مسكت الطريق المظلم الموحش التوّاه ولقيت الشعور اللي نفيته وهمّلته ترى كل حلم تشوفني زاهد بفرقاه اخذته من عيون الزمن ما تسوّلته اخذ كل طيف وكل مشروه قلت انساه لو ان عاد في صدري كلامٍ ولا قلته يا ثقل الكلام اللي تقوله وانا والله لو ان غيرك اللي قايله ما تحمّلته

لا تسأل وش اللي جابني لك عقب ما غبت أنا من تصاريف الزمن جيت لك ظامي من مشاهدك ما تاب قلبي و أنا ما تبت تعال أمسح كفوفك على جرحي الدامي تمّر الديار المجدبات ويعيش النبت اجل كيف قلبي حالته وأنت قدامي ؟ أنا ما نسيتك لو تدور السنين وشبت أشوفك صباي اللي رحل وآخر أحلامي

معك ربّيت المحبة على قد الطموح والنصيب يحدّها والجفى يوميلها أثري الغيبه حقيقة وأنا أحسبها مزوح قامت الدنيا علينا وشدّت حيلها ياحبيبي إنشد الوقت والحظ الشحوح من جدار البال ، صورتك كيف أشيلها ؟

يوم جيت أصادم اللهفه .. بـ عزم محارب طحت قدام المحاجر طيحة المستسلم

لا تسحب ايدك من ايدي طالبك طلبه انا اللي الْيا هدا وضعي سحبت ايدي

كل ما مرّت على البال بعض الذكريات قامت العين الحزينه تهل دموعها احسب ان ماراح بيروح واللي فات مات ما دريت اني بطوّل وانا فـ ارثوعها والله ان في خاطري ضيقةٍ من يوم جات وهي تحط لسان كبدي تحت كرسوعها

لاطرى فالبال شخصٍ ماقدرت أشوفه قلت هذا الطاري اللي يستحق المسرى الوصل ممنوع وأسباب الجفا معروفه ليه يوم اشرح لك اسباب الجفا وانت ادرى وش تغيّر في جمال الطلّه المألوفه لين صار الأسر المعروف ضمن الأسرى جعلني فدوة عيون الفارع المكسوفه حزنها في وجهها الفتّان فتنه أُخرى

يمّمت وجهي من اللهفة على دارك وأثرك على زلّة الماضي — مخالفني يؤسفني إني ما عاد أبرر . . أعذارك ويؤسفني إن قلبي المشتاق يؤسفني

كيف ماحبك واقدرك وانت إنسان غير معك يا حلو السوالف و يا حلو السهر انت لامرّيت بالي عرفت اني .. بخير وامطرت فيه القنوف ونبت فيه الزهر عادي انك تمر بالي ولكن .. مايصير كل يوم .. تمر بالي وماتدري ؟ قهر :)

نرزّك نبيك تطيب لكن عجزنا فيك يابو نيةٍ شينه وابو ناظرٍ عاقد بذلنا الجمايل فيك لكن مايرضيك تردّى مع الوافين وتفرّح الحاقد توكل على الله لا نشوفك ولا نبغيك ومصير الليال تعلمك عقلك الفاقد مواقيفنا لا كلّح الناب ما تخفيك تعل الكبود السود وتصحّي الراقد

من ليلة البعد جفني ما غفى طرفه اقبل على النوم وجروحك تصحّيني انا انتظر شخص بس والله ما اعرفه أبغيه من عقب ما غبتي يناديني

لا تستغرب جنوني والحياة بكبرها إستغراب أنا أدمنت الجروح اللي تجي من كفك الحاني

عن نسيم البرد والليل روحي في ذراك كل ليلة فـ "الشتاء" معك ليلة "دافيه" من يعيش سنين عمره على ضفّة غلاك مايبي غير "الرضى و العفو والعافية"

أحسب إن حنا عن الحب طاوين الشراع و أثرني مانيب تايب و لا أنتي بـ تايبه

ما تدلّهك الليالي و تجفاك الضلوع لين ينسى عازم .. البعد شيً جارحه

تمرّ السنين وكل حاجة على المعتاد هذا دربك أدلّه .. وذا بيتك أدلّه توّقف ملذات العمر مابين شرب و زاد ولا الذّ من صوتك إلا جا على حلّه جعل كل يومٍ مضى لي معاك .. يعاد أنا ما يكفّيني معك ما مضى كلّه

"أشوفك —حقيقة عُمر— لو الليال تزل مثل منسبي، وأسمي، وموتي، وميلادي عسى كل عام يمرك أحلى من اللي زَلّ فدا ضحكتك حسَّاد عمرك وحسَّادي ترى من عرفتك يا حبيبي وشفتك خِلّ وأنا ما أحسب الأيام هجري وميلادي.."

أخاف لا جيتني بعد الغياب الطويل أشوف قلبك بروده مثل برد الشتا حتى لو إن المواصل يعتبر مستحيل أحس عادك بـ ترجع بس مدري متى ؟

تعاتبنا بقسوه لين شفتك للغياب ارتحت ذبل فيك الغلا واللي بقى ما عاد يلزمني تساميت وخذتني عزتي عن كل شي ورحت وانا في كل خطوه كنت منتظرك تكلمني

ياللي غيابك معذبني تراك معذور مادام غيبتك هذي جات في حلّها انا ادري ان المحبه والغلا فالصدور والدمعه اللي ورا الاجفان بتهلّها لكن تصدد ولا يبدي عليك القصور والناس لو تنشدك عن دمعتك قلّها نسايم العصر دايم تستفز الشعور و تقلّب الذكريات الموجعه كلهااا )؛