الشعور اول عيوبه ما يمرّ غير مره لوّ طعم المر شين • لكن شعوري معك ماهوب مرّ ودي اجربه مره …… مرتين

بالغي في حدّ سكينتك يامغروره طعنةً ماتقتل الشاعر تخليه اقوى

العذر من بعد الفراق يجِبّ ماقبله من الدمع والتجريح احطب من الضلع القصير وشب خل العواذل في مهب الريح مشرطك له وجهين جرح وطب وانا مع الوجهين رايح ميح اللي يخاف انه يحب …. يحب واللي يخاف انه يطيح … يطيح

يوم احنّك ياضلوعي حنيتك من حنية الرّا يكسرك ثقل الخطا والعذر في حكم التماسه فيك قلبي عن طعون رهاف الايام يتذرا ويتسلل معك ياس يغلّف العود بيباسه

ارتاح ياوجه المْعَرفه ومخدوم فزعتك وفرها ليا من رجعنا . لاتحسب انا ذاخرينك لهاليوم ماودنا ياخي نتعبك معنا . من راس قوم وتنطح القوم …. ياقوم يمكن لو انك مانت موجود ضعنا

من دونك الحراس والباب والسور واحلامي اللي فنّها من دفنها البيت يوم اوزنه ويجيك مكسور له ضيقتن محدن درا عن لحنها عودي وعودك غضّ مع طلعة النور والذاهبة ماني بناشدك عنها اهم شيّ عيونك الحور ياحور اطيح فيها بس مااطيح منها

القلق هو ما يُبقيني حَيًّا

ماهو بخالف تعرف احساسي احساس مايشبه لغيره ليا جيت اشبّه انا مااحب اللي يحبونه الناس ادور اللي يكرهونه واحبه

من يخافون المواصل يخافون الفراق والليالي تسلب القلب لذّة مرقده حزن عيني ماذرفته وخايف لا يراق كل ماطفّيت ناره لقا مايوقده ماحصلي لا مصافح ولالحظة عناق ماتحس بقيمة انسان حتى تفقده

الناس ياابن الناس فيها خير لو يعرفونك زين ما سبوك عند البدايه يحسبونك غير بس النهاية صرت مثل ابوك

سلمتها مابقى وامري طلع من يديّ يوم زرقت قلبي بشلفا تراحيبها

ياصاحب الطرقه ليا شنت وان زنت حنا ظلال اللي مايلقا له ظلال لاعاد تهرج في مواجيبنا .. وانت من يوم ماخاويتنا صرت رجال

انتقدني دام ربي حط عندك مايك 🎤 واعرف ان النور ماتقدر يديك تغطه قلت رايك وابسط حقوقك ولكن رايك كان مانت بداري … اعلمك وين تحطه

اشكر جهودك واشكر مواصلتك على الطريق اللي خسر من دله حاولت حتى فَشْلت محاولتك متصنع ولك كل ليله حلّه تشوف نفسك مَرْح فمعاملتك ونشوف ثقل الدم فيك جبلّه ذرية آدم ماهي بقابلتك لاصار ماجاك القبول من الله

لاتشوش ولا تَعْصَّب بالعمامه حال من دونك ودون المجد حايل كل زين وله وصوف وله علامه يستدل بها النظير ولا يخايل وانت فرديتك يامال السلامه ماندخلها مع العشر الاوايل

كل مااقبل للمحبه تفز وتسفهل بس لاصديت عنها تمد لسانها واتقوى واتحدى العيون انها تهل بس لاطاحت دموعي … جلست وزانها

لاجابك الطاري مع اللي يطرّون قلت الغريبه مانساها وطنها دايم من يحسون هم من يحبون تامر عليهم عاطفتهم وتنهى ياغانيه غني مع اللي يغنون والمهره تقود الهبايب رسنها انتي وماقبلك من احباب تبقون اخطائي اللي ماتعلمت منها

ناصر القحافي تشرفت برسم لوحه فنيه الاستاذ ناصر القحافي يارب يشوفها وتنال اعجابه ويسوي رتويت، وان شاء الله يعطيني هديه بسيطه ويشجعني.