للحين نايم ذبحك النوم أصحى بديت أحسد فراشك

- أحببببك على كثر ما تطري على بالي - 🩶

جمالك يعتبر من منهج التطوير و أشوف إن مغرياتك في عناوينه تمني كل ما في خاطرك و يصير أنا موجود !.. أحقق ما تمنيـنه من يشوف الجمال إللي وصوفه غير طبيعي !.. يوم يرهن باقي سنينه غرورك ما يعرف أمير و إبن أمير من يمرّك ؟.. يمرّ " ولا تشوفينه "

- تمنيتك انت وااجد الي تمنوني -

كيف اصبحك بسلام وكيف امسيك بسلام وانتِ في مجرى وريدي مع سواقيه تغدي انتِ دانه وانتِ آيه وانتِ عشق المستهام انتِ نادره في عيوني يا عيوني وسعدي انتِ غايه مطلبي يا روح روحي والغرام انتِ شف البال والله وانتِ غاية مقصدي 🩶

مرحبا قبل السؤال ومرحبا بعد الأجابه ياهوى القلب العليل وبلسمه من كل عله مابعد صوتك جمال ولا بعد شوفك رحابه أنت اللي تستحق الغلا دقه وجلّه من يشوفك يبتسم لو كان عايش في كئابه كيف عاد اللي بقلبه لك مكانه مستقلة 🩶

الا يا غزالٍ فوق خدّه رموشٍ سود مضاليل رمشه ظافياتٍ على خده على خدٍ ابيض مع بياضه حمار ورود ليا شافها راع الهوى ينلعن جده ليا شاف رمش العين والاشقر المرجود تقول الدروب الواسعه عنه منسدّه ليا راح عوّد كن عنه الفضا مسّدود جداه الونين وصفقْ يدّه على يدّه

تدللّي .. يا غيث قلبي وسيلة ما شفت غيرك يستحق التدللّ تغّنجي تكبّري يا جميلة وتبسّمي للكون لجل يتهللّ كل الوصوف بحق عينك قليلة حتّى لو بوصف بحقك مقللّ لرضاك مابه حاجةٍ مستحيلة حتى العزيز إن شاف عينك تذللّ 🩶

صباح الخير ،، اما بعد : باب الغلا لجلك محصن ومقفول حتى ولو غيرك طرقه وتسوّل يحاولون بيدخلونه وانا اقول ما فيه أمل والوضع هذا مطوّل حبك يحكم القلب ويصول ويجول فارض على العشاق حضر التجوّل

ملكت لك خانةٍ من بين ضلعيني والله ما للعرب فيها مغزّ إبـره🩶

لا تهملني بمزاجك و ترجع لي بمزاج أنا لاعفت وصلك ،، ترا ما أعجبك

"محد قدّك إلا قدّك المترف الميّاس وشقارٍ يدينك تجمعه وأرجع أثرّه دخيل الوساع اللي تناعس بدون نعاس ترفق علي إن كان ماهي بمضطره وش أهديك غير الشعر وأنتِ عريبة ساس ولك جدّ يُرجى خيره و يتّقى شرّه ما أجيب القصيد الجامد اللي بدون احساس أجيب القصيد اللي يخليك منغرّه "

أرضيك لـو رضاك من غالي الجيب خلنا نتواجه والقلوب اتصافى حاولت اوصلك بشتّى الأساليب أبغاك من ضيم الشكوك اتعافى حرصي عليك أحيّان مايعتبر عيب العيب لا اغلينا بعض وانتجافى الله يجعلني من الحب مـا أطيب وكانك مرض يـا جعلني مـا أتشافى

أشوفه مثل الأمانة يوم تثقلها الوصاه في عاتقي ما أخونه لو يطلب اللي يطلبه إن قالو أخفض قدره وأبشر بمفتاح الغناه ما أرخصته لو طول عمري واقفٍ على عتبه في وجهي من الجور ومن الزور وهروج الوشاه لأحطه في كوكبه واللي بقو في كوكبه🩶

كل حبٍ غير حبك .. ينكشف لي زيفه وكل طيف غير طيفك ما يهزّ إحساسي وكل وجهٍ غير وجهك فالوجيه أعيفه وكل صوتٍ غير صوتك ما يقنّد راسي 🩶

تنام بعيوني فارعه ماعليها شال سترها الغلا والخوف من عين عذالي 🩶

في قربك بس اقدر أقول إني بخير🤍.

ياسعود انا فدا زين الوصايف انشهد بالزّين مالها خشيره مريوشة العين ورديّة شفايف نحيفه العُود عنقى و مثيره يا سعود عذّبني حلو الولايف يحسب الوِد والمحبه صغيره مبتغي حبه ولو بعده حسايف قلبي يهوى الدُّروب الخطيره والكل على حبي شاهد وشايف ما شفتي يوم اناديك الأمِيرة ؟ 🩶

الغنوج المترف الفاتن الغض الخجول جعلني فالعمر ماعيش يوم موادعه اشهد ان ربي عطاها المحبه والقبول قالطه مابين حدب الضلوع وقادعه خشفتن فيها من الزين مدري ويش اقول مايحصر اوصافها قافي الي بادعه تلجم افواه الشواعير ودهاة العقول مايوصفها لا حزمي ، ولا ابن رادعه🩶

خلي البيوت العامره بالناس ولا تسكنين إلا قفص صدري ما شفت شيءٍ يخطف الأنفاس إلا ابتسامة وجهك البدري العين خدرا كن فيك نعاس حتى لو إنك قايمه بدري الجانب العلوي يجيب الراس وشلون عاد الجانب الحدري أقري على الزين الفلق والناس يمكن تصيبك عين ما ندري