مش ساحر ولا حاجة بس مايلي هيسجل 6 أهداف في آخر دقيقة في الماتش.

والنبي يا بيراميدز متخليناش نحط الدوري في دماغنا

مع كل الاحترام لبيراميدز بس لما فاركو يعمل فيك كده أومال لما تلاعب - بطل أبطال إفريقيا وأكبر قلعة رياضية في مصر ونادي القرن الحقيقي وأول نادي يوصل كأس العالم والنادي الوحيد اللي حقق السباعية في موسم واحد واللي قفلولنا النادي بعد هدف الأسطورة ناصر منسي - هيحصل فيك وقتها كده إيه !!

والله جمهور الزمالك صعبان عليا ده أنا فكرت أشجعهم خمس دقايق بس كرهت الكورة باللي أخترعها ومش عايز أتفرج عليها تاني.

محمد عواد مع مايلي الماتش اللي جاي

شكرًا من القلب لكل مسؤول بسيراميكا غالى في طلباته وبسببها بسام مجاش الأهلي وكملنا بمصطفى شوبير وقتها.

ميدو قالك ده أكتشافي وأفضل مدافع في القارة .. ومدحت العدل قالك ده أسد الدفاع وأفضل مدافع في المغرب .. ومن ساعة ما جه ومفيش عرضية واحدة بيكسبها، وأكبر ثغرة دفاعية، وبقى أخطر منافس لإمام على لقب هداف الدوري من كتر الأهداف اللي اتسبب فيها. شكرًا ميدو على عبقريتك واختياراتك الذهبية.

الله على العودة السريعة. احنا أول الدوري .. احنا في الصدارة بشكل رسمي دون انتظار لأحد. الكرة في ملعبنا من اللحظة الحالية. الدوري في إيدك انت .. وبإيدك انت بعد توفيق ربنا تحافظ عليه، وعلى بطولتك التاريخية، وبسيناريو إعجازي، وهيكون أغلى دوري في تاريخنا بإذن الله.

لا بجد محدش يستحمل الكلام ده يا جماعة حرام والله بجد ربنا سترها الحمد لله

أهم مباراة في تاريخ مصطفى العش وهتنقله نقلة تانية على مستوى الشخصية والثقة وعلى مستوى تقييمه عند الإعلام والجمهور .. رجل المباراة بلا منازع.

رسميًا - الزمالك فريق الوسط بالدوري خارج دوري الأبطال للسنة الثالثة على التوالي لحساب الأهلي وبيراميدز قطبي الكرة المصرية.

ده شيكابالا وهو بيتريق على يد الأهلي وعلى تفوقهم علينا في السوبر الإفريقي بنتيجة 7-1 .. بعدها الأهلي فاز بالبطولة أربع مرات متتالية وكلهم على حسابهم وعن طريقهم عشان تبقى النتيجة 7-5 .. وهو ده الرد السريع من الأهلي واللي يفكر يضحك عليه سنة بيعيط بعدها عشر سنين.

يعني التفويت لبيراميدز وخسارة فرصة اللعب في دوري الأبطال طلعوا على الفاضي !!

إمام عاشور عااااااااااااالمي أفضل لاعب داخل القارة في الموسم الحالي.

الله أكبر الله أكبر الحمد لله هدف الدوري بإذن الله

متلازمة أليو ديانج !

خلصنا كل السيناريوهات في كأس العالم والله وبقينا في ليفل جديد منها كمان !!

بن شرقي لو كان موجود في مباراة إنتر ميامي أو نزل بين الشوطين النهاردة كنت هتضمن على الأقل هدف؛ لاعب شخصيته كبيرة وكواليتي مختلف جدا مش محتاج غير إنه يحس بأهميته ونجوميته وثقة المدرب فيه .. وبيكهام نقطة الضوء معاه النهاردة وتقريبا مخدش قرار واحد غلط ويستحق يكون أساسي في اللي جاي.