مثلك مثل ذاك القمر مالك إثنين لا حل زولك زادت الدنيا حلى ..

كل كلمه تدّاعب حمرة شفاها.. تمتلكني وتامرني وتنهاني

أنا غريق عيونك الحلوه و حسنك الطاغي

في سما ليلي أنتِ القمر

غلاه أغلى من أمواجك و لولوّك و مرجانك يا بحر

ياللي جمالك مزعجٍ له شرايح وموّرد اقرانك حياض المنايا تبختري بين الثنا والمدايح وخلي وجيه الناس مثل المرايا بس في نهار العيد عندي نصايح واهمها عندي يا عذب السجايا لايشوف زينك جاي ويشوف رايح وانتي ما تحتاجين كثر الوصايا بكره ماهو بس الضحايا ذبايح غير الذبايح فيه بكره ضحايا ..

أشوف بضحكتها نورٍ يشتت عتمة أيامي

نور وجهك من ضياه الليّل ضاوي وقلبي لغيرك ياهوى البال ماطاع ..

ياجميله من ديارك تهب الهبايب كنها ماتهب الا على ذكرياتي فيه جرحٍ مع الايام ماهو بطايب كان ماداوته يمناك سبب وفاتي تبت عن كل ذنب وعنك ماني بتايب لو بتوبك من بيقدر يجمّع شتاتي؟ بين الاثنين ولا في دماث الترايب دوري لي مكانٍ فيه اكمل حياتي ..

علمو زاهي القلايد والغوايش كلمة ٍ ماقلتها بالخش والدس جعل تفداك العيون اللي ترايش ياعيون اللي نبرقعها على الدس مات كل اللي بصدري كان عايش وعاد صوتك باقي ووجهك مقدس

قالو اللي بصدرك ضرب سيف الزناتي قلت لا والله الا رمش ٍ أحد منه

يامرحبا بالجفول اللي عليها العقول أن دبرّت جافله وأن أقبلت حافله يابنت من تشتكي منهم ظهور الخيول ما تاخذ القوم بالغره وهي غافله

تعرّض علي واجاهد النفس بالتسبيح "لو النفس شفقانه على لذّة ايامك" ما تذكر اجي صوبك واسابق هبوب الريح ؟ "يوم افقد شعوري وانت ترمي لي لثامك" هذا القلب ما يرضى على حبّك التجريح "ما دامه معك حذرى تقول الزمن ضامك" لو ان الهوى ما فيه فرقى ولا تلويح "ما كان الوصل فـ موادعك مات قدامك"

من البارح وأنا بين الكلام وصمتي المعهود أحرر لك عبارات المعاتب وارجع اسجنها حبيبي يا أكبر أطفال المشاعر واخر العنقود تحت عيني كبرت و وسط قلبي تامر وتنهى ما حزّ بخاطري غير الكلام الجارح المقصود لو إنها رميةٍ من غير رامي ماعليّ منها ..

استلذّيت الغياب وتركت اللي يبيك مادريت ان المفارق بدايات العنا ؟ كل حاجه في غيابك على حطة يديك الحزن والجرح والحب والضيقه وأنا

انا لا تباطيتك علي الولّه ينشاف يبّين على العاشق وينشاف فـ عيونه احبّك جعل حبٍ يجي من بعدك يْعاف وانا حالفٍ حبّك مع الوقت ما اخونه ليا شفت وجهك والله ان ماعلّي اخلاف فلا تنشد اللي شاف غايتّه وش لونه ! عيونك مثل مجدٍ قِصر دونه اللي خاف وانا اللي يحب المجد ويموت من دونه..

عادني مشتاق لـ وصالك وجمع الشمل ليش هذا الصد والبغض يا عين المهاه ؟ ما لقيت لـ جرّة خطاك من فوق الرمل رغم ما بيني وبينك سوى حذفة حصاه غيبتك من دون رجعه ولا فيها أمل كنك آخر شمس تشرق على هذي الحياه

فالبال بنتٍ عجزت أسج وأنساها حروفها في جدار القلب مرسومه من ( ليلة وصالها ) لا ( يوم فرقاها ) ميلاد حبٍ عسى يومي قبل يومه لجل رضاها رهنت العمر ( لرضاها ) والا البشر بالبشر ماهيب ملزومه فرعونة الحسن .. من فدوة محياها حياة روحٍ على روحين مقسومه ..