🔥The 9th Round of Easy Loan, Earn $40 Reward is in progress❗️ ⏰ Promotion Period: January 15th - Feburary 15th, 2025 👉 Register now and check more details at gate.io/campaigns/358

١٨ لكن لا القصه مش كده خالص أنا مش ممسوك عشان عقب سيجاره أنا ممسوك عشان بلاوي كتير اوي الفجور الي كنت عايش فيه عمره ما كان حينتهي إلا بالطريقه دي لو مكنتش اتمسكت عمري ما كنت هبطل أبدا الفجور عندي كان هيزيد وكنت هغرق فيه وعمري ما كنت هطلع منه أبدا عقب السيجاره كان مجرد سبب مش اكتر

١٩ دخل الفطار وانا في المكافحه مرضتش اكل مكنش ليا نفس نهائي للاكل حتى النوم مكنتش بنام إلا لو وقعت من شدة التعب وكنت بصحى بعدها مفزوع ادور حواليا على موبايلي وبعدين افتكر اني محبوس والموبايل مش معايا غم وهم كبير اوي اكتر حاجه شاغله بالي مراتي واهلي هيقلقو عليا اوي لو متصلتش بيهم

٢٠ فاتت الجمعه وفات السبت يوم الحد الصبح دخل العسكري ونادى بعض الاسماء وكنت أنا منهم اخدونا كلبشونا من ايدينا ورجلينا وركبونا الباص وطلعنا على السجن الرئيسي في منطقة اسمها حدا وسط حراسه مشدده ولما وصلنا وقفونا طابور على البوابه وسلمو كل واحد فينا كمامه وطلبو مننا نلبسها على عنينا

٢١ دخلنا وعنينا متغطيه والمسجون الي يحاول يكشف عينه يشوف الي بيحصل حواليه كان بياخد ضرب شديد وبيتهان قلعونا هدومنا كلها وفتشونا وبعدها وزعونا على العنابر وفي العنبر هناك لمحت كابينة تليفون في الحيطه وكان واقف عليها طوابير كتير من البشر جاني ابراهيم السعودي سألني إذا كنت عايز اتصل

٢٢ قولتله ايوة محتاج والله اتصل ضروري بأهلي أطمنهم عليا قالي تعالى كان ليه سمعه هناك بين المساجين وشكله دخل قبل كده كذا مره دخلني ع الكابينه واداني كارت اتصال من معاه وقالي خد راحتك بس أنا مش عارف اتصل بمين مش حافظ ارقام خالص ومش عارف إذا كانت هتجيلي فرصة الاتصال دي تاني ولا لا

٢٣ اتصلت برقم سعودي عشوائي رد عليا راجل قولتله على ظروفي وطلبت منه يبحث في جوجل على اسم الشركة بتاعتي ويديني رقم تليفونهم وفعلا قدر يوصل لرقمهم واداهوني اتصلت على الشركه ورد عليا واحد صاحبي وقالي انهم كانو قلقانين عليا جدا حكيتلهم الي حصلي وطلبت منهم يدوني رقم اخويا ورقم اهلي

٢٤ قدرت اوصل لرقم مراتي وكلمتها واول ما هي سمعت صوتي فضلت تعيط وقالت انهم كانو هيكونو من القلق عليا حكيتلها الي حصلي واني معرفش هقدر اكلمها تاني امتى وبعدين كلمت اخويا الي بيشتغل برضه في السعوديه وطلبت منه يشحنلي كارت اتصال عشان اقدر اتصل تاني من الكابينه بيه وطلبت منهم يطمنو امي

٢٥ بعدها حسيت براحه بدات افوق شويه اخدت شوية قرارات مفيهاش رجعه خالص اولها اني مستحيل احط سيجاره في بقي أبدا والمرادي من غير ما أعاهد ربنا مجرد قرار وهنفذه صلاتي هي رقم واحد بالنسبالي مش هسيب القران من ايدي أبدا كنت في حالي لا بكلم حد ولا ليا دعوه بحد كان عندي مشكلة واحده بس

٢٦ مشكلة لبسي الحريمي والبلاوي الي ف غرفتي كلمت صاحبي الي معايا في السكن قولتله اكسر الغرفه بتاعتي هتلاقي ملابس حريمي في كل حته وهتلاقي شنطة كبيره مليانه برضه منهم حطهم كلهم في الشنطه وخد الشنطه ارميها وقولتله ان دي هدوم واحده كنت بقابلها وعامل معاها علاقه معرفش بقه هو فهمها ازاي

٢٧ هل صدقني هل هيعرف الحقيقه بالنسبالي؟ أنا متاكد انه عرف حقيقتي من المنظر الي شافه جوة الغرفه المهم في السجن الكبير ده فضلنا مستنيين نتعرض على موظف النيابه عشان يحقق معانا بدات اكلم المساجين الي حواليا واحكيلهم قصتي اني كنت سايق العربيه وكنت ناسي خالص عقب السيجارة ده في العربيه

