احسها تشبه التشتت اللي بعقلي

صباح بعنوان ⸻ نسيت النوم و احلامه نسيت لياليه و ايامه

اليوم واخيرًا اختبار النحو اخيرًا موب عشاني مذاكرة بس عشان افتك منه صراحة اقلقني

الاختبار يييمه شلون يجنن كذا احس ودي اصيح ماتوقعت ابددًا 😭😭😭

اختي متخرجة من المتوسط ومحتارة وش اجيب لها، طبعًا انا ماعندي لف ودوران قلت لها قولي لي وش الاشياء اللي تبينها وانا بختار منها اللي يناسبني وللحين ما ارسلت! قلة ادب صح؟؟؟

مراهقين المتوسط ذا المبزره اللي اعمارهم في الطعشات موب صاحين وين الاحترام وين هيبة الاخت وين اخلاق المسلمين وين العطف وين الانسانييية ويييننن؟؟؟

اللهم إنا نستودعك دول الخليج وأهلها، أمنها وأمانها، ليلها ونهارها، أرضها وسماءها، فاحفظها بحفظك يا أرحم الراحمين

تدرون عاد كوني انسانه خوافة وهوالة ربي رحمني بجامعة الامام الزفته ذي وخلاني انشغل باختباراتي ولا اتابع الاخبار ولا اشوف شسالفة الحرب ذي عمومًا يعني استودعتنا الله ويارب اجيب A+ في الاصول

عشان كذا ما اكذب احسني بجلس معهم طول عمري وياخزياه اذا اكتشفوا الحقيقة

ياربيه خايفة من الاصول مره ادعوا لي بالله

الجلسة على الارض عذاب وعلى كراسي جامعتنا العذاب دبل الف مره وش اسوي يعني!!!

الله يقلعك يانور

بصيييح يابنات الاختبار حلو مره مره مره مره مره مره يعني لو باخذ بأسوأ احتمال تقريبًا علي ٤ اخطاء بس!!! يارب لك الحمد وشذا المعجززززة

مانيب مصدقة اني خلصت النحو والاصول بأقل الاضرار الحممممممممممممدلله الف مره

تكفون قولوا انكم زيي الحين فيه ناس يدخلونكم قروبات ماتدرون وش هي ؟ مليت وتعبت وانا كل مادخلوني اطلع وعجزت وانا ابلكهم بس مافيه اي فااايدده وش اسوي يعني

ما افهم ليش ضايقين عليها هذا الصح طيب!

ناقصني فيتامين ا اجازة