🔥The 9th Round of Easy Loan, Earn $40 Reward is in progress❗️ ⏰ Promotion Period: January 15th - Feburary 15th, 2025 👉 Register now and check more details at gate.io/campaigns/358

صدري البارح من الضيق والهم محفوف اتلمس راحـة الـبال في عـتمة شقا بين سندان المحبة ومطرقة الظروف اتقهوا دلة الصبر وانشد وش بقا راحت اكبار الهقاوي وانا عيني تشوف ليت مالي عين شافت ولا قلبً هقا

مرحبابكم

من مطيح الشمس ياالله عليك المستعان فـاقدلي مـن سـعة خـاطري ثلثينها كـن لـ الصـكات يـمنى ولـ ظــروفي لسان وصـوبي وجيـه المقادير لدت عينها الهموم امراحها الصدر والوقت امتحان والليـالي نـاوشـتني طــرف سكينها بيـن غـــارات اللــيالي ومـيـلات الزمان ضاعت الراحه من البال مدري وينها

ملّ صدرً لـ اجهم الليل بالضيق محذوف من طواري ذكريـاتً على البال امحقا مـن كـثر مـاصـار للـفقد والـهم محفوف اتلّـمس راحـة الـبال في عـتمة شقا بين سـندان الـمحبه ومـطرقة الظروف اتقهـوا دلـة الـصبر وانشد وش بقا راحـت اكـبار الـهقاوي وانا عـيني تشوف ليت مالي عين شافت ولا قلبً هقا

ترى عازة الدنيا تمر البشر بـ احراج ولابـه صميدع راس ما مر في عازه ابومرحبا مع باب طيبه لقى مخراج وابوويش اسوي ينظر الباب ماهازه ليا رزت اهداف الظفر فالحجا منعاج وكـل على مذخـور يمنـاه معنـازه بعيد الهقـاوي وقّع بشـرفـاً ًعليها تاج وقريب الهقاوي هقوته وقع خـرازه ناصر بن هندي

شمس صيفً تشوي الطير في وضح النهار صـلوّها مـن دار عمّان لـ ارض الشامسي ودي بــ خوة معـرّب وحـجز مـن المطار ورحـلة اسبـوعين مـن لندن لـ زيلامسي

الـرجل لو وقّـفت ضـده صــدوف الليال وسلت سيوف الحـرابه ودقت زيرها يقـلّط بـعزمً لـو يـداحـم جـنـوب الجبال حوّلت فـ القاع مـارف ريشه طيرها من لبس بشت التشيّام في سـلم الرجال يقـطف اثـمار المـعزه ويـارد بيرها والي ارخص شيمته طمعته في راس مال لو تزوّد نسبة المال يـرخص غيرها

مـا نـهب حرية الـبال في وضـح النهار غير من تـملك قصور الغلا بـ عروشها ذخر مخلين المراحين فـ سروج المهار يـوم دقـلات الحرايب تقـاد جيوشها سـربةً مـاتطرب الا عـلى قصف العمار مـن طمعها ناشه الموت قبل ينوشها مثل خطف سيوف جدانها الاسما الكبار تخطف قلوب الدهايا سيوف رموشها

اخذ الكلام اللي من الروح لـ الروح واترك كلام اللي ما يوخذ كلامه لا تكثر الشرهه ولا تكثر النوح ياخي تراك إنسان ما انت بـ حمامه بـاب الميانه لا تخلـيه مفتـوح يمكن عليك يفـك باب النـدامه احفظ لسانك لا تعود على البوح الصمت لـ الرجال يحفظ مقامه ترا الحسد من قبل عصر النبي

إلـي يقول انه مغـن الجـود مخطـيه الدليل فلّـتر سنـابه قدم وجه الضيف براقً نشا لو حط هــاذي فـ مرقة هـاذي ويذبح كل ليل هذا مصوّر بالعشا ماهو مصوّت بالعشا

ليلة(ن) وحشة مساريها مثل وحشة حياتي طيفها ما يعترف في وحدة قياس المسافة قبل احايل دمعتي والشعر يستنطق سكاتي ما دريت ان الشعور الصلف تقفاه المرافه الندم ينقش طرف كبدي مثل رمح الزناتي والليال تشوف راسي صلْف وتزيده صلافه كل نسمة شاعريّة جتْ من بطون العواتي تستثيرك يا عيون اللي

مرحبا ياباشة الحسن ياالريم الجفول القصايد في حفاوتك يضحك سنّها دلة احساس المواجه يقنّدها القبول تطرد اعمـاس المواليف ريحة بنّها ياعسى عمر الغلا فـ كنف قربك يطول يكسـر جموع العواذل و يخلف ظنّها نظرتك تخدم كلامك وانااسمعها تقول كان في صدرك قصيده جديده غنّها

ياصباح الخير يانفح النسيم العاطر يـاشـذا وردً عـن عـيـون الـعباد مخبّا عالج شعور المحبه يانديم الخاطر شوفة عيونك محو قروه ووصف اطبّا

ريهجان الزين مخمورة الطرف الكحيل تذهب الباب العقول السليمه سكرته فـ بحر عينك مصب اجزل بحور الخليل والقصيد النخبوي منك تـرسم فكرته ريـم بـدوً دونـهـا لاح رمـح المستحيل صوت فرقاً لاطرى الوصل تدرج مكرته فـ كنف من صـيت ذوده وراسه مايميل تنخطب بـنته لـ طـيبه وتشـرى بكرته