جعلني لحتجت في دهم الليالي ما يوديني طريقي للهلامه يالله اجعلها بيد ابن الحلالي اجودي ن ما يغير في كلامه # ماجد ابن قعيط.

دام همي خافي(ن) بين الحنايا ماني مطريه .. دامني خفيته ودام مدرى غير ربي بالنوايا ما حد(ن)غيره بيفهم ما عنيته يبن آدم .. ربك اموفِ العطايا ماقسملك من علاالدنيا خذيته #ماجد ابن قعيط.

احس (فالعزله) شعورن جميل ولا له اوصاف يكفيك عن حكي العرب ذاك قيل وذاك قالي واليا نشدك احدن وقال انت وينك ما بتنشاف قله انا منك قريبن واحب (ابقى لحالي )؛ #ماجد ابن قعيط.

حن سوات الجمال اللي تشيل الثقالي ما نحب القليل ولا نحب الضعافه نتبع المقديه لو هي بعيد المطالي وكل صعبٍ نحله دون عزم وكلافه #ماجد ابن قعيط .

صدقاً بأن العالم اشكال وانواع وكلن يعجبه من يماشي طريقه به واحدن تامنه في كل مجزاع وبه واحدن عساه بمية حريقه #ماجد ابن قعيط.

التظلم .. والتكلم.. والمتمتم.. والملايم من تواجد فيه منها نازعن ثوب الكرامه والهروج اللي تردد واطيّنها بالقدايم علمو منهو جلبهاا صار بسواها مقامه ما علينا كان صار الوقت ناوي بالعدايم دام ابوزيد الهلالي خابرن اسمه سلامه #ماجد ابن قعيط.

اسهرت عيني لين شفت الصبح بانت مواريه وافكار راسي غاديه بين ميراد ومصادير من شافني لا يتعب النفس ويقط المشاريه هذا انا هذا هو الطبع ما يحتاج تغيير #ماجد ابن قعيط.

العقول الصاغيه للكلام المنفهم شفت انا دستورها حرف(س) وله جواب قانعين بما جرى ضدهم ولا لهم ما تبوّج للسوالف ثلاثين ألف باب ؛) #ماجد ابن قعيط.

لا تجنب كلمه الحق يالفكر النصوح هي طريقك للنجاوي من الوضع الشؤام ما تثاقل فالموازين سموه الرجوح وما ظهر نور القمر غير مونس للظلام )؛ #ماجد ابن قعيط

ما يرد الكرام اضروفها والمال لا شح بيديها تنطح الكايده وتروسها والوقت ما جابه يجيبه الرجال الكريمه من ورا الهقوه تبين مساعيها من نصاها بعلمٍ ما ذكر فيها عذاير ولا خيبه #ماجد ابن قعيط

تكفون ياطوال اليماني تجنبوا درب الهواني والرجل يجمل في حياته تقادرو مثل الخواني مادامكم ربع وعواني وثر الفتى ياتي مماته #ماجد ابن قعيط