انا اسعد انسانه فالكوكب انهارده سمعت كلام تشجيع من سيدنا وابونا وتاسوني والأمهات يقعدني كده مرتاحه وفخوره باللي بحاول اعمله ❤️🫶🏻

بحس بالحماس ناحيه فكره ولما اجي انفذها بخاف لأفشل وبحس بصدى صوت قديم اووي بيقولي لا خليكي سلبيه مش بتعملي حاجه ولا هتعرفي تعملي حاجه والدنيا مش هتسمحلك تعملي اصلا...

عايزه افضل اسمع موسيقي طول الفتره اللي جاي يمكن تطلع تحبها زي ما انت بحبها كده 💙

وبالرغم من أن القوه تستطيع أن تفرض الطاعه فأن الحب فقط هو الذي يعطي استجابه للحب وهو الذي يريده الله منا والذي من أجله خلقنا يسوع الذي لم أكن اعرفه💙

تحفه فنيه💙

ادخل اي مصلحه حكوميه اشوف العنصريه ببجاحه وبرود 🚶🏻‍♀️

هافضل لأمتي عايشه حياه بحاول اثبت فيها عكس اللي بيقولوا عني زهقت من المبررات ..

انا بحاول فالشغل علشان مش عايزه اندم إن كان جوايا حاجه المفروض اقدمها ومعملتش ده وضيعت الوقت ومش عارفه محاولاتي هاتنجح ولا وان كنت هاقدر ولا لا ..

فقد اساؤوا فهم طبيعه مملكته..

في بيوت عمرها ماشافت راحه وفي بيوت عاشت بالحب رغم ان مافيش راحه ..

الامير الصغير💙

يوم ياخد سالب ١٠ من ١٠ 🚶🏻‍♀️

بقف عاجزه قصاد حد اختار بكامل إرادته انه يكون مؤذي رغم انه ممكن يكون انسان سوي عادي

طريقه افتقاد اب الاعتراف ليا الغير صريحه خالص بتخليني اشكر ربنا أن مش نسيني💙

احلي حاجه أن في ناس بتخاف تتكلم معايا لاني حاطه حدود واضحه فايروحوا يتكلموا من ورايا فيوصلي الكلام فعمل مش واخده بالي ومش مهتمه

من اكبر النعم هي النوم فلنتخيل الإنسان صاحي ٢٤ ساعه هايقتل إحساسه الوحش ازاي ؟ لازم ينام ويصحي صفحه بيضاء وبعد كده تيجي الناس تعكنن عليه فايستني ينام واهي لفه 🚶🏻‍♀️

لغبطه مشاعر بحس بيها الفتره دي..وعايزاها تعدي بسرعه مش قادره احب اي حاجه فيها🚶🏻‍♀️

مش عارفه ليه حسيت أن لحظات السعاده اللي بنمر بيها كعيله كان المفروض يشاركنا فيها بابا هو أولي بأنه يحس بيها بعد كل التعب والمرض والزعل اللي شافه..

معلش هو امتي هايجي ديسمبر علشان انا وحشني ومحتاجه اعيش أجواء اخر السنه دي ..