🔥Telegram İfşa

اغلب الاهالي في غزة تايهين في دوامات تفكير مُرهقة وحيرة كل واحد بيته انقصف مش ملاقي مكان، والمعارف والاقارب نفس الحال. الكل بيدور مكان لو رجع غزة، وين ! فيه مقومات حياة ؟ نصب خيام واطنان ركام كيف ووين ؟ بيت للأجار هان وهِنا !طب لو رجعت الحرب ! هالايام مش سهلة، الله يهونها علينا.

الحمدلله الذى أكرمنا بهذا اليوم، ما بتتخيلوا قديه مشاهد العودة مبكية من شدة الفرح 😭😭😭😭 هانت الأيام يارب عام يُغاث به الناس🥹

واخيراً بعد العودة لغزة بلشنا نجمع شتات شهور الحرب ومُرها، وصدقاً ما كنت بتوقع انه عشنا هالقد من المعاناة. الحمدلله استقرينا "حالياً" وشوي شوي الحياة بترجع و ان شاء الله Gaza is healing 🥹❤️‍🔥

18 رمضان، الساعة الثانية مساءاً هُنا غزة في منتصف الشهر الفضيل، الحرب عادت ك أول أيامها الأولى، قصف عنيف وصاخب في مدينة غزة الآن.

أحزمة نارية عشوائية لا تتوقف، صوت قصف صاخب، مجازر، اسعافات، نار ولهيب، صُراخ وسقوط شهداء. لا داعي للوصف أكتر فأنتم تعرفون المشهد جيداً.

بينتقموا مِنّا بكل عرقلة وفشل بند بالمفاوضات، بينتقموا مِنا بشلال الدم، ما النا ذنب باشي. ذنبنا الوحيد انه نولدنا على هاي الأرض، أو هم مصريين يخلونا نحس ونفكر هيك. حسبي الله ونعم الوكيل، الله يقهركم !

يارب بحق{شَهْرُ رَمَضَانَ الَّذِي أُنزِلَ فِيهِ الْقُرْآنُ}   يارب بحق{أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ} يارب بحق {كُلَّمَا أَوْقَدُواْ نَارًا لِّلْحَرْبِ أَطْفَأَهَا اللهُ}. اللهم يا ذا الجلال والإكرام، أطفأ نار الحرب، آمن وهدأ روعاتنا، يارب.

اللحظة الي الحرب مست فيها اهلي، ما حسيت بحالي تبنجت بالوجع والخوف والرعب وانهزيت. لا تنسوا بابا من دعاءكم بالخير والشفاء، وضعه خطير حسبي الله ونعم الوكيل

مستحيل الي بيصير بغزة ! قديه الحرب عبثية ! عارفين شو الأسوأ ؟ انك تعرف قدر نفسك ف تَعُز عليك نفسك ان تتقبل ما لا تستحق، بدي اطق. مجبور تكون متفرج على كل شئ، بحاول احسن جودة كل اشي، سنتين بصبر حالي بالوهم والصبر وبتحايل على نفسي لحد طاقتي بطلت تستوعب انه المصيبة مصيبة ! حسبي الله

الوضع في غزة مؤلم لدرجة انها اصبحت اكبر خيبة امل ! لا تٌطاق !

مرحبا مجتمع تويتر، من غزة ! نفسي ارجع زي قبل على منصة X واكون آكتف معكم، بس العلم سرقني حتى من الواقع نفسه، والاشي الوحيد يلي متمسكة فيه ك نجاة. ما بتتخيلوا كم الصراعات يلي بفوت فيه وبطلع منها ب "من يعرف قدر نفسه، ينتصر امام نفسه" بعرف نفسي وقيمتي قدراتي وجهدي، رح أوصل بجدراة.

"أرواح الناس ليست أرقاماً"، ربما لم تعد تكفي لتحرك مشاعر أحد، جدوا بديلاً لشعار يوقف الحرب ! مثلا معا للقضاء على الفساد في غزة !

اليوم أغمى على بنت صغيرة بشارع الوحدة من شدة الجوع ! عمرها تقريبا 9 سنوات ! حالات الوفاة كل مالها بتزيد من المجاعة اعملوا اي اشي يا عالم دخلوا الاكل للناس، بكفي مسخرة

سهرانة وبعرف انه اخواتي نايمين بجوعهم مش شبعانين، وبعرف انه امي نايمة من تعب اليوم وهي بتدور في كل اسواق غزة على شئ يؤكل، يسد الجوع وما لقت اشي ! وما وُجد يفوق ما نقدر عليه وما تفرضه الظروف علينا ! وأبي في المستشفى يؤرقه الفكر ! واخي الوحيد الي بفكر يروح الموت ! الله لا يسامحكم

عنا عادة في شهر 7 كُل سنة في غزة ! بابا كان بيعمل وليمة لصلة الرحم ! بيعزم كل صلة الرحم فجأة ! شئ منفصل عن اضاحي العيد، وليمة فيها خير ما تشتهي النفس كان يشترط علينا عدم نشر الصور لعل أحدهم غير مقتدر ! اليوم بابا مصاب في عظمه وبيحتاج علاجه ما يرمم عظامه ولا يوجد حتى خُبز في غزة !

يا عالم غزة بتموت من الجوع ! عارف شو يعني أهلك يناموا جوعانين ! عارف شعور انك عاجز تعمل اشي ! أختك عمرها 7 سنين بتزن بدها تاكل وما فيه أكل ! طب أبوك مُصاب ؟ طب الك اخ وحيد ؟ طب فش خيار الا مساعدات الموت ! وحيد! طب حد يقترح علي حل؟ شو اعمل؟ استنى حد يموت او يفرط من الجوع ؟

This is my will and my final message. If these words reach you, know that Israel has succeeded in killing me and silencing my voice. First, peace be upon you and Allah’s mercy and blessings. Allah knows I gave every effort and all my strength to be a support and a voice for my

كلما كان علي دوام كنت أمر من عند مستشفى الشفا بشوف انس الشريف مع الطاقم، مُرهق، مٌتعب، كتير أحزن عليهم أروح وأروح وهم لسا موجودين بينقلوا المشهد للعالم ! للعالم الي مش مكترث! بكل الظروف وبكل الاحوال بيوصل صوتنا ! أنس الشريف مش مجرد صحفي ! غزة حزينة على فراقك أوجعت قلوبنا والله.