٢٨ كنت بحكيلهم عشان اخد رايهم في مشكلتي واقول ايه للنيابه هل انكر؟ ولا اعترف؟ قالولي لو أنكرت هتتاخر في الحبس وتطلع من جلسه لجلسه لحد لما الشهود ييجو يشهدو عليك والله اعلم بقه ساعتها هتاخد براءة ولا التهمه هتثبت عليك وتترحل لكن لو اعترفت هتترحل علطول وبسرعه بس أنا عايز البراءة

٢٩ جه وقت العرض ع النيابه عايز أقولكم اني داخل على مكتب الشيخ بتاع النيابه الي هيحقق معايا وانا معرفش هعترف ولا هنكر النيابه: مكتوب عندي انك ممسوك بعقب سيجاره يشتبه انها تحتوي على مادة الحشيش المخدرة بتشتري الحشيش منين؟ أنا: معرفش يا شيخ. أنا مكنتش اعرف بوجود العقب ده في سيارتي

٣٠ النيابه: طب بتشتري الحشيش من عند انهي حبشي؟ أنا: معرفش حبوش يا شيخ أنا اصحابي كلهم مصريين وسعوديين فقط وبعدين أنا طالبت ياشيخ بعمل التحاليل اللازمه للتأكد اني لا أتعاطى اي نوع من أنواع المخدرات لكن محدش استجاب لمطالبي النيابه: أنا متاكد ان لو عملناك تحاليل هنلاقي دمك كله حشيش

٣١ اتمنى يا شيخ عمل تحاليل عشان نتأكد النيابه: يعني انت بتنكر التهمه؟ ايوة يا شيخ بنكر التهمه النيابه: خلاص نستنى استدعاء الشهود وقت المحاكمه والمحكمه تحكم عليك بالبراءة او بالادانه وخلص التحقيق على كده خوفي كله كان من حضور الشهود الشهود هما نفس العساكر الي مسكوني في التفتيش

٣٢ كنت عايز ارجع في كلامي وأعترف واخلص عشان مش عايز نقطة استدعاء الشهود دي خالص خايف العساكر يحضرو ويقولو انهم مسكوني لابس قميص نوم حريمي ومنعم جسمي وساعتها معرفش الشيخ هيحكم عليا بايه خايف يحكم عليا بكذا سنه حبس وبدل ما كان الموضوع مجرد شهرين تلاته حبس يتحول لتهمه اكبر واندم

٣٣ اكبر واهم وأصعب قرار اخذته هو اني ابطل تدخين بطلت تدخين في اكتر وقت كنت محتاجله وقت الحبس بطلته في اكتر مكان محتاجله فيه جوة السجن كان قرار صعب جدا لكن الحمدلله من وقتها لحد دلوقتي مشربتش سيجاره ولا شيشه ولا اي نوع من انواع الدخان نهائيا مع ان التدخين وقت الحبس هو صديق المسجون

٣٤ بالنسبة للصلاة مكنتش بسيب فرض قبل الحبس لكني كنت متهاون في اداء الفروض لكن جوة الحبس الفروض كانت جماعه في وقتها المصحف مكنش بيسيب ايدي كنت بنام وهو في ايدي كنت بختم المصحف كل ١٠ ايام المساجين حواليا كانو يرقصو ويطبلو ويهيصو لكن انا كنت مع نفسي وفي حالي قيام الليل والقران وبس

٣٥ كنت بكلم مراتي كل يوم من الكابينه أطمن عليها وأطمنها عليا كانت تبكي في التليفون على الحال الي وصلناله وانها عرفت قيمتي ونفسها تشوفني كنت بصبرها واقولها ان الي احنا فيه ده نعمه من ربنا خلينا نرجع نقرب من ربنا هو عمل كل ده من حبه فينا عشان عايزنا نرجعله مراتي هي اغلى حاجه عندي

٣٦ هي الي وقفت جنبي وساندتني صبرت واتحملت وكانت بتحاول تهون عليا كتير هي الي كانت بتكلم اخويا الي في السعوديه عشان يشوفلي محامي حتى لو هتبيع دهبها كله وفعلا اخويا كلم محاميين وحكالهم قصتي منهم محامي طلب يطلع على محضر الضبط اخويا نزل جدة عشان يطلع سيارتي من الحجز ويجيب محضر الضبط

٣٧ اخويا راح المكافحه قدر يطلع تليفوني وسيارتي وقدر يجيب محضر الضبط كان مكتوب في المحضر انه تم القبض عليا في تفتيش في حي المروه وانهم فتشو السيارة وطلعو عقب سيجارة حشيش من تحت رجلي طبعا مكان التفتيش كان في حي النزهه مش المروه وعقب السيجاره طلع من جهة الباب اليمين مش من تحت رجلي