عاوز أهرب من تفكيري بأي شكل علشان دماغي هتخلص عليا

انا بحب اللي يمدح الإتنين بصراحة و ياريت يكتّر مدح

مبحبش حد يولمني على حاجه انا ندمان عليها يعني انا كدا كدا بلوم نفسي ف مش محتاج انت تزودها

عاوزه الراجل بتاعي يبين إنه مرتبط ف كل حته مش هيقول مين آه بس هيبقى مبين إنه مرتبط عشان مش هلوم على واحدة متعرفش إنه مرتبط وتحاول معاه،لكن هلوم عالراجل نفسه ف ربنا يرزقنا رجالة شطورين كدا

انا بس عايز اقول إن صعب تنسي حاجة قلبك لسه عايزها .

عارف لما تكون مشكلتك إنك مش مرتاح تعمل اي حاجه اللي هو مش مرتاح تتكلم مع حد ولا تسكت مش مرتاح تكون وسط ناس ولا تكون لوحدك مش مرتاح مع حد ولا تبدأ في حاجه جديده، حتى الحاجات اللي بتحبها مبقتش بترتاح انك تعملها واللي هو حرفياً مفيش اي رُكن موجود فحياتك بيحسسك إنك مرتاح.

مش عارف الصراحة الناس بتجيب حيل تناهد وتحور على بعض منين ، دا أنا برد عالناس بالعافية

كل ما ابص حوليا الاقي الدايره صغرت فعلاً.

ساعات بتبقي فاكر انك بتتجاهل حزنك، ولكنك بتأجله لوقت معين عشان تنفجر فيه بكل أريحية .

رايحه جايه على نقطة الصفر

أنا صعبان عليا نفسي إني في سن زي ده وفقدت شغفي وطاقتي وصحتي

حالتي النفسيه مضيعالي مستقبلي

انا بندم لما بحكي اي حاجه لاي حد بعدها بعشر ثواني

فيه لحظة هتلاقي نفسك فيها مخضوض من قد ايه مشاعرك مبقتش موجوده لا انت حاسس ولا انت فارق معاك انت يدوبك بتفكر وبتزحم مخك وخلاص انما في الحقيقه؟ انت بطلت تحس

بتبقي قاعد في أمان الله وفجأة تحس انك فاشل ومتأخر وحياتك فاضية !

عارف لما فجأة وبدون اي مقدمات يقتحم قلبك شعور ال -صعبان عليا نفسي- ومتقدرش تتخطاه بأي شكل من الأشكال؟

للأسف مفيش حد في حياتي يعرف إيه اللي جوايا،محدش يعرف مخاوفي اللي كل يوم بتخليني مبعرفش أنام،مفيش حد عارف أن شكلي المُتماسك الهادي ده وراه كتير ومتأكد إن مفيش حد هيحس بيا مهما كان قريب مني لان اللحظة اللي بحط فيها راسي عالمخدة مابيفضلش فيها غيري أنا وأفكاري وكل الحزن اللي في قلبي.