فـيك شفت الزين كله مـع زيـن الطبــوع وفي جبينك مثل شمس الصباح الشارقه والله ان حبـك تمكن ورى حدب الضلوع فالحشـى تـرعـد ارعــوده ويبــرق بـارقــه ساكن ٍ حبك بـ قلبـي ولا يرضى الطلوع فــي معالــيق الحشـى رفــرفـت بيـارقــه

على قطار الصبا مـرت عجـاف السنين يذكرك بالخيـر يا زهـره سنيــن الصبـا عيني تبي شي ياعيني وش اللي تبين وقلبي يبي شي ياقلبــي وش اللي تبـا الأرض في عيــن غير المهتوي ماتزيــن لــو إنـهـا جنــةٍ خضــرا تصيــر شْهبـا

وقف بيني وبينه عذر وظروف وجروح أعوام تفارقنا .. وحلمه " بالفراق المرّ " حققته َ فمان الله .. يا كلّ الشعور . . وباقي الأحلام كـ أنّ العمر ما وقّف سوى من يــوم فارقته َ رغم : قسوة كلامه .. سهل نسيانه مع الأيام ولكن مستحيل .. أنسى شعورٍ عشته بـ وقته

وجهٍ ما وراه إلّا . . . جميل , وعزوة ، وْسلوان تعبت أدوّرك . . . وأثر الأيادي عنــك مكتوفه إذا فعيونك المنفى وإذا لـ عيونك التحنان ؟ غريرٍ جاك وش ذنبه؟. تْشبّ النار في جوفه ذكرتك كنّ ما لي غير وجهك ..وجهة، وْعنوان وغديت بْـ خِف ما كنّي ثقيل .. وداخلي شوفه

أعرف إن الطواري ما تمّر إلاّ تجيب أحباب يجي طاريك كن البال في جدول مواعيده أدوّر لـــك عـذر ياللي تدوّر للغياب أسباب ي شبه الكلمه اللــي بعدها غصّه وتنهيده من آداب الفراق إنّك تصون العهد للغيّاب أخاف الجرح يهدى وأنت تلقى عذر وتزيده

رد قلبي للدفا للصبح واحلامي القديمه لليقين انّ اجمل ايام العمر فيما تبقّى للكلام اللي عثت به شر خيبات الهزيمه لين ما خيّم عليه الصمت وحروفه تتقّى ردني للفجر الازرق يوم للضحكات قيمه تنتشي فيني قصايد حُب لو قلبي مشقّى

كن بارق فج في الصدر وأرداني صويب شق فيها غيمة البوح وأرخت نوّها بيني وما بين نفسي مسافات الغريب ما شكيت النفس طبع العباد وسوّها أتغافل عن جروحي وأحسب إني طبيب والجروح إليا تخلّت . . . تزايد قوّها ما تبيّن فيك الأعراض لا جت من قريب الجروح اللي خذت منك ماهي توّها

مشاعري ترجمتها فيــك عيــن الصواب يا ليت قلبـــي قبل لا يبتلش بك فطـــن لاكن عندي سؤال . . ولا عرفت الجواب جابك قمر يا قمر . .ولا انت جابك بطن تغيب عنـي . . وانا مانيب اطيق الغياب واشتاق لك مثل شوق المغترب للوطن

مذهبك بين التناسي ونزعات الرجوع وِهبةٍ من نفسي المذنبه . . للصالحه رح وضحّك كل رمضى على سنين الركوع كل قاع وابل خطاك . . فيهـــا فارحه لو قدرت أسرَّي الليل في فجر الشموع ما قدرت أصد باكر . . وأرد البارحـــه ما تدلهك الليالــي وتجفاك الضلوع لين ينسى عازم البعد . . شيء جارحه

ريانه العود . . . صبري معك ماله ثواب سمعي كساه الجفاف وهمسة شفاك ديم لا طاب وصلك ولا الخاطر من الوصل طاب كم لي و انا اوقف على جالك واعود محييم ان جييت اصحح خطاك اللي نشوفه صواب لا المستقييم انعوج ولا العووووج يستقيــم

تخطر فبال القصيد وحي زول الخاطر القصايد معك غاليها . . وفيك ابركها ودي اكسر رتم حزن فراقنا . . واخاطر مير كيف اجرا على مشاعـــر ما املكها ذاخر لشوفة عيونك ضحكه من الخاطر الله يجيبك بـ صدفه عابره . . واضحكها

هذا أنا لا زادت النّسمه على ليل الولايف قلت . . . يا بالي طلبتك لا تعكّر ويتعكّر أنت يا أثمن ما وراء صدري ملحّقني كلايف كيف ألحّق شرهتي بعدك ثمين إذا تنكّر كل ليل تْحاول الرّيح في الباب المسايف لا قْدرت تقطع رجا اللي من وراه ولا تسكّر

خلّني في ملحمة عينـــك . . . أمدّ إلهامــي كلّ مبـدع لا دخلهـــا. . . تنصقل موهبتـــه طحت من جذع الصدف وبطيحتك متسامي ينمحي لهــث العمر منّك . . و يزهر نبتــه يوم عاث بداخلــي وقـــع إنهيار أحلامـــي ادخلت روحك بداخل صدري .. وْ رتبتــه

خذني على قد عقلي في طريق الغــرام وإن كانك أعمى بصيره خذني أعمى بصر تمنعني ألفييين حاجة مــن بلوغ المرام وتجبرني أمشي الطريق اللي مهو مختصر إن كان حبك هزيمه . . فالهمام الهمـــام يا مّرحباااا بالهزيمه . . في طريــق النصـر

" خامس يناير "

اسمحوا لي بطلب الله عسى دربي سماح باتفقّد عزبتي كلها و اشيلها مابي الا طلحةٍ من شجر وادي نساح آتحمل ضربة الشمس من حبي لها عبدالله بن شايق

الجفى هبت سمومه وسافر براده مابقى لـ الرجا غصن يظلّلك ظله لا تحرى من احساسي مواسم حصاده الندم قد عثى باللي زرعناه كله والله اني عقب جرحٍ ذبحني جهاده نافض منك ثيابي وداخل على الله واحدٍ لا جبر خاطرك يكسر عناده وش تسوي ليا حطيت نفسك محله

غشى الليل صدرً فيه برق الهموم يلوح نصيبه من الحظ الردي بشت و عمامه

يقول ** الهوى مستحيل .. يهزّ قلب الجبان الهوى لـ الشجاع اللي لا واعد وفا و الزّحول العصاه اهل الفعول السمان كلبوهم تحت سيف الغرام ضعفا

على نفس الطريق اللي جمعنا في سنه عشرين وقفت ولا ذخرت من الدموع اقل من قطره يروادني خيالك دايم ٍ لا نامو السالين وارحب بك واهلي والمسك وا اقبل الجمره واذا غاب الخيال اقول اربك عادك بتاتين يمر الليل كله وارقبك في ضيقه وحكره