تعظيمها لذاتها ما كسرها رغم الظروف اللي تمرها .. عظيمة

استقامة حياتك .. تضيع فيها العيون اللي تدوّر عوج دربك .. ولا تقدره!

المطر لا طاح .. ظنّيت بتجيني كم شتا عدّا و أنا أتحرّى .. خضارك

نكبر على يدين الظروف .. ونصغر إذا نزل المطر !

لا يخدعك نوضٍ يورّى لك .. ويبعد بك بعيد ماكل غيمه ساقها الله في سمانا ممطره

عرفت أن الدواير ما تدور إلا على الظلاّم غصون الظلم ما يجني ثمرها غير غارسها وعرفت أن النقي لا أستغفلوه الناس ما ينلام ما يفهم في حيالات الضعوف إلا ممارسها

القلوب البيض .. من صكّات بقعا ما تغيّر ما تجيب الا البياض .. اللي تعوِّد به لأهلها

ماجت لي الدنيا على ود ودي تمزح معي ومزوحها دايماً جد..!

على كثر النجوم الساريات اللي تجي و تروح أنا أعرف النجوم .. اللي تشوِّقني مطالعها

كل صعبٍ تحدّاني لقى من عزمي الترحيب أحب الصعب وأسعى له كأني أوفى عشاقه

أنا كنّ بي من نايفات الشواهق سر ولا كل بارد راس .. تصلح له طبوعي

افزعي للي على باب وصلك مستهيم كل ماقلتي هلا .. جاك يحسبها تعال

مديت لك عمري على كف يمناك وغيرك على رجوى هلا .. مد عمره

وكيف انهزم واضعف ليا من ناحت الورقا وطبع الكرامة في معاليقي .. أباً عن جد أنا .. لا لمحت اللي أحب يتوق للفرقا تعمّدت اقول الكلمة اللي لا سمعها صدّ !

تهز البدن كلمه تجي من عديم شعور ويقفي .. ولا يدري وش أتلى عواقبها

أخاف أصب كلي في أرض ما هي بأرضي و يكون حصادي .. حسايف

أتعبتني عند بيبان الأمل لحظة وقوفـي ..

هذا أنا لو رفرف الخوف جوَّاي للحين أهفهف في ضلوعي .. أماني

ما درى باللي تكنّ الضلوع إلّا الضلوع وش تبي تنفعني النّاس لـو تدري بها؟

حـزنٍ ما تاسعه فجوج ومداين وشلون تاسعه ضلوعٍ محاديب؟