' ' من لا وزن كلمته من قبل ينطقها تجيه لـه كلمةٍ مـاهـي بموزونه ومن لاحفظ طلقته في بطن بندقها بنادق الناس مـاهـي دوم مامونه .

' ' شطّبت في بعض العلاقات تشطيب وكسبـت منـها راحـتي في حـياتي أنا عشقت الطيب ومـزارق الطيب وأهل الوفاء ربعي من اربع جهاتي .

' ' إضرب برجلك على عوج الدروب يستقيم الدرب دامك مستقيم .

' ' من خسرني ما خسر إلا الـنّـادر و من كسبّني طابّ حظه يا بعدي .

' ' الكرامه والحميا والمواقيف العظيمه هذي اللي دونها الأعذار نوع من الرخامه لا تدور ل السلامه وانت ودك في الغنيمه من يفكر فـ الغنيمه مايدور لـ السلامه لا تحاول انك تبيع الكرامه بأي قيمه لن مابه قيمه فيها بـ تشري لك كرامه

' ' الجود والله جود طلق الحجاجين ماهو بجود اللي تلوى خششها ياللي تحسبون. الكرم بالمواعين نصف الكرم نور الوجيه وبششها .

' ' ما يستريح اللي تجيه الهواجيس مثل الكريم اللي يحاضي ضيوفه .

' ' إن شفت راع الجميل أقول ياربّي إنـه يـجـي لـه لـزوم عندي أردّه .

' ' أنسحب من كل قلبٍ مايشيلك وأبتعد عن كل عينٍ .. ماتـودّك ولا تجي للي تجيه وما يجي لك ولا تعد اللـي تعمّد .. ما يعدك

' ' يا مبسمٍ ربي من الـورد سوّاه كاملٍ مابه من العذاريب ذرّة .

' ' سو الجميل وعامل الناس بالطيب  تـرا النفوس تـروح والطيب يبقـى .

' ' طيب المعدن مثل عودٍ معتّق كل ما زاد الزمـن يزداد طـيبـه .

الشاعر : عبدالله الطلحي ' ' العافية والستر مع راحة البال  هذي الثلاث اعدها راس مالي ياللي تقول الغالي اشريه بالمال اللي يجي بالمال ماهوب غالي .

الشاعر : معدي الكذوب ' ' ابني لي آمالٍ هدم بنيها الياس على إن بعضها سامحٍ منه وابنيه الله وهبني احساس والصدر حسّاس " مـرٍ يناجيني .. ومـرٍ أناجيـه " ضاعت هقاوي خاطري فـ اكثر الناس اللي بعضهم ذاخره قبل ما اجيه اجي وانا منحاس و اروح منحاس و مامنهم اللي جاء على هقوتي فيه

الشاعر : سالم الجهني ' ' لا صار تقدير الـرجـل غير جيبه من وين لك تقدير يا فارغ الجيب

لشاعرها : مجعد الخميلي ' ' والله ما يذبحك يا كـود حاجـه لا صار وجهك حيا وأنت محتاج .

' ' ما كل شخصٍ يملي الطيب عينه بعض البشر لو زاد طيبك تمرد .

' ' انعزل عن زحمة الناس والهرج الكثير السعـاده بعض الاحيان فنجال قهوه .

' ' لا ماتت الأحلام في وجـه الظـروف جعل العوض فـ الباقيات الصالحات .

الشاعر : سعد ابن جدلان ' ' عيوني على سهر آخر الليل حدّتني تولّع بـها سهر الليالي وظـريـتْ به همومٍ على الرقْده من النوم جزّتني وقلبـي هواجِيسه مع الهم لعبتْ به وِلَا حرّكت دقّات قلـبـي تشاوتْـني وغنّى لها الشيطان صوتٍ تلاحتْ به