عامل طموحاتك على إنها توافيق إن جات والّا ما عليها حسوفه

ان عطتنا بيض الايام بنقول ونطول وان خذتنا سود الايام لله البقاء

جعل دار ضمت أخطاك تسقيها المزون جعلها من صادق الغيث شقِ من سما

ما عاد أعاين لا يسار ولا يمين أمشي حذر وأقول يارب النجاه أما الحضور اللي يسرّ الناظرين والا الغياب اللي ما يدرا وش وراه وصل العطياني

إن أدبرت ولا أقبلت دنيا نهايتها حطام سجدة على وجه التراب أخير منها كلها.

أدعيّك و أخشى من عذابك و أرتجي منك الجنان ما لي سوى عفوك ملاذ ألوذ به يوم النشور

هوافٍ خواصرها الجدايل عليهـا سبـوح كساها اشقرٍ ياصل اليا الـردف ضايمهـا محمد الخس

لا تنبهر لو تشوف الناس منبهره تثّر على ذوقك وتثّر على فنّك عط ظهرك اللي يشوف انك ورا ظهره واللي ما يعطيك شيّ الا خذا منّك واللي لا شافك نبت في خاطره زهره يفدونه الفين واحد خيّبوا ظنّك

ادفنيني في مداهيل القلايد في مكانٍ ماحدٍ غيري يمره

وان عودت للغلا غلاك بلحاله إنتي بكفه وباقي الناس في كفه .

جاك الغلا اللي ماحصل قبلك لمخلوق ولا ظنتي عقبك من الناس حاصلٍ له .

سُولف والله إني لا مَلول ولا عجُول والله ان لك المرحباا في كل سااعه

يالله بصدرٍ وسيّع و خاطرٍ مستريح و صبّرٍ من الله على ما جاء من أيامنا

كم واحد كنت اظنه من صفوف الكبار و إذا تكلم دريت انه من صغارهم

لا عرفت أغض قلبي ولا أغض بصري تايهٍ بين الهداية وبين المغريات

ليل الشتاء ياللي طوالٍ مساريك يكرهك من جارت عليه الجواري

ياقبر لو تدري ب حبّي لراعيك ماضني بتضمّه وسط الترابي ولو طالت الأيام ماني ب ناسيك ياللي عقب موتك حياتي خرابي الضيقه اللي كل ماحلّ طاريك اونس وجعها مثل طعن الجنابي

لو تكشف العين وش تخفي نوايا الصدور يَ خيبة آمال بعض الناس بـ أصحابها