كل زله على شانك تطوف والعذر بينا ستر وغطا حتى لو كانت عيوني تشوف أنت الصح، وعيوني خطا

للعـز يـا بيـتٍ جمـع كـل الأحبـاب يـاالله عسـى راعيـه تبطـي سنينـه 🤍

"جيته ويسرّلي عسير المواضيع وخلاّ خفايا خاطري له وساعي"

غلاه من فوق الغلا ماهو بدون وحكاه سمعك يجبرك بـ رخاك له ودك تحطه فـ العيون من العيون وتبسط على رمض الثراء يمناك له🤍

له في محلّي كبر قدر وكرامه ولي في محلّه دولةٍ مستقلّه

اسلم يا أغلى الناس وأجملها سولف يا صوتٍ يموّتني ويحييني عطني علومك وطوّلها وفصّلها ترحب اذني وقلبي وإيدي وعيني وابعد عن الارض وابعد عن مشاكلها صوتك عن الناس والدنيا يكفّيني❣️

حرةٍ ماتعشق الا ابلجٍ وصله صعيب التعِّفف عن محبة سواه أكبر غناه

أقلط بوسط الحنايا واخذ عمري الباقي أنت راعي القلب كله و أنت أعز ضيوفه

يغنيك عن ود .. النفاق الجماعي وِد الرفيق اللي تسرّك حماياه ..

أخطيت في حقي ولا زِلت غالي شفني على كبر الخطا ما كرهتك خليتك لنفسك .. وسود الليالي أقدر على جرحك ولكن ما جرحتك

يارب من وين ابتدي سبحانك الحق المُعين اسكنتني فوق الجدي واغرقتني بفضلٍ ثمين !

اللّي ودّه ، الكون مايردّه لا ظروف ولا مسافة ولا الحارس ولا السور ولا حتى الموج .. بس اللّي ودّه

في قلبها : عزة طويلين العمار ما علمت مخلوق وش في صدرها حرّه : و ما تقبل بخانات الخيار الأولـه بكل شيء حتى : بصبرها هي عذرها : ما هي تدقق فالصغار لا سولفوا عن صمتها : ذا عذرها وش له تحجّمهم و تخليهم كبار لا عـذربوا فيها و عارفه : قدرها

ماهـمني قـول مـن قـال .. هذا أنا في كل الأحوال شرفت فــــوق الـــنايفه .. ماحـــركوا فيني مثقال

دربٍ ما يعز ممشاك إقصر خطاويـك عنه

يا جعـل زولـك من بد الأزوال مايـزول 🤍

كلامك لو هو بالنظر.. تخلف موازيني بكلامك

مثـل القمَر دايـم تغيّـر وصوُفـك مـرّه قمَر و مـرّه بدر و مـرّه هلال دايـم تغيّـر في اللِيـالي ظـروُفك وسُبحان من حلّاك في كل الاحوُال 🤍

الناس تنسى المحاسن في طرف زله والله يمحي المساوي في طرف توبه

صديت عنك وانا خاطري منك ماطاب غصبٍ علي .. ان كان تبغي الحقيقه ودعتك الله يا بعد كل الاحباب هذا النصيب وكل شخصٍ بطريقه