ولا ودي تجف الدموع ياللي وداعك مابعده في حياتي وداع

مامسحت محادثتنا كل يوم اقراها و كل يوم يطيح دمعي لا قريت حروفك يا سقى الله ليلةٍ نسهر على قمراها يوم أقول الشعر من جوفي و يدخل جوفك عشت أنا وياك ب أغلا ايامنا و أحلاها يوم كنت تزورني ما تعتذر بظروفك كيف رحت مع الجفيّا و أنت ما تقواها كيف ترقد عينك الحلوه و أنا ما اشوفك ؟

طاحت دموع الغيم والحظ ما قام والهّم غافي فوق كتفي و صدري اكتب قصيدي و اوصف شعور الأوهام كم صار لي مدّه اعاتب و اهذري حظي كسر ظهري وعايش بالأحلام حتى خيالي صار واقع لعمري اضحك وانا في داخلي عشر آلام و اصبر و اقول الله على عزوم صبري

عندي طلب لو تسمحين قبل الموادع والهجر ان كنتي صدق بترحلين لا تسهرين لحد الفجر أخاف انك تذكرين أيامنا و أحلى الصور و أخاف أنك تدمعين و يضيق بي كل الدهر أخاف أنك تضعفين و ينكسر فيك الصبر ولو هزّتك ذكرى حنين والشوق ما منه مفر بكون لك ساعة يمين بكون لك ضي القمر

هذيك راحت وانا ماني بعايفها حكم المقدر وكل راح في شانه خبري بها يوم جاها من طوايفها اللي خذاها ويتبع سلم جدانه ما شافته لا ولا هو بعارفها ماشاوروها ابد ما كنها انسانه راحت وانا بالشقى كني مناصفها يا مل قلبٍ شكى همه وحرمانه لليوم قلبي يردّد لي سوالفها هذيك نفسي عليها حيل شفقانه

عقب الوفا والصدق قلبي تشقى اهيم في بحر النوى ناشف الريق متكدر هيمان صب مشقى وحملت من جور العنا فوق ما اطيق للظلم يارمز الوفا ما استحقا ياغايتي ومناي بين المخاليق قلبي لغيرك بالهوى ما تنقى يلوح لي في لذه النوم وافيق

اعتذر له ما سمعني سال دمعي ماتاثر اللي ما همه شعوري ما احتري منّه يقدر قلت له الكامل الله والله بيسامح ويغفر وش سبب هالصد كله وش عملت الله أكبر منت قادر تنسى غلطه ولا بالعاني تذكر لو هي دموعي تفيدك مستعد أبكي لك أكثر