ان كان فيني عيب قلي فيك العيب الفلاني ان كان هرجي مزعلك في شي قلي لا تعيده أعنبوك ان مت بيدك من يفكك من أخواني لاحزنوا ربعي علي ومت وش اللي تستفيده أنت منت اللي عشقته أنت أكيد إنسان ثاني كيف صرت بالبرود .. والأحاسيس البليده

القلب بعدك خرب والعقل بعدك دمر لاتحسب ان كل من يدعيه قد راح له كن نور وجهك لامنه شع نور القمر يرتاح نور القمر منك وترتاح له ياطيب معك الملاقا والوصل والسمر ويذعْن لك الشوق من راسه الى كاحله اغمرني بـ عطفك انا العاشق المنغمر اللي عيونه تعشق البرق لا لاح له .

ان جاتنا الطيبه بالطيب زدناها الطيبه بالعسل والسمن نمزجها ون جاتنا الثانيه نصبر ونرفاها يمكن اليا فاق راعيها يعالجها وان عادها عودة ماعاد ينساها من حربة في صميم الصدر نولجها مسمومة يبلش الدكتور بدواها مايقنع الخبل لين انه يلامجها

الجاهل ليا اخطى بحقّي تعذّرت وطوّفت لـ العاقل خطاه المدبّل من زود ماعندي من المعرفه صّرت ابلش مع العقـّال كيف المهبّل

يارب عبدك من ذنوبه مايتوب يارب دله للصواب وتب عليه وان كان الاستغفار يمحى الذنوب استغفر الله العظيم واتوب اليه

انتقلت إلى رحمة الله صاحبة هذا الحساب نحن ذوو صاحبة هذا الحساب، ننعى إليكم ببالغ الحزن والأسى وفاة ابنتنا العنود السبيعي، التي انتقلت إلى رحمة الله تعالى. نسأل الله أن يغفر لها ويرحمها ويسكنها فسيح جناته، وأن يلهمنا وأحبابها الصبر والسلوان. إنا لله وإنا إليه راجعون

قبل أعرفك كنت أعيش أيام عمري سوى ما مرني يوم عن باقي حياتي فرق اللي سرا من حياتي كنه اللي ضوى ما فيهم اللي دخل قلبي وعاش وسرق مريت صوبي وأنا بين انتباه وغوى غديت مثل الحريص اللي لهى وانسرق قمت أتشفق على يوم اللقى واخوى لـ اللحظة اللي ما يوصفها بياض الورق

تسير القدم من حيث ماهي تسير الروح ويظهر على وجه الشقي ما يكن الجاش ㅤ يهون اني أسري الليل الأسود بليّا ضوح ولا اسري الليالي الصافية والنهايه ماش

اللهم لا تختبر صبرنا في صحة من نُحب اللهم اشفي كل من يعزُ علينا شفاءً لا يُغادر سقماً اللهم اشفي مرضانا ومرضى المسلمين

"ثُمَّ يرضيك الله كأنكَ لم تحزن يوماً"

اشوف المزن في عرض السماء متقافيه هتان واشوف الليل يقفي لا سطع في لحضته برقه تكاشف وجه خلي كنه البراق والامزان بياضٍ ماستر حتى تحت جلده خضر عرقه حبيبً جيته خير وغيابه ضيقة وحرمان تباشر به طواريق الشعر وتنوح مع وِرقه

تغاضي ياعيوني والسنين قصار مادام الوقت لا انصفني ولا انصفته احب اللي مضى لي واكره التكرار واشوف اللي يخوفني ولا خفته غريب شعور والواقع غريب اطوار كثر ماكنت راضي كثر ماعفته ياكثر اللي تحاشيته يصير وصار وياكثر اللي تمنيته ولا شفته

يا سيد الليل لا غابت .. مصابيحه يمل بك انك على الهقوه ويمل بي الحب ما جض منه الا مجاريحه اللي هواهم عفيف وحظهم سلبي قد تبت منه وردتني .. ملاويحه ونا على جرف وادنى ما يميل بي ماتجتمع في الغلا ضحكه وتلويحه اصدر قرار الفراق .. ولا تحيل بي

يا شاكي علي دنياك شبعان من دنياي لا تشكي علي فيني همومٍ تكفيني دخيل الثنين ارفق علي قبل أجيب أقصاي تراني فقدت أغلى رفيقٍ يواليني فقدت العضيد اللي أحطه على يمناي حزام الظفر في شدة العسر واللين تصبر على بلواك وأصبر على بلواي أنا لو ما أكتم عبرتي من يناحيني

مارحلتي لين حطمتي بما فيه الكفايه عاقل حب الجنون وصوت نارك في هشيمه استبحتي حرمه المجنون بدراك وعنايه والتفتي له بعقلك وارتكزتي في صميمه امتلكتي غايته لو ماكان له فيك غايه وانتصرتي في عيونه واعترف لك بالهزيمه.

حارس كرستال بالاس خرااافيي

ماكان وسعة بال كيف يصير ضيقة بال ؟ وكثر ما كنت محتاج الدعا لكني ادعيله انا وشلون الومه والملامه ترخص الرجال وانا اللي حاذفً قلبي على صفة مضاليله

ماجيتك ألعب بالمشاعـر وأخليك وماجيت لأجل أستغفلك وأستغلك كيف أنشغل عنك وأنا منشغل فيك ؟ ليت الشعور اللي بقلـبي وصـل لك تغريني أشيائك وأتوه بمعانيـك وأقرا تفاصيلك وبعضك وكلـك طموحي استحوذ على كل مافيك أنا معاك أشعر بـ حُب التملـك

خل لك فوق الشواهيق والعليا مكان أردع النفس العنيده وخالف ودّها لا تحدك سود الأيام وظروف الزمان كل ما شفت الليالي تحدك حدّها

أنت ياحلو الملامح وياحلو الصفات جل شان اللي من الزين معطيك رهوه كل يوم ، تحط دوبك ودوب الذكريات لين ماياخذ بي الوجد والشوق نهوه يا محاصرني بـ ذكرك من الأربع جهات ما تركت لـ ساحة البال سجه و لهوه ارتبط وجهك ، مع الورد و الما والنبات وارتبط طاريك مع كل فنجال قهوه