يقولون وايش حالك وانا أقول في خير والعالِم الله وايـــش داخـــل شعوري اخفي جروحـي وأحكي الناس بالغير واضحك ولا مخلـوق يعـرف كسوري يا طيــر في كبـد السماء آآآآه يا طير ياليــت لي جنحـان مثـل الصقوري لاجاتنــي ضيقـه مــن الناس باطير وأنسى جروحـي والوجع والكسوري كلمات #ابوعمر

إلتزام الصمـت حاجـه من سماتي يوم اشوف الهرج ماعـد له مجال أخفي احساسي وكامـل مفرداتي واكتفي بالصمت عن رد السؤال ياجمـــوع النـاس ارهقني ثباتي في زمـان اصبـح مــلاه الإختلال لجل عزالنفس اخترت السكاتي صمتي افضل لي ولاقهر الرجال صمتي افضل لي ولاقهر الرجال كلمات #ابوعمر

تستانــس الروح لاجتنــي مراسيلك والنفـــس ترتاح يا نبــض الغلا كله والقلب يافرحته لحظـة مواصيلك ينساالتعب والوجع والحزن والعله سعادة الروح يوم اسمــع تعاليلك وصوتك العذب يوم اسمعه مامله يااخي احبك ومغـرم في تفاصيلك وحُبك وربـي اخــــذ قلبي واحتله كلمات #ابوعمر

عوت نفسـي ماتحسف على شي لانه العمـر مايحتمـل للحسايف بعيش لحظات الفرح دامني حيّ وبزرع الضحكـه بجـرد الشفايف ولا الحـق الـشرهـات شـي ماهـو لي ولا عدت انا اجزع من فراق الولاليف موصي قلبي لاشفت الخطا عيّ امـا تعدلهـا . . او تصـد عـايف كلمات #ابوعمر

الناس نامت وانا يا رب سهران والعين تبي النوم والنوم يجفيها وقلبي حزين والخاطر ماهوب طربان والنفس مالقت يا رب من يسليها اشتقت وانا من كثر الشوق تعبان وبكيت وعيني مالقت من يواسيها. كلمات #ابوعمر

عن الكلام اللي في القلـــب مخفيه يا اهل العيــــون اللي تناظر كلامي برد الشتاء بالروح مــن هـو يدفيه واللي احبــــه ما اشوفـــه امامي فيني من الاشــواق يانبض مغليه مايحرق اعصابي وينهش عظامي بعُد المسافه والقدر باعدت فيه والحـــظ باعـــد بيننا والسلامي كلمات #ابوعمر

بغيت اشتكي حظي وماشفت انافيه من قسوته فيمــا مضى مـن سنيني دايــــم معادينــــــي ولانا معاديه تقول كنـــي ذابـــــــح اهله بديني ياحظ يكفـــي قلبي اليـــوم مافيه ياحظ يكفـــي قـــد تماديت فيني اما تحسن شين طبعـــك وماضيه واما القضاء والشــرع بينك وبيني كلمات #ابوعمر

يا ضيــق الايام حِلـي عن خواطرنا خواطـر الناس فيهــا اللي مكفيها من كثـر الاوجاع انهارت مشاعرنا وكامـــل اوجاعنا بانــت خوافيها ياضيـق الايام يامـا قــــد تصبرنا وشالت انفوسنا من فـوق مافيها والحظ من قسوته ياوقت بعثرنا وشتـت آمالنــا اللي فيـك نبنيها كلمات #ابوعمر

الحال متــردي وانا خاطــري شين ياهـل النـوايا السـود خفــوا علينا اوجاع قلبي ضعف والهم ضعفين والحــظ الاقشـــر زود الياس فينا عندي من الاحــزان مايبكي العين وفيني من الضيقـــات ما تحتوينا وفيني تعاسه تكسر الخاطر الزين ما تجعــل اتعاب الجسد تعترينا كلمات #ابوعمر

يا ساكنــــين القلــب يسعد مساكم بالعووود والعنبـــر ونفحــة عطوره والله ورب البيـــت ماقــــد نساكم واشلون ينسى من سكن في قصوره في داخلـي ماحد وصـل مستواكم زايــد غلاكم صعب نوصف شعوره لو تعرفــــوا مقــدار زايـــد غلاكم مايوصفه شاعـــر بكامــل سطوره كلمات وهجس #ابوعمر

سلام يتوزع ويطلع لمن اسمه يعلى ويرفع كانجم حين يسطع في السماء المظلم ينير هذا وسلامتكم كلمات وهجس #ابوعمر

مساء الخير على كل قلب يحب الخير وعلى كل نفس تسعى جاهدة لنشر الخير و عيون تحب ان ترى كل شيء بخير

خليـك متواضــــع ولا تجـــرح الناس جــرح البشــر ماله دواء في المشافي راعي شعورالناس من طيب واحساس وعامل جميع الناس من قلب صافي واسمع كلامـي وابعد الحقد والياس ولا تنزعــــج مـــن كل انسـان هافي وان جاك من يد البشـر جرح لاباس اصبـــر وعند الله جميـــع العوافي كلمات #ابو عمر

جـــارح جـــروحــك ياصديقــي بروحـك خذها نصيحه من مجــرب كان مجــروح وإن كنــت راكن ياصديقــي عـلا الغــيـر بيضــل فيــك الجـــرح ينــزف ومفتــوح واخاف تدي مجارح يزيد يعمق جروحك والجرح لاقد تعمق ياروح مابعــدها روح كلمات #ابوعمر

اشتـــاق لك شــوقٍ يزلزل مدينه واسمع صدى صوتك يهز المباني كــن الشوارع من فراقك حزينه في صمتها نبض وشعور واغاني كنهــا بتســال ليل الاحلام وينه اللــي غلاهــا بين عوج المحاني #ابوعمر المختار

خـاطـري لا زال يهمس لك غلا كـل مـره من يسـار ومن يمـين اشـهـد ان القلب ما عـمـره سـلا غير صوبك واسمعوا يالحاسدين كلمات #ابوعمر

من يلغي متابعتنـا مانشـدنا عنـه وأهل الجزاله معي ماغيّرت صفّها والوافي أصلاً على طول العمر نضمنه رجّـال > يمنـاه > للوافين ماكفّها كلمات #ابوعمر

يالله بصبرٍ ليـا ضـاقت وسـاع الصدور مـايـرحم النـفس رغـبـاتـها ولا ودهـا من خـلقة النـاس والدنـيا تـلف ودور وتمد يـدهـا بـعض الاحـيان وتـردهـا كلمات #ابوعمر

هات الحروف اللي لها تطرب.. الروح وفر. المعاني مثل فر.... المسابيح واقبس بنار الشعر وابعد لنا .الشوح واحرق لنا بالشعر روس. المشافيح كلمات #ابوعمر

أقوووول ... وقت الرخاء يصبح عدوك صديقك وساعة الشده صديقك .... يعاديك إلا الاصيل اللي في أوقات ضيقك ماينكر أفضالك وبالروح يفديك كلمات #ابوعمر