رضيت بالواقع بعد طول الاحلام ‌إلى متى وقلبي بـ الاحلام غـارق ..

أروح وأرجع على الصوره وأخايلها وياما على تبسام راعيها تبسمنـا ..

مقتنع فالزمان ومستريح الضمير القدر في يد اللّٰه والصبر في يـدي ..

الواحد مايدري هو خطأ والا اللي حوله خطأ !

مالي ورى الناس لا مطلب ولا حاجة مَـا دام رايي وجيه ومنهجي طيّـب ..

لا قلّ عرف العقول وطاح سعر الكلام سلم على الصمت لا منه حفظ قيمتـه ..

معـادن الناس تظـهرها مواقفها سلم على اللي يطول الوقت ماصـدّا ..

نفاخر يوم نحمل فـ الهويه نخله وسيفيـن سعودييـن وهممنا على الطـالات ورّاده ..

أرفع مقامك و لا تمشي على الجرّه و القومه اللي تعزز موقفك قمهـا ..

الليال اللي لها طعم في الدنيا قصار خايف ان العمر يمضي وانا ما ذقتهـا ..

أنا بجاه الله من الضعف و الفقد و الطيحه اللـي ما عليها مسمّـي ..

أضحك و خلّك لوجه الله متوّجه و المجتمع لا يضرك كثرة إزعاجـه ..

والرضـى راحه والاقدار مامنها هروب وان كتب ربي على العبد حاجه جايتـه ..

ياحبني للنفوس اللي على الفطرة اللـي على العز وقفتها وممشاهـا ..

حاول تعيش الحياة بعيشة الراضي لا ضـاق عنده يقين بتنفرج بكـره ..

لا ترخص النفس والأيام ملحوقه اجمع من العز ما يروي مشاويـرك ..

صدّاتنا عن بعض الاشياء كرامه ومقاطعة بعض الاسامي تسامـي ..

راحوا مراح الريح و أمـر الله مُطاع ما راح معهَـم الا الفـؤاد ومرقـدي ..

المقفي ما تبعته و المغطى ما كشفته اترك المجنون لو يكشف ثيابه ويتعـرّا ..

ماعلى الدنيا مقيم ولا على الدنيا مخلّد اغتنم فرصة حياتك بالصلاه وبالعبـاده ..