✔️ الشمري يرفع 🤚

حبيت انا من خيرة البيض محبوب ومن طيبها يفلان ربه يحبه خلي مكمل ماذكر فيه عذروب من هو ردي الحظ يقدر يسبه زينه وقوامه بقدرة الله محسوب ماينقصه من الزين مقدار حبه هذا الذي لو قلت رعبوب رعبوب وهذا بلاي وعلتي وهو طبه عقبه حشى مادور البيض واتوب توبه نصوح وعرف غيره نكبه

تل قلبي صاحبي من الجوف تله تل دوجاً والمباحث يطردونه صاحبه مطلوب عند الناس كله بالجرايم والمصايب يذكرون مرتكب له كم جريمه ومعه شله والمباحث حالفينن يطرحونه لو دعس له جابت الطبلون كله واطلقوا بالنار يغدي يخلفونه سايقه مجنون مايعرف المذله يضحك ومرتاح تقل يلاعبونه

ياناشد عن عبيد وعبيد عامر كامل قواه وصحته مستقر ه لازال. خبرك في حياته مغامر هذي يسولف له وهذي يمره عذروبه لياشاف عمهوج ضامر لولا الحيا بالغصب وده يجره قول وتدلل يدعج العين امر روح معي ناخذ مع الخط فره وانا مطيع منفذاً للاوامر اوامر اللي ساقها الله دره

الله عسى ماشر يازاهي الخد اشوف مالك ياهوى الروح بينه ومن بعدكم ياصاحبي يومي اسود مثل الضرير وفاقداً شوف عينه ارسل واحاول وانتظر يالغضي رد وحتى منصة xعقبك حزينه وجروحي الصعبات صارت تجدد من عقب من هو ضمده في يدينه لحق علينا ياحبيبي وعود مشتاق والله للعلوم الثمينه

ماكل ساعه خاطرك دوم رايق احياناً الانسان يزعل الحاله ان صار تلقى صاحبك يوم ضايق لاتواخذه لاتنشده وش جرى له يمكن بصدره تجول بعض الحقايق ماوده يقوله ولا يوم قاله خله معى نفسه وياخذ دقايق والبوح يظهر مايغثه وطرى له ساعه وتجيه مصفي الراس فايق امابكى او بيت شعر وطرى له

يامي انا مادور العرف يامي بالحب انا يامي مالي علاقه كنت اطرد الغزلان يومني صبي واليوم مالي يريش العين طاقه قاطع عهد لله مابي سوى هي من عقبها حرمت كل الصداقه احبها بالحيل وادري مهي لي ريم المها والله عفه ولباقه اقول يااختي وهي تقول ياخي اغليتها من قلب حب وشفاقه

اراقب الجوال من حين الى حين ارجى الرسايك من طرفهم يجني ارجى الخبر من صاحبي ناعس العين اللي جديله فوق متنه امتثني اللي بصدره مثل طلع الرمامين وردوفها لثييابها يرفعني شتويتن بالبرد حضنه يدفين وصيفيتن بالحر جوه تمني وريحة جسدها ياعطور الدكاكين عطار ماهر بالعطورات فني

هب الشمالي وجاب ريحة جسدها وانا خذيت من الهوى ريح ساره ياعنق ضبي الريم تسرح وحدها في خايعن بالورد شابك خضاره فزة ونزة شايطه عن جهدها سمعت رماتن حولها في دياره تذيرة والرمي والله هجدها خافت من اللي ملبداً بانتضاره ذلت من القانوص عارف وعدها راحت تفزز خوف مثل الشراره

الله بلاني بصاحبي دون ميعاد صدفه رماه الحظ بيدي ورماني فجأه نشدتني قالت عبيد حماد قلت بعربنا غيري عبيد ثاني قالت تقول الشعر يعبيد قصاد قلت استمع يابنت بعض الاغاني واقصد على المزيون مزبور الانهاد والبي الدعوه ليا منه دعاني عزالله اني للمزايين طراد ودي اللكيشن واصلك في ثواني

اليوم لي يومين ماني بمظبوط من قولت المصري تزايد عياطي على الذي راسه على المتن ممشوط قلبي معه ولافيه قلب احتياطي ياكن يحرقني على جمر بلوط على بعد تشتم ريحة شواطي وخلي نفل مع ريحة المسك مخلوط وانا كما الخرمان راعي التعاطي حبيتها واوفيت ماعندي شروط وانا منفذ لامرها واشتراطي

قالوا تحب وقلت مالي حبايب حت ايش لو حبيت ماحد يبيني اليوم انا صاير من الكبر شايب يابو فهد والله طافت سنيني مار البلا ياخوك سبع العجايب لوشقتهن ماغير يكثر حنيني وادخل على الله من عوج الطلايب انا بلايه بين قلبي وعيني القلب كالقرطاس ويا الهبايب والعين عيبه تراعي لكل زيني

ياراكب اللي عمدت من مطاره خلك حريص وانتبه زين طيار حاسب ترى وياك ياهيه ساره لاتزعجه بالله اعطيك انذار ارجوك طمني وعطني اشاره عن وضعكم بالجو تعطيني اشعار ثم اتصل بالبرج عطهم اخباره يفرش لها الزل الحمرقدر ووقار ترمب قبله زينوا له مطاره وترمب مايسوى مع الترف دينار

بالحل والترحال الله معاكم عين الولي يازاهي الخد ترعاك والله يسدد للفضيله خطاكم في كل درباً تمسكه الله وياك ياليتكم تدرون مكبر غلاكم ابوك مثلي يادعج العين مغلاك انا ضحيه ياحبيبي بهواكم اردد اسمك دوم واحب طرياك ابايعك ياشوق واعلن ولاكم حب الروافض تربة حسين مغلاك

لوصار منته قدها لاتقوله احذر تزهل حاجتن ماانت قده لو صار لاحاكم ولا راس دوله ماغير بس الجاه واهل الموده حذرى تقول اليوم هي محلوله بس قول نسعى وامر ربي يقده يكفي النبا الطيب ومعنى الرجوله يكفي نوايا القلب طيب وموده والادمي ماشاء ربه يطوله الخير ولا الشر ماحد يرده