"Maar wie eenmaal die beeld van die tydlose skoonheid gesien het, sal alleen egte werk wil doen, selfs al sou hy weens die oppervlakkigheid of verwarring van die eeu waarin hy leef, nooit gelees word en ongelees vergeet word."

"Selfs 'n volk se bestaansreg is nie iets wat veilig op onbreekbare tafels geskrywe bly nie, maar iets wat daagliks nuut deur sy wil en daad geskep moet word."

"Teen die donkerte kan jy nie net jou vensters sluit nie."

"Daar is 'n ander revolusie aan die kom. Dit is die opstand teen kritiek wat onmagtig is om die leiding te gee wat hy hom aanmatig."

"Bowenal het [die Afrikaner] sy taal soos 'n pragtige nuwe wapen in sy hand gevoel, en sy taalstryd was die ware derde vryheidsoorlog; hy moes en hy wou 'n literatuur maak, 'n hele nuwe beskawing opbou."

"En tog . . . 'n volk sonder kritiek is verlore."

"... ons moet ook vir ons bestes sorg, vir die leiers, sodat ons nie vir ons kultuur 'n tweede geslag van skreeuer-leiers kweek nie."

"Die intuïsies is ons eintlike menslikheid."

"Die domheid en die pretensie sowel as die skoonheid loop ongelukkig nie in lewende lywe rond sodat 'n mens hulle in hul reinheid kan aanval nie, maar hulle is altyd biliggaam in konkrete dom en pretensieuse persone ..."

"Elke dag word daar van die moderne mens geëis dat hy tussen eenvoudige leuses kies: hy moet pro-dit of anti-dat wees."

"Kultureel is ons 'n beleërde stad wat nog na alle kante toe skiet. Geen amptelike erkenning van regte verander hierdie toestand wesenlik nie - dit skep vir ons alleen die moontlikheid van die stryd."

Wat Afrikaner kultuurorganisasies betref (1939)

"Ons moet in die geloof leef dat ook by ons groot literatuur gemaak kan word, dat ons volk nie altyd soos 'n seuntjie tussen die grootmense sal moet staan nie, dat hy nie altyd net van ander volke die egte dinge verwag terwyl hy self net kans sien om speel-speel te skep nie."

"Elke geslag Afrikaners het soveel die plig om uit eie krag kultuur te skep as enige voorafgaande geslag."

"[Die Afrikaner] se taalstryd was die ware derde vryheidsoorlog."

"Jy kan die eenvoudige slagwoorde bespot, die leuses omdop om hul leegheid aan te toon, en, al sou niemand dit weet nie, self weet dat jy vaster in jou menslikheid staan as hulle in hul mag."

"'n Slapelose agterdog teenoor alle stelsels of intellektuele konstruksies wat die spannings en die tragiek van die heelal wil wegredeneer of oplos."

"Die dag sal kom dat daar 'n net van Afrikaanse kultuurorganisasies oor ons land uitgestrek lê waarin elke Afrikaner, van die geringste tot die hoogste, betrokke sal wees."

"... totdat [Afrikaners] doen waarvoor ons hier in Afrika is: die opbou van 'n nuwe beskawing in 'n nuwe land."

"Die wêreld en die lewe rondom ons is oneindig voller en ryker as ons alledaagse waarneming."