عزم الرجال ما يظهر إلا عند زرقات السهوم ولا السعة حتى الهنوف تهوش دون اخوانها

مشكور يا وقتٍ غدا فيه ميلات عرفتني بالناس وش هو مداها لولا صواديف الزمان الثقيلات ما ينعرف طيب العرب من رداها

لن ترى معادن الناس بالشكل الصحيح لين تبلغ مُجريات الظروف آشدّها كان تبغى تعيش باقي حياتك مستريح خل عنك ( الطيبة الزايدة .. عن حدّها )

خلك نصوح و واجه الطيب بالطيب راعي الوفا و الطيب يجزى بـ طيبه و إبعد عن اللي كل هرجه عذاريب يشوف عيب الناس ما شاف عيبه

بعد راح نصف الليل و أنفضوا الجلّاس و جت ذكريات العمر ، و أحلاه ، و أمرّه " يا برد الشتاء " والنار تاكل ضحايا الفاس ويا حرّ الشعور ، و طاري الشوق يا حرّه

توك صغير السن و العمر ما شاب و إن فات شيء اليوم بكرة تجيبه

لولا الجمر ما بينت ريحة العود ولولا المواقف ما تبين المعادن

عزاي إني على قيد الأمل لو السنين تميل مثل شمسٍ تعدّاها المغيب و تنتظر بكره "

من يحمل طاقة النفس فوق المستطاع تبلشـه بعض الاوادم ، ، بـ نقص عقولها

" كثر التذوق صاحبه يفقد الذوق وتطلع له الحلوه على الكبد مرّه واللي يجي فـ السوق ينباع فـ السوق السوق حرّ وسلعة السوق حرّة ينزل مع الليرة ومع قرش فاروق نزول نجمٍ هابطٍ من مقرّة فـ ليا نزل بـ حطام ما يرتفع فوق ولا عاد يبقى منه مثقال ذرّة. "

الشك ما يقدر عليه الا اليقين والله لا يجعلنا في ضعف ولا زرى الكذب مايستاهل العلم الثمين والصدق تلقى به من الذود عشرى الطيب ما يركب على قصار اليدين والله ولو فيهم يلزق بالغرى

مشاريه العيون أبلغ رواية مالها عنوان دخيلك لا تمعّنت بعيوني صد لا تقرا

طموح السجين ،، يعيش حرية الزوار انا احس باحساسه ولو فرقنا شاسع ياحي السجين يشوف حلمه ورا الاسوار لكني سجينٍ في فضا،، ربي الواسع

اللي يقاسمنا الضما بنقاسمه طرد السراب واللي يحس بجوعنا .. لامن شبعنا نشبعه

تلومونه ؟و قلبي ما يلام اليا فقد راعيه فقد راعي محله يا جماعه ما فقد ضيفه

الرأي رأيك وانت عندك خيارين تنقْ في الدربين وأنت المبدّا تقدر تطيب ولا تخرق القوانين و تقدر تعذّر بالنظام و تردّى

من أول ادور على الفيه وعيني للظلال واليوم مايفرق معي برد الحياة وحرّها

ولا أكبر الدنيا في عيني ولا صغرت وهذي ترى الحياه اللي نحبها قصيره أحيان أحط اللوم في هقوتي لا اخترت وأحيان أقول يا جعلها هقوتي خيرة مالي ملام إن كان شافوني تغيّرت أنا أكثر من كفى شره وماكفى خيره عليّ السلام ورحمة الله إذا قصرت أنا أكثر بني آدم عطى فرحته غيره

قال لي لو جاتك فرصه تفتّش بالقلوب قلت له لو جاتني صدق ما فتّشتها خلّني مرتاح أصادق عدو وأسمع كذوب أترك العالم تمثّل وراك أبلشتها دامني لا جيت غالي مقدّر ومحسوب قيمتي خلف الكواليس ما نبشتها لو براقب كل هرجة قَفا من كل صوب عشت عيشتهم وأنا عيشتي ما عشتها

حمدتك على خير وحمدتك على مكروه وسبحانك اللي لا ألتجى عبدك أنصفته