خلصت سنتي الأولى في عالم العمل وشي مهم ابغى اقوله بيئة العمل مهمة فوق ما اتخيلت ابدا لا تعيش بمبدأ حاخد فلوسي و امشي كمية شعور بالرضى وراحة نفسية اهم اسبابها بيئة عملي والناس اللي معايا مافي شغل غير ممل او ما يتعب لكن البيئة الجيدة تهون كل حاجة الحمدالله على نعم ربنا عليا🤲🏻

مو كل حاجة نتمناها هي الأفضل لنا حكمة الله و اختيارته لنا هي كل شي نحتاجه مؤخرا فرص كثيرة كنت اتمنى احصل عليها وتعبت واجتهدت لكن ربنا ما اراد كنت راح احبط بعدين استوعبت كمية النعم والتوفيق اللي حاصلة في حياتي في امور انا ما كنت افكر اني احتاجها لكنها افضل شي صارلي فالحمدلله

كلي فخر و اعتزاز وشكر لله على الانسان اللي مافي كلام يكفي يوصفه ولا يوصف مكانته عندي. ربنا يجعلني دايما اشوفك بكل خير وصحة وفي اعلى المناصب ومن نجاح لنجاح حقيقي انتا انسان مجتهد بما تعنيه الكلمة من معنى ودائما بتلهمني اني اصير زيك الف مبروك يا اخويا و اعز اصحابي ومنها للأعلى ❤️

عبارة لها اثر نفسي كبير جدا عليا "من اللطيف انك تكون شخص مهم،لكن من المهم ان تكون شخص لطيف"

المنتخب يفوز على الارجنتين و اجازة و الخبر دا ورا بعض حاجة صعب القلب يتحملها في وقت واحد😭 الحمدالله يارب

صحيت اليوم الساعة 3 الفجر عطشان وانا اصب المويا طاحت الكاسة وانكسرت الانكسار ابو فتافيت اللي يتعبك فالتكنيس بعد ما كنست ورميت القزاز بالغلط خبطت كاسة تانية كانت على الطاولة وكمان انكسرت من قوة النكد بغيت ارجع انام بدون ما اشرب خفت اكسر الثالثة😂

اليوم للأسف شفت قهر الرجال بعيني ما كان فيني الحمدلله بس كان في ناس حولي مجرد اني حاولت اتخيل نفسي في وضعهم جاتني ضيقة نفس ورعب من المؤلم انك تشوف رجل عنده مسؤوليات واللتزامات كثيرة وتشوف في عينه العجز ومو عارف ايش يسوي اعوذبالله منه والله لا يكتبه على احد فيكم او من يعز عليكم

اتعلمت انو الواحد لا يستصغر اهدافه مهما كانت تبان انها عادية بس من صغري كان دايما نفسي اشتغل شغلانه اسافر عشانها بمسمى رحلة عمل واليوم اتحقق دا الشي كانت تجربة اكثر من رائعة طورت فيها الكثير من المهارات وقابلت شخصيات عظيمة واستفدت منهم وقدرت افيدهم الحمدلله جدا فخور بنفسي

كانت في سلة زبالة وانتم بكرامة جنب البوث حق شركتي زميلي قال الناس حتعدي من جنبنا بس عشان ترمي محد حيهتم فينا جا واحد شفتو جاي يرمي فيها قلتلو ممنوع الرمي قالي منجد؟ قلتلو اذا سمعت عن شركتنا اسمحلك ترمي ضحك وقالي طيب وطلع مطور أعمال في شركة كبيرة ورتبنا اجتماع الأسبوع الجاي😂

احد اكبر المنافقين في هذا الزمان قوقل مابس فالرياض

"تعلم متى ترحل" العبارة الأكثر تأثيرا في حياتي ❤️

الحمدالله جاتني فرصة اني احضر حفل اطلاق الموسم الثاني لواحد من اعز الأعمال الى قلبي محافظة مسامير❤️ الموسم الثاني جدا رائع على الرغم اني شفت ٣ حلقات بس ،لكن بدون اي مبالغة العمل وصل مستوى عالي في الانتاج والمحتوى شكرا ɐuǝɯxᴉlɟʇǝu مـسامير على الدعوة ليلة لا تنسى❤️

شخص عظيم علمني إنه كل المشاكل اللي اعتقد انها مشاكل كبيرة هيا اصغر مما تبدو عليه بكثير و ردة فعلي اتجاه المشكلة هي اللي بتخليها كبيرة في نظري فكل ما كانت ردة فعلك هادئة صغرت المشكلة حرفيا اي مشكلة تصير اقول عادي تنحل او الجملة المفضلة It is what it is😂 تضخيمها ما راح يحلها

"ارحم نفسك" كلمة ياما سمعتها من اهلي وبالنسبالهم كانت تهزيئ محترم😂 لكن قبل فترة صدفت اني ركزت فيها وفعلا من الأمور المهمة اللي نحتاجها في حياتنا انو نرحم انفسنا كفاية رعب وتخويف وجلد ذات على أمور قابلة انها تتغير استوعب انك انسان وانك تغلط وتصلح الغلط وان في رب يسامحك ويعينك

ارهب شي عرفته في ٢٠٢٣ بعد chatGPT هو حساب سعراتك الحرارية اقسم بالله سحر بعدهم مباشرة مطعم Fish face رهيب لا يفوتكم👌🏻

كل فترة من حياتك راح تكون في أمور معينة تجبلك غصة مزعجة كل ما تفكر فيها قد يكون مستقبلك قد يكون موقف حزين او علاقة سيئة لكن فترة وتعدي الغصة الوحيدة اللي لابد تكون سعيد في وجودها دائما هي غصتك على دينك وعلاقتك مع ربك طالما انها موجودة فالله يحبك ويبغاك ترجعله اللهم ارزقنا حبك

يخرب بيت المرض دوبي داخل محل سمك و اول حاجة جات في بالي لمن شفت السمك هي علاوي حبيب قلبي ابو حسين خلااص😖

"قاوم ما تحب وتحمل ما تكره"