تخاف الثرثره خاف السكوت السكوت احيان نوع من البكىٰ

النفس لولا القناعة ما عسفناها اللي لجل عزها قامت قيامتنا كم حاجةٍ ودنا فيها وعفناها مهما غلت ماهي اغلى من كرامتنا

يابوي مالي في حياتي مطاليب رضاك عني " غايتي وامنياتي يا تاج راسي يا معلمني الطيب يا عزوتي يا هيبتي يا غناتي

الطيب يدركنا من الجد للجد اليا هفى وجه الردي ما هفينا

من لا يعز اخوه ويقدّر اخوه يندم ليا بانت صواديف الايام

خويي على عهدي ولا يلحقه منقود على طاري الاصحاب يا طيب وقفاته زهمته ولا قصر معي يبذل المجهود وطبع الكفو يعجبك لا جات حزاته

نفرح من الاعماق لا مرّنا العيد والعيد يفرح لا تحنّت له امي

أنا عرفت أن التجارب مكاسيب ومن طاوع الجهال شاف العجايب . والراي بندق تخطي أحيان وتصيب ما فيه رايً طـول الأيام صايب

فنجالنا ماله مواعيَد وأوقات فنجالنا والِم .. على كل حزه

في غيبتك ماغيّب الموت ذكراك رحلت لكن مارحل طيب صيتك مرحوم يا اللي تكسب الطيب يمناك مرحوم يا باني على العز بيتك

من تجمل فيك لا تجحد جميله جاحد المعروف وش خانة حياته ومن تردى فيك خله في سبيله لا اتردى فيه وتسوي سواته

مانيب مجبور اخاطب على قد العقول والله إن بعض القناعات عندي مهمله الكلام تشوفه الناس حل من الحلول مثل ما اشوف التجاهل يحل المشكله

اخوي " لامني بغيته تحزمت هو محزمي لاصار بالوقت ميله

بغيت اعدّل مايل الناس وازريت وازريت اعدّل مايلن في ضميري ما جتني الدنيا على ما تمنيت يوم إنقطع حبل الرجا من عشيري

ماتنفع الحبه على راس ميّت لا صار ما قدمتها له وهو حي

أهل المصالح " يارفيقي كثيرين و أهل النميمه والحسد مايعدون لا صرت طيب قالوا فلان مسكين ولا صرت فاهم قالوا فلان ملعون

شلون ما اعدّك من الناس مركاي وعليك عكفان الشوارب تراكت

اما تجي حكمة تغلب على الصمت ولا التزم بالصمت و الصمت حكمه

حطني يمناك واعذاري يسارك  والله اني في لزومك مـاتردد