🔥The 9th Round of Easy Loan, Earn $40 Reward is in progress❗️ ⏰ Promotion Period: January 15th - Feburary 15th, 2025 👉 Register now and check more details at gate.io/campaigns/358

الصاحب اللي له معزه وشيمه نحذف خطاه خلاف ونروح قدام

من شاور الناس ما حقق طموحاته يلقى من الناس من يكسر مجاديفه .

احب الرفيق الطيّب اللي جنابه زين واعده من الاقراب لو ماهو قريّب

ياحي عين اللي يصادم ظروفه يبغى يوقف موقفٍ يعجب العين .

وارثين الطيبّ من كل النواحي ونحمد الله ما مشينا بـ الرديّـه

من دق صدره في لزوم الرياجيل لا يدس راسه مثل راس النعامه .

نساير الدنيا على كف الاقدار ساعه تسايرنا وساعه عنيده

من جرب الغربه عرف قيمة الدار ومن جرب الفرقى يحس بوجعها

شد حيل الخطاوي فالطريق الطويل لين " تضحك لك الايام وتضحك لها "

بعض الاوادم عطاه الله طيب وقبول ان جاك زاد الغلا وان غاب زاد الغلا

مايخفف ضغط الأيام وظروف الحياه غير قرب اللي تحبه .. وتستانس معه

المطر و الغيم و انفاس السُحب وش نحب اكثر من اجواء الشتّاء .

اطيب من الكلمة اللي مالها داعي الصده . . اللي تبيّض وجه راعيها

على النقى ماننحدر بالمحادير نظراتنا صوب الجدي والمجرّه

إن جيت قلنا مرحبا الله يحييك وإن رحت ما انت اعز من راح عنا

مثل المطر ياصافي الروح ذكراك يغسل هموم النفس ويروي ضماها..

نكبر على يدين الظروف ونصغــر إذا جانا مطـر.

الجو غيم وساقني يمك حنين الله يجيبك يوم جاب الله مطر

امطري بالخير ورشي ياسحابه وطلبي يانفس دام الله كريم