في مشاعر معينة بتبقى تقيلة للدرجة اللي حتى الكلام نفسه بيعجز قدامها، فمهما حاولت تحكي أو تضحك، تفضل سايبة أثرها جواك.

النجاح مش دايمًا بيتقاس باللي وصلتله قد ما بيتقاس باللي اتغلبت عليه. ساعات الطريق نفسه أصعب من الهدف، واللي يعدي الطريق ده يستاهل يتحسبله نجاح حتى لو ماوصلش لنهاية مثالية.

أكتر حاجة بنكتشفها مع الوقت إن السلام النفسي أهم من أي انتصار جدال أو علاقة بنحاول نثبت إنها لسه عايشة.. الراحة في البُعد مش في المواجهة.

في ناس بتعيش طول عمرها في دوامة إثبات ذات، تحاول ترضي الكل وتدور على كلمة تقدير من هنا أو نظرة إعجاب من هناك، وفي الآخر تكتشف إن العمر ضاع وهي مارضيتش نفسها ولا عاشت بسلام مع قلبها.

أوقات كتير بنفتكر إننا ماشيين لقدام، لكن الحقيقة إننا بس بنكرر نفس الخطوات ونرجع لنفس النقطة. طول ما العقلية ثابتة والطريقة زي ما هي، هتفضل تلف في نفس الدايرة مهما غيرت المكان أو الناس حواليك.

مينفعش تكمل في علاقة وانت حاسس إنك مش مرتاح، أو بتضغط على نفسك عشان ترضي التاني. الحب مش مفروض يبقى معركة يومية ولا اختبار قوة تحمل، الحب الطبيعي بيهديك سلام داخلي مش يسرق منك طاقتك. العلاقة اللي بتستهلكك نفسياً وعقلياً وعاطفياً مش علاقة، دي استنزاف ببطاقة حب مزيفة.

اتعلمت إن اللي بيحصل معانا دايمًا له معنى، حتى لو مش واضح دلوقتي.. يمكن يوجع النهاردة، بس بكرة هتفهم إنه كان بيجهزك لحاجة أكبر.

أكتر ناس ممكن يضايقوك ويعاملوك وحش هما نفس الناس اللي إنت حبتهم واديت لهم من وقتك واهتمامك. ولو فكرت شوية هتلاقي إن زعلك مش من اللي بيعملوه فيك، سواء كلام جارح أو تصرف مؤذي.. إنما الزعل الحقيقي جاي من إنك كنت مستني منهم حب يتردلك، مستني أكتر ، ولما ييجي أقل هنا بتضايق وتزعل.

رسمياً عودة الاجواء الشتوية 🥰. Alexandria - 2025

كل عيب بتشوفه في شخص وبتسكت عليه، الزمن هيخليك تدفع تمن سكوتك بعدين.

الخسارة اللي فيها راحتك مش خسارة، يمكن تكون أكبر مكسب ماكنتش شايفه وقتها، بس الزمن بيكشفلك إنك كنت محتاج تسيب عشان ترتاح.

كل سؤال إجابته معاك، بس يمكن محتاج تسكت شوية عشان تسمعها. الزحمة اللي جواك أوقات بتغطي على كل حاجة حقيقية، حتى صوتك الداخلي اللي عارف الطريق من الأول.

الحياة فترات.. في فترة تفرح فيها وتفتكر إنك وصلت، وفترة تتهد فيها وتفقد نفسك، وفترة بعدها تفهم إن كل ده كان لازم يحصل عشان تبقى الشخص اللي انت عليه النهارده.

أنا شايف إن من الذوق والرحمة إنك لما حد ييجي يفضفض ويقول إنه زعلان، ماتقلوش: "كلنا تعبانين" حتى لو عندك هموم كتير، ماتخليش اللي قدامك يحس إن حزنه ملوش قيمة الكلمة الطيبة ممكن تخفف عنه كتير، وبعد ما يهدى، ساعتها تقدر تحكيله لكن جملة "إحنا كلنا تعبانين" بتوجع أكتر مما بتواسي.

الحاجة وهي بعيد بتبان أحلى، بس القُرب بيكشف تفاصيل صغيرة كفيلة تغيّر إحساسك كله.

اللهم يسر لنا سبل الحلال ♡︎

اللي يستحق المحاولة، عمره ما يضيعك في طريق مالوش رجعة. المحاولة ليها معنى لما توصلك، لكن لما تبتدي تستهلكك، تبقى محتاج توقف وتراجع نفسك. مش كل اللي نحاول عشانه يستحقنا.

سيبها تيجي زي ما ربنا كاتبها لك، يمكن في التوقيت ده هي الصح، حتى لو إنت شايف غير كده.

مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ في الجنة ونعميها بإذن اللّٰه. #صالح_الجعفراوي #أنس_الشريف

أوقات ببص ورايا وبفتكر كل اللي فات، مش ندم، بس فضول أعرف أنا إزاي عدّيت كل ده. يمكن اتغيّرت، يمكن اتقَسّيت شوية، بس في الآخر بقيت أهدى، وأصدق، وأقرب لنفسي أكتر من أي وقت.