Imagine being lost in the woods hearing this

مليون في الميه صح 😅👌

مين فهم الناس أن الإلفاظ الزباله و قله الأدب و الشتيمه و التطاول في الكلام اونلاين , من إثباتات أنك جامد سواء راجل أو بنت او بتفرغ فيها راحتك و بتحسب بعدها براحه نفسيه مثلا ؟؟ .. انتشار قذر و شاذ و دليل ضعف تام فى الشخصية .

أي تعامل جاد مع الأرقام و الإحصاء فى مصر .. عبث تام

أڤورة فى كل حاجه احنا دايما ثعلب يثير الذعر فى مدينه نصر ,, حوت ينشر الرعب فى الساحل ( مش عارف المفروض يظهر فين مثلا ) ,, عاصفة بسرعة 12 ك/س .. عايشين لوحدنا في الكوكب و لا كأن كل اللى ده طبيعي .. كفاية أڤورة

العصبية و الضغط و الخوف من الخسارة هيدمروا الأهلي .. الناس محتاجه تهدي شويه و تقبل التراجع و الخسارة و بعدين ترجع أحسن من الأول .. شوية هدوء خاصة من حسابات الميديا بتوع الضغط المستمر .

الناس مش طايقه نفسها و بتطلع الغل فى اي حد و اي حاجه حرفيا , هو الراجل غلط فى أيه ؟ .. و هو لو مش بيحب إسكندرية هيفتح فيها مطعم ليه مثلا ؟

ولا كأن فيه نقطة اختلاف واضحه و مفهومه و منطقيه مثلا .. اللى بترقص فى مكان للرقص ده لناس جايه تتفرج عليها بإرادتها و رغبتها و فئة معينه عمريه ,, تيك توك و منصات ده بيدخل كل بيت و على كل موبايل و لأي سن .

زعلان من خسارة الفريق اللى بينافسهم على المركز التاني 😅

جو لا يطاق

من اكبر الكوارث تثبيت ان الدين فى ناحية و العقل و المنطق فى ناحيه , مع أن الدين اساس العقل و التفكير و المنطق , و حرفيا مفيش اي معضله او شكوك ملهاش رد عقلاني من وجهه نظر الدين , بس للإسف ناقص اللى يقدر يفهم و يحاور صح

زلزال من دقايق فعلا

و على الجانب الأخر من العالم .. ده اللي شايفنا فيه الذكاء الإصطناعي ,, لو هتشعبلها سيشعبلها

التجارب كلها اثبتت بما لا شك فيه .. اننا الافضل ندي كل حاجه لتخصصها و يحدد خريطة الطريق الصح للتنفيذ و بشكل و اسلوب علمي و يحدد المخاطر و يدرس و يخطط و يشوف التمويل منين ؟ .. اما الطريقة التانيه دي اثبتت للأسف فشلها الذريع فى مشروع الاسماك و مزارع الدواجن و العجول نفسها !!!

طيارة زامبيا دي كانت العكس بس احنا مش واخدين بالنا 😅 , يعني احنا اللى كنا بنشتري دهب مش بنطلع دهب لزامبيا .. و الدهب مكانش رسمي و حصل زي الافلام العربي كده ,, نصبايه من العصابة اللى بتبيع من ورا حكومتهم

اعلام موجه بتمويل حكومي كامل لا يعكس ابدا وجهه نظر الناس او مشاكلهم او تطلعاتهم و لا بيمارس دوره كإعلام حقيقي حر .. دي النتيجه .. لو الناس حاسه انه إعلامهم و يمثلهم مكنش ابدا أي حد قدر يتكلم عليه

بخلاف الرسائل و الكتب السماوية و الرسل , الأديان هي الأكثر عقلانية و منطق و تفسير نشأة الخلق و الكون و الحياة و نهايتها و تفسير الموت من أي نظرية تانيه

مبنى هندسة السكة الحديد التاريخي في رمسيس الفديو دا دعوة لإعادة النظر في قرار هدم المبنى في ناس بتقول إن التنمية ساعات بتتعارض مع الحفاظ على التراث، وده مفهوم مش مظبوط. لأن التنمية الحقيقية بتبدأ من حفاظنا على تاريخنا #Egypt #Cairo #Ramsis #Railway #Makeover #CairoMakeover

مش فاهم قررت تقلع الحجاب أو تلبسه ,, أيا كان القرار , إيه علاقة أنك تقولي ده مش فرض ؟ .. إيه سبب التبرير الوهمي إلا لو حاسه إنه فعلا قرار غلط بالفطرة , المنطقي تقولي مش فارقني فرض و لا مش فرض انا قررت اقلعه و بس !!

يعني مش فاهم احنا مثلا بنوصل كل كأس عالم و نعمل نتائج جامدة علشان نعترض على زيادة عدد المنتخبات ؟؟ .. زيادة العدد هي السبب الأكبر إننا وصلنا اصلا لتالت مره لكاس العالم .. الإستعلاء ده جاي منين و احنا لا لعب و لا مكسب مش فاهم